Isaya 9:3 - The Holy Bible In Alur (Lur) Revised Orthography

³ Imedo thek, inyayu mutoro migi: anyong’a negogi i weng’i calkud anyong’a mi rmvoka, calu anyong’a nego dhanu kinde ma gipoko ayeki.

Isaya 9:3 ပူးပေါင်းရင်းမြစ်များ

Nehemia 9:23

Inyayu nyithindho migi bende calu cero m’i polo, man ikelogi i ng’om m’iwacu pire ni kwarugi, nia gibimondo i ie nimwonye.

Kitabu Pa Yob 12:23

Enyayu thek, man enyothogi; Emedo kum thek, man eterogi i ng’eca.

Zaburi 107:38

Emio igi mugisa bende, ketho ginyai dit; Man eyio ngo nia lim migi dok nok.

Zaburi 119:162

Anyong’a nega kum lembe peri, Calu ng’atu m’unwang’u ayeki ma dit.

Zaburi 4:7

Iketho mutoro i adundena, Ma sagu migi kinde ma cam migi ku pigulok migi ma nyen unyai.

Isaya 10:26

E Yehova mir udul bicwaku goc ma tek i kume, calu i nek mi Midian kum cana pa Oreb: man uluth pare bibedo wi nam, man ebiting’e malu calu kura mi Misiri.

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 14:5

Yehova turo jamjeng’ mi judubo, uluth ker mi jubim;

Isaya 25:9

E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

Isaya 26:15

Imedo thek, E Yehova, imedo thek; juyungi; imedo kieu ceke m’i ng’om.

Isaya 35:10

e ju ma juwaru pa Yehova bidwogo, man gibibino ku wer ba Sayuni; man mutoro mi nja bibedo i wigi: e gibinwang’u mutoro kud anyong’a, e can ku gamucwiny bipiei woko.

Isaya 35:2

Ebithiwo dit, man anyong’a binege cil ku mutoro man wer; jubimio ire dwong’ mi Lebanon, dwong’ mi Karmel ku Caron: gibineno dwong’ pa Yehova, dwong’ pa Mungu mwa.

Isaya 54:1

Wer, E mugumba, in m’inyol ungo; moc ku wer, man ikok ma tek, in m’isendri ngo ku nyodo: kum nyithindho pa ng’atu ma kende gi dupa ma sagu nyithindho pa dhaku ma jugamu, Yehova wacu.

Isaya 55:12

Kum wubiwok woko ku mutoro, man jubitelo wiwu ku kwiocwiny: gudi kud ungulu gudi bimoc ku wer i weng’wu; e yen ceke m’i thim biteng’o cing’gi.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 61:7

Wubibedo ku piny wang’ ario ka lewic mu; man anyong’a binegogi ni kum makapiny migi ka cac: ka kumeno gibibedo ku piny wang’ ario i ng’om migi; mutoro mi nja bibedo igi.

Isaya 65:14

nen, jutic para biwero wer ni anyong’a mir adunde, ento wubiywak ni can mir adunde, man wubigoyo nduru kum ang’abacwiny.

Isaya 65:18

Ento mutoro kud anyong’a negwu thiri thiri i gin m’acwio; kum, nen, acwio Yerusalem ni anyong’a, man dhanu pare ni mutoro.

Isaya 66:10

Anyong’a negwu karacelo ku Yerusalem, man anyong’a negwu pire, wun ceke ma wumare: anyong’a negwu ku mutoro karacelo kude, wun ceke ma wuywage;

Yeremia 31:7

Kum Yehova wacu kumae, Wuwer ku mutoro pi Yakobo, man wukok pi jadit mi thek: wurwei lembe, wupak pak, man wuwac kumae, E Yehova, bodh dhanu peri, ma dong Israel.

Hoseya 4:7

Calu gimedri, e gidubo ira kumeno; abidwoko dwong’ migi ni lewic.

Lembe Mi Julawi 26:13

An a Yehova Mungu mu, m’uwodhowu woko kud i ng’om Misiri, kara kud wubed ng’eca migi; man aturo utwindi mi mberembere mu, man aketho wucidho atira.

Zekaria 10:8

Abilwong’ogi ku lwio, e abicokogi; kum awarugi; man gibimedri calu gimedri.

Zekaria 2:11

Man thek dupa gibiribri ba Yehova i ceng’ maeca, man gibibedo dhanu para; man abibedo i kindi, e ibing’eyo nia Yehova mir udul uora i beng’i.

Zekaria 8:23

Yehova mir udul uwacu kumae: I ceng’ maeca ebitimbre, nia co apar, kud i dhu thek ceke, gibimaku dhu kendi pa Jayahudi, gibiwacu kumae, Wabicidho wakudu, kum wa winjo nia Mungu ni kudu.

Luka 11:22

ento tek ng’atu ma tek ma sage bino i bang’e, eloye de, emayu woko jamtho pare ceke m’egeno, epoko ayeki pare de.

Tic Mi Jukwenda 8:8

E mutoro ma dit ubedo nuti i adhura maeno.

Jufilipi 4:4

Anyong’a negwu thiri thiri i Rwoth: awacu kendo, Anyong’a negwu.

1 Petro 1:8

ma wumare, ma fodi wukunene ngo; ma kadok wunene ngo kawono, ento ma wuyie, anyong’a negowu dit kud anyong’a ma wecre ngo m’upong’ ku dwong’ de;

Jupoklembe 5:3

Wuwinji, E wun ubimo; wucik ithwu, E wu judongomawijo; An, cil an, abiwero ni Yehova; Abiwero pak ni Yehova, Mungu mir Israel.

Jupoklembe 7:22

E gikudho agwara dak adek, man Yehova ketho palamularu pa ng’atuman ulokre kum wadi, man kum udul ceke; man udul uringo cil Beth-cita yo ba Zerera, man cik kum ng’om mir Abel-mehola, ma ceng’ni Tabath.

Jupoklembe 8:12

Man Zeba ku Zalmuna giringo; man elubo tokgi; e emaku ju m’ubimo ario mi Midian, en e Zeba giku Zalmuna, man eng’abu cwiny udul kpo.

1 Samwil 30:16

E kinde m’etere piny, nen, gimoiri foo wi ng’om ceke, gibecamu gibemadhu de, man gimielo miel, kum ayeki ceke ma dit ma gigamu kud i ng’om mi Jufilisti, man kud i ng’om Yuda.