Isaya 9:18 - The Holy Bible In Alur (Lur) Revised Orthography

¹⁸ Kum dubo wang’u calu mac; ewang’u ucok kud ukudho; eyo, ecwinjre i kind susu mi luli, e giidho malu i mbegi mi yiro.

Isaya 9:18 ပူးပေါင်းရင်းမြစ်များ

1 Ubimo 16:21

Dhanu mir Israel ulund upokre i ng’ete ario: ng’et dhanu kucel gilubo Tibni ma wod Ginath, kara gikethe ni ubimo; ng’ete mucelo ke gilubo Omri.

Zaburi 37:20

Ento judubo birwinyo, Man judegi pa Yehova bibedo calu mio mi nyithi rembe: Gibithum; gibithum calu yiro.

Zaburi 68:2

Calu yiro ma duny woko, lekgi woko kumeca: Calu udok loi i wang’ mac, Wek judubo girwiny kumeca ni kum wang’ Mungu.

Zaburi 83:14

Calu mac ma wang’u luli, Man calu lebmac ma cwinyo gudi,

Isaya 1:31

Man jutego bibedo calu thondh gonia, tic pare de calu bieimac; e gin ario de gibiwang’ karacelo, e ng’atu moko mbe ma binego maje.

Isaya 1:7

Ng’om mu bedo ni uvuru; adhura mu juwang’u ku mac; ng’om mu, juwirok ucame i vutwu, man ebedo ni uvuru, calu juwirok ung’ielo gin.

Isaya 26:11

Yehova, cingi tingre malu ento gineno ngo: ento gibineno ngiri peri ma pi dhanu, e lewic bimakugi; eyo, mac bicamu jusend peri.

Isaya 27:4

Kwinyo mbe i ia: dok ucok kud ukudho gini f kuma i Jwiny! kuno di awotho i wigi, kuno di awang’ugi karacelo.

Isaya 3:5

Man jubisendo dhanu, ku ba dhanu ceke ng’atuman wadi bisende, man ku ba dhanu ceke ng’atuman jadhugola pare bisende: nyathin bitimbre ku kuhaya kum jadit, man ng’atu ma sai kum won yung.

Isaya 30:30

E Yehova biketho dwal pare mi dwong’ winjre, man ebinyutho loro piny mi bote, ku kwinyo mi ng’ecwiny pare, man lebmac mi mac ma wang’u, ku morpiny, man wavuvu, man kidi mi pei.

Isaya 30:33

Kum Kanyoth juyiko con; eyo, juyiko ni ubimo; etime thuth man lac; udhurune en e mac ku yen ma dit; yuyo pa Yehova, calu kulo mi muganga, ubecwinye.

Isaya 33:12

Man kodhidhanu bibedo calu wang’ ma juwang’u ko kidi ma tar, calu ukudho ma jutong’o piny, ma juwang’u i mac.

Isaya 33:14

Lworo nego judubo m’i Sayuni; mielkum umaku ju ma ayi Mungu mbe i kumgi: Ng’a m’i kindwa copo bedo ku mac ma wang’i? ng’a m’i kindwa ma copo bedo ku gin ma wang’ nja?

Isaya 5:24

Ka kumeno calu lebmac wang’u soka, man calu lum m’uthwo rungre i lebmac, e ulaggi bibedo kumeca calu gin m’utop, man thiugi biduny calu utur; kum gikwero cik pa Yehova mir udul, man gicayu lembe pa Ng’atu Maleng’ mir Israel.

Isaya 50:11

Nen, kewu ceke ma wucwinyo mac, ma wutwiru giwu ku dhumac; wuwoth i lebmac mi mac mu, man kind dhumac ma wucwinyo. Wubibedo ku maeni m’i cinga; wubivuto piny i can.

Yeremia 9:3

Man gigomo lebgi, calu en e atum migi, mi yero ndra; e gidoko tek i ng’om, ento mi lemandha ngo: kum gicikucidho ugambre kum lem ma rac utundo kum lem ma rac, e ging’eya ngo, Yehova wacu.

Hoseya 13:3

Ka kumeno gibibedo calu afuru mi kugweno, man calu thoi ma oi pir kugweno, calu cung’ ma duny kud atido ku wi lela mi fodo cam, man calu yiro ku dhu kendo.

Yoel 2:20

ento abicoro njuru asikari ma yor ariwa ma malu cen kud i kumwu, man abirieme i ng’om ngele man uvuru, kume m’utelo yo i nam ma yo nyangu, man kume m’udong’ cen i nam ma yo reto; e ng’wice ma rac biduny, man ng’wice ma rac biidho malu, kum etimo gin ma dit.

Yoel 2:3

Mac uwang’ i wang’gi; man i ng’eigi lebmac uliel: ng’om ubedo calu podho mir Aden i wang’gi, man i ng’eigi langa mir uvuru; eyo, man ng’atu moko mbe m’uboth igi.

Amos 7:4

Rwoth Yehova nyutho kumeni ira: man, nen, Rwoth Yehova lwong’o pi piembri ma ku mac; e ewang’u pi ma dit, man eyenyo ewang’ ng’om kot.

Obadia 1:18

E ot pa Yakobo bibedo ni mac, man ot pa Yusuf ni lebmac, ot pa Esau de ni soka, man gibiliel i kindgi, e gibiwang’ugi; man ng’atu moko mbe ma bidong’ ni ot pa Esau; kum Yehova yero maeni.

Nahum 1:10

Kum ka gimoko calu ukudho, gimer de calu ku giramadha migi, giwang’ pet calu soka m’uthwo.

Nahum 1:6

Ng’a ma copo cungo nyim ng’ecwiny pare? ng’a ma copo bedo i lak ng’ecwiny pare? kwinyo pare konjre woko pami mac, man cana ng’eny kude.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Matayo 25:41

Ebilund wacu ni ju ma ni yo ku cinge ma yor acam bende kumae, Wuai woko kud i vuta, wun ma wubedo akwong’a, i mac ma rondo ku rondo m’ubedo ayika ni wonabali ku malaika pare:

Poi Mi Cik 32:22

Kum mac uopo i ng’ecwiny para, Man ewang’ cil kum liel ma piny, Man ecamu ng’om ku nyai pare, Man ecwinyo the gudi.

Juebrania 6:8

ento tek etwio ukudho kud ucok, e jukwere man e ceng’ni ku kwong’; ma kajikne juwang’e ku mac.

Lembanyutha 14:11

man yiro mi ndiba migi idho malu rondo ku rondo; man yom umbe igi dieceng’ ku diewor, gi ju m’urwo ni yedi kud ayine de, ku ju m’ujolo kiedo mi nyinge.