Isaya 9:12 - The Holy Bible In Alur (Lur) Revised Orthography

¹² Jucami yor i wang’, man Jufilisti yor i ng’ec; e gibicamu Israel ku dhok m’ang’ama. Kadok maeni ceke timbre ng’ecwiny pare lokre woko ngo, ento cinge rieire asu.

Isaya 9:12 ပူးပေါင်းရင်းမြစ်များ

2 Ubimo 16:6

I nindo maeca Rezin m’ubimo mi Cami ugamu Elath kendo ni Cami, man eriemo Juyahudi kud i Elath; e Jucami gibino i Elath, man gibedo keca, cil i ceng’ ma tin.

2 Lemkei 28:18

Jufilisti bende giyaku adhura mi poga, man ma yor ariwa ma piny ni Yuda, man gimaku Beth-cemec, ku Aijalon, man Gederoth, ku Soko karacelo ku pacune de, man Timna ku pacune de, man Gimzo bende ku pacune de: e gibedo keca.

Zaburi 79:7

Kum gicamu Yakobo, Man ginyotho kabedo pare.

Isaya 10:4

Gibigung’ piny kende the jukol, man gibipodho the ju ma junego. Kadok maeni ceke timbre ng’ecwiny pare lokre cen ungo, ento cinge rieire asu.

Isaya 11:14

Man gibikonjri piny wi gok Jufilisti yo reto; e gibinyotho nyithindho ma yo nyangu karacelo: gibirieyo cing’gi wi Edom ku Moab; man nyithindho mir Amon biworogi.

Isaya 31:1

Can wi ju m’uloro piny i Misiri pi kony, man m’ugeno riuni, m’ugeno magali de kum gi dupa, ku weg riuni kum gi tek hai, ento gineno ba Ng’atu Maleng’ mir Israel ungo, kadok Yehova de giyenyo ngo!

Isaya 5:25

Ka kumeno ng’ecwiny pa Yehova opo kum dhanu pare, man erieyo cinge i kumgi, man egoyogi; e gudi yengre, man avujgi bedo calu susu i die gengi. Kadok maeni ceke timbre ng’ecwiny pare lokre cen ungo, ento cinge bedo arieya asu.

Isaya 9:17

Ka kumeno anyong’a binego Rwoth ungo kum awobi migi, kadok ngisi de binege ngo kum tic migi ku mon ma coggi tho; kum kubang’gi ceke ng’atuman en e ng’atu m’ucido man jatim rac, man ku ba dhok ceke weco lem ma kite mbe. Kadok maeni ceke timbre de ng’ecwiny pare lokre woko ngo, ento cinge rieire asu.

Isaya 9:21

Manase; e gin ario gibibedo kum Yuda. Kadok maeni ceke timbre ng’ecwiny pare lokre woko ngo, ento cinge rieire asu.

Yeremia 10:25

Konj kwinyo peri woko wi thek m’ung’ei ngo, man wi wat ma lwong’o nyingi ngo; kum ginyotho Yakobo, eyo, ginyothe man gidare, man gidwoko kabedo pare ni uvuru.

Yeremia 15:7

Man apiedhogi kud udheru i dhugang’ m’i ng’om; ayaku nyithindho migi, anyotho dhanu para; gilokri ngo kud i yo migi.

Yeremia 35:11

Ento etimbre, kinde ma Nebukadrezar m’ubimo mi Babeli idho malu i ng’om, nia wawacu kumae, Wubin, man wek waidhu i Yerusalem ni lworo mi njuru asikari mi Jukaldayo, man ni lworo mi njuru asikari mi Jucami; kum kumeno wabedo i Yerusalem.

Yeremia 4:8

Kum maeni wutwiru ku goniu, wuywak man wugoi nduru; kum ng’ecwiny ma lake tek pa Yehova lokre cen ungo kud i kurawa.

Ezekiel 16:27

Ka kumeno nen, arieyo cinga i wii, man ajwigo cemo peri ma thiri thiri, man amii ni yeny ma ju m’udegi yenyo, en e nyig Jufilisti, ma lewic unegogi kum yo peri ma rac.

Ezekiel 6:14

Man abirieyo cinga i wigi, man abidwoko ng’om ni uvuru man ni susu, ugambre i langa yo ba Dibla, cil i kabedo migi ceke; e gibing’eyo nia an a Yehova.

Hoseya 7:10

Man kuhaya mir Israel utuco i wang’e: ento gidwogo ba Yehova Mungu migi ngo, kadi giyenye de ngo, kum gin maeni ceke.

Amos 4:10

Aoro thong’om i kindwu calu mi Misiri: anego awobi mu ku palamularu, man ayaku riuni mu; man aketho ng’wic piny ma rac mi kagonjo mu idho malu cil i odiumwu: ento wudwogo ngo i bang’a, Yehova wacu.

Amos 4:11

Ang’ielo adhura i kindwu, calu kinde ma Mungu ng’ielo Sodom ku Gomora, e wubedo calu dhumac ma juyudho kud i mac: ento wudwogo i bang’a ngo, Yehova wacu.

Amos 4:6

An bende amio iwu leng’ mi lak i adhura mu ceke, ku can kwen i kakewu ceke; ento wulokru ngo i bang’a, Yehova wacu.

Amos 4:8

Kum kumeno adhura ario kadi adek gicidho bang’ adhura acel kara gimadh pi, e eromogi ngo: ento wudwogo ngo i bang’a, Yehova wacu.

Amos 4:9

Agoyowu ku motho man laimo: ukoko camu udul pothi mu man podho mir ulok mu ku yendubolo mu man yendulam mu: ento wudwogo ngo i bang’a, Yehova wacu.

Zefania 1:6

ku ju m’udok cen kum lubo Yehova; ku ju m’uyenyo Yehova ngo, kadi m’upenje de ngo.

Zefania 3:2

Eworo dwal ungo; ejolo ponji de ngo; egeno Yehova ngo: ecoro ceng’ni Mungu pare ngo.

Poi Mi Cik 31:17

E ng’ecwiny para bilund opo i kumgi i ceng’ maeca, e abikunogi, man abipanu wang’a igi, e jubijigo wigi, man gin ma rac dupa ku can biwok i wigi; ketho nia gibiwacu i ceng’ maeca kumae, Gin ma rac maeni wok i kumwa kum Mungu mbe i kindwa ngo?