Isaya 9:11 - The Holy Bible In Alur (Lur) Revised Orthography

¹¹ Ka kumeno Yehova bidodo jusend pa Rezin malu i kume, man ebithubo judegi pare,

Isaya 9:11 ပူးပေါင်းရင်းမြစ်များ

2 Ubimo 15:29

I nindo pa Peka m’ubimo mir Israel, Tiglat-pileser m’ubimo mir Ascur ubino, man emaku Ijon, kud Abelbeth-maka, man Yanoa, man Kedec, ku Hazor, man Gilead ku Galilaya, man ng’om ceke pa Naftali; e eyakugi ni ng’eca i Ascur.

2 Ubimo 16:9

Man ubimo mir Ascur uwinjo dwande; e ubimo mir Ascur uidho malu kum Dameski, e emake, man eyaku dhanune ni ng’eca i Kir, man enego Rezin.

Isaya 10:4

Gibigung’ piny kende the jukol, man gibipodho the ju ma junego. Kadok maeni ceke timbre ng’ecwiny pare lokre cen ungo, ento cinge rieire asu.

Isaya 28:1

Can ni jamkermiwic mi kuhaya mi ju m’umer ku kong’o mir Efraim, man ni thiuboko m’uner mi bero pare mi dwong’, man ni wi wie mi poga ma mio mi ju ma pigulok uvoyogi mire ma!

Isaya 5:25

Ka kumeno ng’ecwiny pa Yehova opo kum dhanu pare, man erieyo cinge i kumgi, man egoyogi; e gudi yengre, man avujgi bedo calu susu i die gengi. Kadok maeni ceke timbre ng’ecwiny pare lokre cen ungo, ento cinge bedo arieya asu.

Isaya 7:1

Man etimbre i nindo pa Ahaz ma wod Yotham, ma wod Uzia, m’ubimo mi Yuda, nia Rezin m’ubimo mir Cami, man Peka ma wod Remalia, m’ubimo mir Israel, giidho ba Yerusalem kara gitim ali i kume, ento gicopo make ngo.

Isaya 7:8

Kum wi Cami en e Dameski, man wi Dameski en e Rezin; man Efraim bitur nziki nziki ma fodi rundi pier abusiel wi abic kutundo kakare ngo, ketho nia ebibedo dhanu ngo: