Isaya 9:1 - The Holy Bible In Alur (Lur) Revised Orthography

¹ Ento yimpiny bibedo umbe ku ng’atu ma naka ni i ndiba. I nindo ma kwong’a ekelo ng’om Zebulun ku ng’om Naftali i cac; ento i nindo ma cen eyunge, ku yor i nam, loka Yordan, Galilaya mi thek.

Isaya 9:1 ပူးပေါင်းရင်းမြစ်များ

2 Ubimo 15:29

I nindo pa Peka m’ubimo mir Israel, Tiglat-pileser m’ubimo mir Ascur ubino, man emaku Ijon, kud Abelbeth-maka, man Yanoa, man Kedec, ku Hazor, man Gilead ku Galilaya, man ng’om ceke pa Naftali; e eyakugi ni ng’eca i Ascur.

I Lemkei 5:26

Man Mungu mir Israel uting’o cwiny Pul m’ubimo mir Ascur, man cwiny Tilgath-pilneser m’ubimo mir Ascur, e eyakugi, cil Jurubeni, man Jugadi, man ng’et suru pa Manase, man ekelogi i Hala man Habor, man Hara, man kum kulo Gozan, cil i ceng’ ma tin.

2 Lemkei 16:4

Man Ben-hadad uwinjo dwand ubimo ma Asa, man eoro jego mi njuru asikari pare kum adhura mir Israel; e gigoyo Ijon, man Dan, man Abel-maim, kud adhura mi kakanpiny ceke mi Naftali.

Isaya 8:22

e gibineno yo ba ng’om, man, nen, lem ma tek ku mudho yimpiny mi ndiba; man jubiriemogi cen i mudho ma bii.

Lembe Mi Julawi 26:24

e an bende abilund wotho ku co iwu; man abigoyowu, en e an, wang’ abiro pi dubo mu.

Lembe Mi Julawi 26:28

abilund wotho ku co iwu ku kwinyo; man an bende abiponjowu wang’ abiro pi dubo mu.

Luka 24:27

Man etheko kum lem pa Musa ku jubila ceke de, ekoro igi i lem pa Mungu ceke gin ma pire gire.