Isaya 8:11 - The Holy Bible In Alur (Lur) Revised Orthography

¹¹ Kum Yehova yero kumeni ira ku cing’ ma tek, man eponja ya kud awoth i yo mi dhanu maeni, ewacu kumae,

Isaya 8:11 ပူးပေါင်းရင်းမြစ်များ

1 Ubimo 18:46

man cing’ Yehova ni wi Elia; e etwio piere, man eringo i wang’ Ahab ba kamondo mi Yezrel.

Zaburi 32:8

Abidwoki riek man abiponji ku yo m’ibiwotho i ie: Abimio iri rieko lembe ku wang’a ma ni i wii.

Lembrieko 1:15

Woda, ku wuwoth wukugi i yo: Cer tiendi kud i yo migi:

Isaya 30:1

Can i wi nyithindho mi jai, Yehova wacu, m’uporo lembe, ento i bang’a ngo; man m’utimo lembariba, ento ku Tipona ngo, kara gimed dubo kum dubo;

Yeremia 15:19

Ka kumeno Yehova wacu kumae, Tek idwogo, abilund keli kendo, kara icung i wang’a; man tek ikabu piny ma pire tek kud i piny ma ng’ic, ibibedo calu dhoga: gibidwogo i beng’i, ento ibidwogo i bang’gi ngo.

Yeremia 20:7

E Yehova, ipiko lembe i ia, e abedo kumeni; tego peri sagu para, man ivoya: adoko ni girang’iera ceng’ du dhanu ceke kubang’gi kubang’gi gicaya.

Yeremia 20:9

Man tek awacu kumae, Abiweco pire ngo, kadi yero kendo ngo ku nyinge, elund ebedo calu mac m’uwang’ yor i adundena ma juciko bang’e yor i cogona, man aol ku twiocwiny, e acopo ciro ngo.

Ezekiel 3:14

Kum kumeno Tipo ting’a malu, man etera cen; man acidho i lembe ma kec, i lietho mi tipona; man cing’ Yehova e tek i kuma.

Tic Mi Jukwenda 4:20

kum wacopo weko yero pi gin ma waneno ku ma wawinjo de ngo.