Isaya 8:10 - The Holy Bible In Alur (Lur) Revised Orthography

¹⁰ Wupor lembe karacelo, e jubidwoke mananu; wuyer lembe, e ebicungo ngo: kum Mungu ni karacelo kudwa.

Isaya 8:10 ပူးပေါင်းရင်းမြစ်များ

Thangambere 21:22

Man etimbre i nindo maeca, nia Abimelek ku Fikol ma jego mir udul pare yero ni Ibrahim, ewacu kumae, Mungu ni kudi i gin ceke m’itimo:

2 Samwil 15:31

E ng’atu acel uyero ni Daudi, ewacu kumae, Ahithofel ni i kind ju m’uribo lembe kud Absalom. Man Daudi wacu kumae, E Yehova, akwei, lok lembapora pa Ahithofel ni lemkasegu.

2 Samwil 17:23

Man kinde ma Ahithofel uneno nia jutimo lembapora pare ngo, eketho jamb woth wi kana pare, man eai, edok thugi, bang’ adhura pare, e eyiko ot pare, man edeire gire; e etho, man juyike i odliel pa won.

2 Samwil 17:4

Man lembawaca maeni nyayu mutoro dit i Absalom, man i judongo mir Israel ceke.

2 Ubimo 6:12

E ng’atu acel ma kind jutic pare wacu kumae, Ungo, rwoth para, E ubimo; ento Elica, jabila ma ni i kind Israel, eyero ni ubimo mir Israel lembe m’iweco ku i kusika mi kavuto peri.

2 Lemkei 13:12

Man, nen, Mungu ni kudwa i wiwa, man julam pare kud agwara mir atwong’a kara uywak mir atwong’a i kumwu. E nyithindho mir Israel, kud wukied kum Yehova, Mungu pa kwaruwu; kum lembe mu bibedo miero ngo.

Kitabu Pa Yob 5:12

Enyotho lembapora mi ju ma riu, Ketho nia cing’gi copo timo gin ma gikeco ngo.

Zaburi 21:12

Kum ibiketho giloko ng’eigi; Ibitwio thondh atum peri i wang’gi.

Zaburi 46:1

Mungu en e kapondo mwa man tego mwa, Kony ma nuti andha i can.

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Zaburi 46:7

Yehova mir udul ni i bang’wa; Mungu pa Yakobo en e kapondo mwa. [Sela.

Zaburi 46:8

Wubin, wunen tic pa Yehova, Maram etimo ko uvuru i ng’om.

Lembrieko 21:30

Rieko moko mbe kadi ng’eyothelembe Kadi lembapora kum Yehova.

Isaya 14:27

Kum Yehova mir udul ukeco, man ng’a ma bithire? man cinge rieire, e ng’a ma bidole?

Isaya 28:18

E lembariba mu ma ku tho jubithiro, man lembariba mu ma ku liel bicungo ngo; kinde ma goc m’ucore bikadhu, e jubilund nyonowu piny kude.

Isaya 41:10

lworo kud unegi, kum wanuti wakudi; cwinyi kud ung’abre, kum an a Mungu peri; abimio iri tego; eyo, abikonyi; eyo, abijengi ku cing’ ma yor acwic mi bedopwe para.

Isaya 43:5

Lworo kud unegi; kum wanuti wakudi: abigamu kodhini ku yo nyangu, man abicoki ku yo reto;

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Isaya 8:8

man ebicore i Yuda; ebimwonye man ebikadhu kud i ie; ebitundo cil kum ng’ut; e riec mi bombe bipong’o kalac mi ng’om peri, E Imanuel.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Yeremia 42:11

Lworo kud unegwu kum ubimo mi Babeli, ma lworo negowu i kume; lworo kud unegwu i kume, Yehova wacu: kum ani kudu mi bodhowu, man mi laruwu kud i cinge.

Yeremia 46:28

Lworo kud unegi, E Yakobo ma jatic para, Yehova wacu; kum wanuti wakudi: kum abijigo wi thek ceke m’ariemoi i ie; ento abijigo wii ma gwei ngo, ento abiponji ku pokolembe, man abiweki ngo ma ponji mbe.

Ywak 3:37

Ng’a m’uwacu, man etimbre kakare, ma Rwoth kung’olo re ngo?

Yoel 3:9

Wurwei lembe maeni i kind thek; wuyik ali; wuthub dhanu ma jutego; wek dhanu ceke mir ali gicor ceng’ni, wek giidh malu.

Hagai 1:13

Hagai ma jakwenda pa Yehova lund uyero i lembe pa Yehova ni dhanu, ewacu kumae, Wanuti wakudu, Yehova wacu.

Kitabu Mir Ang’wende Pa Musa Wel 14:9

Ento kud wujai ni Yehova, kadok dhanu m’i ng’ombe de kud wulworgi; kum gi kwen iwa: man tipo migi kabre woko kud i wigi, man Yehova ni karacelo kudwa: kud wulworgi.

Matayo 1:23

Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Jurumi 8:13

kum tek wubedo tok kum, wubikotho be; ento tek wunego tic mi kum ku Tipo, wubibedo kwo.

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

Poi Mi Cik 20:1

Kinde m’icidho ba lwiny kum judegi peri, man ineno riuni, ku magali, man dhanu ma welgi segi, lworo kud unegi i kumgi; kum wunuti wuku Yehova Mungu perigi, m’uwodhi woko kud i ng’om Misiri.

Yocuwa 1:5

Ng’atu moko mbe ma bicopo cungo i weng’i i nindo ceke m’ibedo ie kwo: calu abedo ku Musa, abibedo kudi de kumeca; abirem iri ngo, kadi abikuni de ngo.

1 Yohana 4:4

Wun wu pa Mungu, nyithindho para ma thindho, man wuloyogi: kum ng’atu ma ni i iwu e dit ma sagu ng’atu ma ni i ng’om.