Isaya 7:4 - The Holy Bible In Alur (Lur) Revised Orthography

⁴ man iwac ire kumae, Bed ku weng’i, man ibed yo; lworo kud unegi, kadok cwinyi de kud uvoci, kum yib ario maeni mi dhumac ma dunyo yiro, kum ng’ecwiny ma lake tek pa Rezin man Cami, man pa wod Remalia.

Isaya 7:4 ပူးပေါင်းရင်းမြစ်များ

2 Ubimo 15:27

I rundi pier abic wi arionde pa Azaria m’ubimo mi Yuda, Peka ma wod Remalia maku camu ker wi Israel i Samaria, man ecamu ker rundi pier ario.

2 Lemkei 20:17

Can kiedo i lwiny maeni binegowu ngo: wuther giwu, wucung ling’, man wunen both pa Yehova ma ni kudwu, E Yuda ku Yerusalem; lworo kud unegwu: kadi cwinywu de kud ung’abre: urwo wucidh i kumgi; kum Yehova ni kudwu.

Isaya 10:24

Ka kumeno Rwoth, Yehova mir udul, uwacu kumae, E dhanu para m’ubedo i Sayuni lworo kud unegwu kum Jaascuri, kadok egoi ku dul, man eting’o uluth pare i kumi, calu kura Misiri.

Isaya 30:15

Kum Rwoth Yehova, Ng’atu Maleng’ mir Israel, uwacu kumae, Wubiboth ni kum dwogo ku yom; tego mu bibedo nuti ni kum bedoyo man genogen. E wuyenyo ngo;

Isaya 30:7

Kum Misiri konyo mananu, man ma kulokane mbe: ka kumeno alwong’e Rahab m’ubedo ling’.

Isaya 35:4

Wuwac ni ju ma lworo nego adundegi kumae, Wubed tek, lworo kud unegwu: nen, Mungu mu bibino ku culokwor, ku culo wang’ lembe pa Mungu; ebibino man ebilaruwu.

Isaya 37:6

E Isaya wacu igi kumae, Wuwac kumae ni rwoth mu, Yehova wacu kumae, Lworo kud unegi kum lembe m’iwinjo, ma jutic p’ubimo mir Ascur ucida ko.

Isaya 41:14

Lworo kud unegwu, in i ukoko ma Yakobo, man wun wu dhanu mir Israel; abikonyi, Yehova wacu, man Jawarni en e Ng’atu Maleng’ mir Israel.

Isaya 7:1

Man etimbre i nindo pa Ahaz ma wod Yotham, ma wod Uzia, m’ubimo mi Yuda, nia Rezin m’ubimo mir Cami, man Peka ma wod Remalia, m’ubimo mir Israel, giidho ba Yerusalem kara gitim ali i kume, ento gicopo make ngo.

Isaya 7:8

Kum wi Cami en e Dameski, man wi Dameski en e Rezin; man Efraim bitur nziki nziki ma fodi rundi pier abusiel wi abic kutundo kakare ngo, ketho nia ebibedo dhanu ngo:

Isaya 7:9

man wi Efraim en e Samaria, man wi Samaria en e wod Remalia. Tek wubiyio ngo, wubicungo ngo andha.

Isaya 8:4

Kum ma fodi nyathinne bibedo ku ng’e, yong’ec mi ywak kumae ngo, Vwa, man, Ma, e lonyo mi Dameski kud ayeki mi Samaria jubiyaku i wang’ ubimo mir Ascur.

Isaya 8:6

Kum calu dhanu maeni gikwero pi mi Ciloa ma mol lwe lwe, man anyong’a negogi kum Rezin ku wod Remalia;

Ywak 3:26

E ber ya dhanu gen man ekur yo pi both pa Yehova.

Amos 4:11

Ang’ielo adhura i kindwu, calu kinde ma Mungu ng’ielo Sodom ku Gomora, e wubedo calu dhumac ma juyudho kud i mac: ento wudwogo i bang’a ngo, Yehova wacu.

Habakuk 2:3

Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

Zekaria 3:2

Man Yehova wacu ni Jok kumae, Yehova juki, E Jok; eyo, Yehova m’ugoyo wi Yerusalem ujuki: maeni yen ma mac urewo ngo ma juwodho kud i maci?

Matayo 10:28

Man kud wulwor ju ma nego kum, ento ng’eyong’ec re negre igi ngo: ento ma sagu wulwor ng’atu ma copo nyotho ng’eyong’ec ku kum de i gehena.

Matayo 24:6

Man wubiwinjo pir ali ku rwong ali de; wunen nia cwinywu kud ung’abre: kum gin maeni bikotimbre be; ento nwang’u kajikne fodi.

Poi Mi Cik 20:3

man ebiwacu igi kumae, Wuwinji, E Israel, wucoro ceng’ni tin dhu lwiny kum judegiwu: cwinywu kud ung’oi ndiri; lworo kud unegwu, kumwu de kud umiel, kadok ndiri de kud unegwu i kumgi;

1 Samwil 17:32

Man Daudi wacu ni Saul kumae, Kud iyi adunde ng’atu moko miel kum ng’atuno; jatic peri bicidho bikiedo ku Jafilisti maeni.