Isaya 7:20 - The Holy Bible In Alur (Lur) Revised Orthography

²⁰ I ceng’ maeca Rwoth bilielo wie ku yir mi tielo ku riedi ma jumio sukulia pire I yo loka Kulo, en e kud ubimo mir Ascur, man ebidaru yir mi tik bende.

Isaya 7:20 ပူးပေါင်းရင်းမြစ်များ

Isaya 1:5

Wuyenyo jugoiwu asu nedi, ketho wujai kendo kendo? wie dho lith, man adunde dho voc.

Isaya 10:15

Lei bilule gire kum ng’atu m’upayu kude pinyi? jamtic biyungre gire kum ng’atu m’uthumo kude pinyi? calu ma tek dul ubimo wi ju m’uting’e malu, calu ma tek uluth uting’ ng’atu moko malu ma en e yen ungo.

Isaya 11:15

Man Yehova binyotho leb nam mi Misiri kot; man ebileko cinge wi Kulo ku yamu ma wang’, e ebigoye ebipokre ni kulo abiro, man ebiketho dhanu kadhe ku tielo ku wi ng’om m’uthwo.

Isaya 36:1

Nie etimbre i rundi apar wi ang’wende p’ubimo ma Hezekia, nia Senakerib m’ubimo mir Ascur uidho malu kum adhura ceke ma tek mi Yuda, e emakugi.

Isaya 8:7

ka kumeno kawono, nen, Rwoth bikelo pi mi Kulo, ma tek man dupa, en e ubimo mir Ascur ku dwong’ pare ceke i wigi: man ebiidho malu wi kamol mi pi ceke, e ebicore wi ng’et kulone ceke;

Isaya 9:13

Ento fodi dhanu lokre ngo ba ng’atu m’ugoyogi, kadi Yehova mir udul de giyenyo ngo.

Yeremia 2:18

Kawono ibedo kud ang’o m’ibitimo i yo mi Misiri, kara imadh pi mi Nili? kadi ibedo kud ang’o m’ibitimo i yo mir Ascur kara imadh pi mi Kulo?

Ezekiel 29:18

Wod dhanu, Nebukadrezar m’ubimo mi Babeli ketho njuru asikari pare utim tic ma dit kum Turo: wie kubang’e kubang’e judwoke wang’, man gok kubang’e kubang’e dido; ento fodi ebedo ku sukulia ngo, kadi njuru asikari pare, ku ba Turo, kum tic m’etimo i kume.

Ezekiel 29:20

Amio ng’om Misiri ire ni sukulia pare kum tic m’etimo, kum gitimo ira, Rwoth Yehova wacu.