Isaya 66:24 - The Holy Bible In Alur (Lur) Revised Orthography

²⁴ E gibiwok woko, man gibineno wi avu dhanu m’udubo ira: kum ukoko migi bitho ngo, kadok mac migi de binegre ngo; man gibibedo ni ginmajudagu ni weg kum ceke.

Isaya 66:24 ပူးပေါင်းရင်းမြစ်များ

Isaya 14:11

Junyono kuhaya peri piny i liel, ku badwal mir usegu peri: ukoko moire i theri, man ukoko umi.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Daniel 12:2

Man dupa mi ju m’unindo i utur mi ng’om gibiceu, jumoko mi kwo ma rondo ku rondo, man jumoko mi lewic ku cac ma rondo ku rondo.

Matayo 3:12

udheru pare ni i cinge, man ebililo laru pare mii; man ebicoko nganu pare i dero, ento ebiwang’u cunge ku mac ma negre ngo.

Zekaria 14:12

Man maeni bibedo thong’om ma Yehova bigoyo ko kodhidhanu ceke m’utimo ali kum Yerusalem: ring’kumgi bitop kinde ma gicungo wi tiendgi, man wang’gi bitop ku i ugone, man lebgi bitop kud i dhoggi.

Isaya 66:16

Kum Yehova bitimo lembapoka wi weg kum ceke, ku mac man ku palamularu pare; man ju ma junego pa Yehova bibedo dupa.

Isaya 34:10

Jubinege ngo ku diewor kadi ku dieceng’; yirone biwinjre malu mi nja; ugambre kum dhanum’utuk cil kum dhanum’utuk ebibedo ni uvuru; ng’atu moko mbe ma bikadhu kud i ie rondo ku rondo.

Isaya 65:15

E wubiweko nyingwu ni kwong’ ba ju m’afoyo; man Rwoth Yehova binegi; man ebilwong’o jutic pare ku nying’ mange:

Isaya 1:31

Man jutego bibedo calu thondh gonia, tic pare de calu bieimac; e gin ario de gibiwang’ karacelo, e ng’atu moko mbe ma binego maje.

Zaburi 110:6

Ebipoko lembe kind thek, Ebipong’o kakagi kud avu; Ebigoyo wie i ng’om dupa.

Isaya 1:28

Ento nyoth mi weg gondri ku judubo bibedo karacelo, man ju m’uweko Yehova bithum.

Isaya 5:25

Ka kumeno ng’ecwiny pa Yehova opo kum dhanu pare, man erieyo cinge i kumgi, man egoyogi; e gudi yengre, man avujgi bedo calu susu i die gengi. Kadok maeni ceke timbre ng’ecwiny pare lokre cen ungo, ento cinge bedo arieya asu.

Isaya 24:20

Ng’om bimiel calu ng’atu m’umer ku kong’o, man ebiyengre calu voi; man gondrine bibedo pek i wie, e ebipodho, man ebiai kendo ngo.

Isaya 26:11

Yehova, cingi tingre malu ento gineno ngo: ento gibineno ngiri peri ma pi dhanu, e lewic bimakugi; eyo, mac bicamu jusend peri.

Isaya 34:3

Dhanu migi ma junego bende jubibayu woko, e ng’wic avujgi bidhenjre malu: man gudi bileny ku rimbgi.

Isaya 51:8

Kum abirbir bicamugi calu kendi, man ukoko bicamugi calu yuk rombe; ento bedopwe para bibedo mi nja, man both para ni dhanum’utuk ceke.

Isaya 48:22

Yehova wacu kumae, Kwiocwiny umbe ni judubo.