Isaya 66:23 - The Holy Bible In Alur (Lur) Revised Orthography

²³ Man ebitimbre, nia ugambre kum dwi ma por acel cil kum mange, man ugambre kum sabatu acel cil kum mange, weg kum ceke bibino rwo i wang’a, Yehova wacu.

Isaya 66:23 ပူးပေါင်းရင်းမြစ်များ

2 Ubimo 4:23

E ewacu kumae, Pirang’o ibicidho i bang’e tini? en e dwi m’upor ungo kadi ceng’ sabatu de ngo. E ewacu kumae, Ebibedo dre.

Zaburi 22:28

Kum ker en e pa Yehova; Man en e jabim wi thek.

Zaburi 65:2

E in m’iwinjo rwo, Weg kum ceke bibino i beng’i.

Zaburi 65:3

Kier usagu i kuma: Kier mwa, ibiweko gi woko.

Zaburi 86:9

Thek ceke m’itimo bibino man gibirwo i weng’i, E Rwoth; Man gibiyungo nyingi.

Isaya 19:21

Man Yehova bing’eire ni Misiri, e Jumisiri bing’eyo Yehova i ceng’ maeca, eyo, gibirwo ku lam man girathiera, man gibing’olo lembang’ola ni Yehova, e gibitime.

Isaya 19:23

I ceng’ maeca yo ma lac biai i Misiri bitundo Ascur, e Jaascuri bimondo i Misiri, man Jamisiri i Ascur; e Jumisiri birwo karacelo ku Juascuri.

Isaya 2:2

Man ebitimbre i nindo ma cen, nia got mi ot pa Yehova bicungo wi usimbru gudi, man jubidode wi ungulu gudi; e thek ceke bicidho i bang’e.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Isaya 49:7

Yehova, Jawar mir Israel man Ng’atu Maleng’ pare uwacu kumeni ni ng’atu ma dhanu cayu, ni ng’atu ma thek udagu, ni jatic mi jubim: Ju m’ubimo bineno man gibiai; judongomawijo, e gibirwo; ni kum Yehova ma en e mandha, en e Ng’atu Maleng’ mir Israel, m’ugoyo wii.

Ezekiel 20:40

Kum i got para ma leng’, i got mi tingri mir Israel, Rwoth Yehova wacu, ot mir Israel ceke, kagi ceke, gibitimo ira keca i ng’ombuca: abijologi keca, man abilwong’o lam mu keca, man mwoka mi girathiera mu, ku gin ma leng’ mu ceke.

Ezekiel 45:17

Man ebibedo tic pa jaditmawijo nimio lam m’awang’a, ku lam mi mogo, man lam m’amadha, i agba, man i dwi ma por, man i ceng’ sabatu, i agba ceke ma juketho mi ot mir Israel: ebiyiko lam mi dubo, ku lam mi mogo, man lam m’awang’a, ku lam mi kwiocwiny, kara utim adunya ni ot mir Israel.

Ezekiel 46:1

Rwoth Yehova wacu kumae Dhugang’ mi lelagang’ ma yor i ie ma neno yo nyangu bibedo acika i ceng’ mi tic abusiel; ento jubiyabe i ceng’ sabatu, man i ceng’ mi dwi ma por jubiyabe,

Ezekiel 46:6

Man i ceng’ mi dwi ma por ebibedo thwon dhiang’ m’aradu ma mulima mbe i kume, man nyithi rombe abusiel, ku nyog rombo; gibibedo ma mulima mbe i kumgi:

Zekaria 14:14

Man Yuda bende bikiedo i Yerusalem; man lonyo mi thek ceke mi ng’ete gbur jubicoko karacelo, mola ma kwar, ku mola ma tar, man kendi, m’usagre.

Zekaria 14:16

Man ebitimbre, nia ku ba dhanu nzu m’udong’ mi thek ceke m’ubino kum Yerusalem gibiidho malu ku ba rundi ku ba rundi nirwo ni Ubimo, Yehova mir udul, man nikwiro agba mi otbak.

Zekaria 14:18

Man tek juot mi Misiri idho malu ngo, man gibino ngo, kadok i wigi de ebicwi ngo; maeni thong’om ma Yehova bigoyo ko thek m’uidho malu ngo nikwiro agba mi otbak.

Zekaria 14:19

Maeni bibedo ponji mi Misiri, man ponji mi thek ceke ma giidho malu ngo nikwiro agba mi otbak.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Yohana 4:23

Ento saa bino, man enuti kawono, ma ju ma jurwo mandha gibirwo ni Wego i tipo man i lemandha: kum Wego yenyo wagi ju maeni e ma gibed jurwo ire.

Lembanyutha 15:4

Ng’a ma lworo binege ngo, E Rwoth, ma k’ebiyungo nyingi de ngo? kum in i kendi e m’i leng’; kum thek ceke bibino man gibirwo i weng’i; kum tic peri mi bedopwe udaru nyuthre.