Isaya 66:20 - The Holy Bible In Alur (Lur) Revised Orthography

²⁰ E gibikelo utumegwu ceke kud i thek ceke ni girathiera ni Yehova, wi riuni, man i magali, man i Icipoi, man wi kana, man wi ngamia, ba got para ma leng’ Yerusalem. Yehova wacu, calu nyithindho mir Israel ukelo girathiera migi i agulu ma leng’ i ot pa Yehova.

Isaya 66:20 ပူးပေါင်းရင်းမြစ်များ

Isaya 11:9

Gibitimo rac kadi nyotho de ngo kum got para ma leng’ ceke; kum ng’om bibedo pong’ ku ng’eyong’ec pa Yehova, calu pi umo ng’om.

Isaya 2:2

Man ebitimbre i nindo ma cen, nia got mi ot pa Yehova bicungo wi usimbru gudi, man jubidode wi ungulu gudi; e thek ceke bicidho i bang’e.

Isaya 2:3

Man kodhidhanu dupa bicidho man gibiwacu kumae, Wubin, man wek waidhu ba got pa Yehova, ba ot pa Mungu pa Yakobo; e ebiponjowa ku yo pare, man wabiwotho i yo pare: kum cik biwok kud i Sayuni, man lembe pa Yehova kud i Yerusalem.

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 52:11

Wuai, wuai, wuai ku kuno, kud wumul gin m’ucido; wuai kud i kinde; wudwokru giwu leng’, wu ju m’uyeyo agulu pa Yehova.

Isaya 54:3

Kum ibimoiri mba yo ku cing’ ma yor acwic man ma yor acam; man kodhini bimwonyo thek, man gibiketho adhura m’uvuru bedo ku dhanu.

Isaya 56:5

Abimio igi nying’ mi poi i ot para man yor i gang’kidi para ma sagu nyithindho ma co ku nyithindho ma nyir; abimio igi nying’ mi nja, ma bikabre woko ngo.

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Isaya 65:11

Ento wun ma wuweko Yehova, ma wiwu wil pi got para ma leng’, ma wuyiko mesa ni mierolembe, man ma wupong’o pigulok m’ajeba ni mungu m’araga;

Isaya 65:25

Urudi ku nyathi rombo bicamu karacelo, man umvor bicamu soka calu koni dhiang’; e utur bibedo cemo mi thwol. Gibitimo rac ungo kadi nyotho de ngo wi got ma leng’ para ceke, Yehova wacu.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Zefania 3:10

Ugambre loka kulo ma dit mir Ethiopia jurwo para, en e nya jupara ma julalu, gibikelo lam para.

Kitabu Mir Ang’wende Pa Musa Wel 7:3

e gikelo girathiera migi i wang’ Yehova, magali m’auma abusiel, ku koni dhiang’ apar wi ario; magali acel ni judongomawijo ario kubang’gi kubang’gi, man koni dhiang’ acel ni ng’atu acel kubang’gi kubang’gi: e githierogi i wang’ hema.

Kitabu Mir Ang’wende Pa Musa Wel 7:62

man upal acel mi mola ma kwar mi cekel apar, pong’ kud udok ma ng’wice ng’ar;

Jurumi 15:16

kara abed jatic pa Kristu Yesu ni Thekdhanumange, m’abetimo tic mi lamulam mi lembanyong’a pa Mungu ma juboth ko, kara lam ma Thekdhanumange dok m’eyire, m’edoko leng’ ni kum Tipo Maleng’.

Jufilipi 2:17

Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke:

1 Petro 2:5

wun bende, calu kidi ma kwo, wugombru wi ot mi tipo, kara wubed ni lamulam ma leng’, ma wuthiero ko lam mi tipo, ma yire ni Mungu ni kum Yesu Kristu.