Isaya 66:2 - The Holy Bible In Alur (Lur) Revised Orthography

² Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Isaya 66:2 ပူးပေါင်းရင်းမြစ်များ

1 Ubimo 21:29

Ineno maram Ahab ujwigre ko gire i wang’a? kum ejwigre gire i wang’a, abikelo lembe ma racne i ceng’ pare ngo; ento i ceng’ pa wode abikelo lembe ma racne wi ot pare.

2 Ubimo 22:10

E Cafan ma jagorcik uyero ni ubimo, ewacu kumae, Hilkia ma jalam umio kitabu ira. E Cafan usome i wang’ ubimo.

2 Ubimo 22:11

Man etimbre, kinde m’ubimo winjo lembe mi kitabu mi cik, nia eyeco kendi pare.

Ezra 10:3

Ka kumeno kawono dong’ watimu lembariba ku Mungu mwa kara wawodh monne ceke, ku ju ma ginyolo de, calku lembapora pa rwoth para, man mi ju ma kumgi miel kum lembang’ola pa Mungu mwa; man wek etimbre calku cik.

Ezra 9:4

Ku ba dhanu ceke ma kumgi miel kum lembe pa Mungu mir Israel, kum dubo mi ju mi ng’eca, gilund gicokri i bang’a; man abedo ma cwinya ng’abre cil kum lam mir uthieno.

Zaburi 119:120

Ring’kuma miel kum lworoni; Man lworo nega kum lembapoka peri.

Zaburi 119:161

Judongomawijo gisenda ma lembe mbe; Ento lworo nego adundena kum lembe peri.

Zaburi 138:6

Kum kadok Yehova ni malu, ento ene no ng’atu m’ujwigre; Ento eng’eyo jakuhaya ku bor.

Zaburi 34:18

Yehova ni ceng’ni ju ma adundegi tur, Man ebodho wagi ju ma cwinygi dieng’ kum dubo migi.

Zaburi 51:17

Lam pa Mungu en e cwiny m’utur: Adunde m’utur m’udieng’ kum dubo, E Mungu, ibicayu ngo.

Zaburi 51:19

Anyong’a bilund negi kum lam mi bedopwe. Kum lam m’awang’a ku lam m’awang’a ma bo: Gibilund thiero thwoni dhiang’ wi pemblam peri.

Lembrieko 28:14

Ng’atu ma lworo nege thiri thiri en e jamutoro; Ento ng’atu m’udwoko adundene nwang’ ebipodho i ruvwa.

Lembrieko 29:23

Kuhaya mi dhanu bijwige; Ento ng’atu ma cwinye mol binwang’u yung.

Isaya 40:26

Wung’ai weng’wu malu, man wunen ng’atu m’ucwio maeni, m’uwodho udulgi woko ku wel; elwong’ogi ceke ku nying’gi; ku dit mi tego pare, man kum en e jatego i tego, acel de mbe m’urem.

Isaya 41:20

kara ginen, man ging’ei, igi pid de, man ging’ei thelembe karacelo, nia cing’ Yehova timo maeni, man Ng’atu Maleng’ mir Israel ucwio maeni.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Isaya 66:5

Winj lembe pa Yehova, wun ma kumwu miel kum lembe pare: Utumegwu m’udaguwu, m’ubayuwu ni kum nyinga, giwacu kumae, Wek juyung Yehova, kara wanen mutoro mu; ento en e gin e ma jubinyayu lewic i wigi.

Hoseya 11:10

Gibiwotho tok Yehova, ma birundo calu umvor; kum ebirundo, e nyithindho bibino ku yo reto ma kumgi miel.

Mika 6:8

Enyutho iri, E dhanu, gin ma ber; man Yehova lwong’o ang’o i beng’i ndhu timo bedopwe, man maru bedo ber ku dhanu, man wotho ku Mungu peri ku molcwiny ungo?

Habakuk 3:16

Awinjo, man kuma miel, Dendhoga miel kum dwalne; Top umondo i cogona, man amiel i kakara; Kum akoakur be ceng’ mi can ling’ ling’, Kum bino mi dhanu ma gibino mwonyowa.

Matayo 12:6

Ento awacu iwu, nia acel nuti keni ma sagu hekalu.

Tic Mi Jukwenda 7:50

Cinga cwio gin maeni ceke en ungo?

Tic Mi Jukwenda 9:6

ento ai malu, imond i adhura, man jubiyero iri pi gin m’itim.

Jufilipi 2:12

Kum kumeno, jumerna, cil calu wubeduworo thiri thiri, calu i vuta kende ngo, ento kawono m’usagu dit m’ambe, wutim tic mi both mu giwu ku lworo ku mielkum;

Jukolosai 1:17

man en e kwong’a mi gin ceke, man gin ceke de bedo karacelo ni kume.