Isaya 66:19 - The Holy Bible In Alur (Lur) Revised Orthography

¹⁹ E abiketho giranyiitha i kindgi, man abioro wadi ju m’uboth m’i kindgi ba thek, ba Tarcic, ku Pul, man Lud, ma kilo atum, ba Tubal, man Yavan, ba cula bor cen, ma fod uwinjo pira ngo, kadok dwong’ para de gineno ngo; man gibiyero pi dwong’ para kind thek.

Isaya 66:19 ပူးပေါင်းရင်းမြစ်များ

Isaya 52:15

e ebipoyo thek dupa kumeca; ju m’ubimo bimio dhoggi i kume: kum gibineno gin ma fodi jukuyero igi ngo: man gin ma giwinjo ngo gibing’eyo.

Jurumi 15:21

ento, calu egore kumae, Gibineno, gi ju ma pire fokuwok igi ngo, Man ju ma fokuwinjo ngo gibing’eyo.

Ezekiel 27:10

Ajemi ku Lud man Put naka gini i njuru asikari peri, gi dhanu peri mir ali; ging’abu ban ku jamgwokmiwic i ii; ginyutho beroni.

Isaya 55:5

Nen, ibilwong’o thek m’ing’eyo ngo; man thek m’ung’ei ngo biringo i beng’i, ni kum Yehova Mungu peri, man ni kum Ng’atu Maleng’ mir Israel; kum eyungi.

Isaya 60:9

Andha cula bikura, man combo mi Tarcic ma kwong’ane, kara gikel woti ku bor, mola ma tar migi ku mola ma kwar migi karacelo kugi, pi nying’ Yehova Mungu peri, man pi Ng’atu Maleng’ mir Israel, kum eyungi.

Isaya 62:10

Wukadhi, wukadh ku dhugang’; wuyik yo mi dhanu; wudhur, wudhur gengi ma malu; wuwodh kidi; wuting’ abera malu mi kodhidhanu.

I Lemkei 16:24

Wuyer pi dwong’ pare i kind thek, Tic pare mi musana i kind kothidhanu ceke.

Luka 2:34

man Simeon umio mugisa igi, man ewacu ni Mariamu ma min kumae, Nen, nyathin maeni kethre ni podho ku ai mi dupa i Israel; man pi giranyutha ma juyero pire rac:

Marko 16:15

Man ewacu igi kumae, Wucidh i ng’om yu, wuyer lembanyong’a ma juboth ko ni giracwia ceke.

Matayo 28:19

Ka kumeno wucidhi, wuketh thek ceke dok julub, wumi igi baputisi ku nying Wego ku Wod man Tipo Maleng’:

Ezekiel 30:5

Ethiopia, man Put, ku Lud, man dhanu m’ajeba ceke, ku Kub, man nyithindho m’i ng’om m’ubedo ariba, gibipodho karacelo kugi ku palamularu.

Ezekiel 27:13

Javan, ku Tubal man Mecek, gin gi jukuloka peri; giloko kwo mi dhanu man agulu mi mola ni jamkuloka peri.

Isaya 65:1

Jupenja ku ba ju m’uyenya ngo; anwangra ku ju m’uyenya ngo: awacu kumae, Nena, nena, ni thek m’ulwongre ku nyinga ngo.

Isaya 42:4

Ebijik ungo, kadi cwinye de biai ungo, maram ebiketho ko pokolembe i ng’om; man cula bikuro cik pare.

Isaya 18:3

Wu dhanu ceke ma wubedo i ng’om, man wun umondo ma wi ng’om, kinde ma juting’o abera malu wi gudi, wunen; man kinde ma jukudho agwara, wuwinji.

Thangambere 10:2

Wot Yafeth gi eni: Gomer, man Magog, ku Madai, man Yavan, man Tubal, ku Mecek, man Tiraz.

Juefeso 3:8

Bero maeni jumio ira, an nini m’a nok ma sagu jumaleng’ ceke, ya ayer pi lonyo pa Kristu ma yenjre ngo ni Thekdhanumange;

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Zefania 2:11

Yehova bibedo ni ng’oyondiri igi; kum ebimogo mungu ceke m’i ng’om; man dhanu birwo ire, ku ba dhanu ku ba dhanu ng’atuman i kakare, cil dhu wath ceke mi thek.

Ezekiel 39:1

Man in, wod dhanu, cu lembe kum Gog, man iwac kumae, Rwoth Yehova wacu kumae: Nen, an a jadhogi, E Gog, jaditmawijo mi Roc, ku Mecek, man Tubal:

Isaya 51:5

Bedopwe para ni ceng’ni, both para wok woko, man bota bipoko lembe mi kodhidhanu; cula bikura, e gibigeno bota.

Isaya 49:22

Rwoth Yehova wacu kumae, Nen, abiting’o cinga ba thek, man abiting’o abera para ni kodhidhanu; e gibikelo woti i korgi, man gibiyeyo nyigi wi gokgi.

Isaya 49:12

Nen, maeni biai ku bor; man, nen, maeni biai yor ariwa ma malu ku yo reto; man maeni biai kud i ng’om Sinim.

Isaya 49:1

Wuwinja, E cula; man wucik ithwu, wu kodhidhanu, ku bor: Yehova goyo wia kud i ic; elwong’o nyinga kud i ma:

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 29:24

Ju m’ukier i tipo bende gibitundo ba ng’eyong’ec, man ju m’ung’ur bijolo ponji.

Isaya 18:7

I nindo maeca jubitero giramia ni Yehova mir udul m’uai ba dhanu ma boco man ma juruyime ngo, en e ba dhanu mi ndiri ugambre i thekri migi cil asu, thek ma juporo ku mukero ma junyono piny de, ma ng’ombe kulo poko, jubitero ba ka mi nying’ Yehova mir udul, ba got Sayuni.

Isaya 2:16

man wi combo mi Tarcic ceke, man wi gin ceke ma juketho cwiny i kume.

Zaburi 72:10

Ju m’ubimo mi Tarcic man mi songa gibikelo ajok: Ju m’ubimo mi Ceba ku Seba gibithiero girathiera.

I Lemkei 1:11

Man Mizraim unyolo Juludi, man Juanami, ku Julehabi, man Juneftuhi,

I Lemkei 1:7

Man wot Yavan gi eni: Elica, man Tarde, man Kitim, ku Rodanim.

Thangambere 10:13

Man Mizraim unyolo Juludi, man Juanami, man Julehabi, ku Junaftuhi,

Thangambere 10:4

Man wot Yavan gi eni: Elica, man Tarcic, man Kitim, ku Dodanim.

Thangambere 9:27

Mungu med Yafeth, Man wek ebed i hema pa Cem; Man wek Kanan ubed jatic pare.

Thangambere 10:22

Wot Cem gi eni: Elam, man Acur, man Arpakcad, man Lud, man Aram.

Isaya 11:12

Man ebiting’o abera ni thek, e ebicoko ju ma juriemo mir Israel, man ebicoko ju ma julalugi mi Yuda kud i tung’ ng’om ang’wen.

Isaya 42:12

Wek gimi dwong’ ni Yehova, man giyer pak pare i cula.

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Yeremia 46:9

Wuidh malu, wu riuni; man kwinyo makwu, wu magali; e wek dhanu ma jurukara gicidhi: Kuc man Put, ma maku ban; man Juludi, m’umaku m’ugomo atum de.

Ezekiel 32:26

Mecek, man Tubal ginuti, kud udul migi ceke; liendgi ni ng’etgi gbur; kagi ceke ma yaa mbe i kumgi, ma junego ku palamularu; kum ginyayu ndiri migi i ng’om mi ju ma kwo.

Ezekiel 39:6

Man abioro mac wi Magog, man wi ju m’ubedo museme i cula; e gibing’eyo nia an a Yehova.

Daniel 11:18

Yo ng’ei maeni ebiloko wang’e yo ba songa, man ebimaku dupa: ento jaditmawijo bijigo cac m’ewodho; eyo, mange ke, ebiketho cac pare lokre i wie.

Zefania 3:10

Ugambre loka kulo ma dit mir Ethiopia jurwo para, en e nya jupara ma julalu, gibikelo lam para.