Isaya 66:18 - The Holy Bible In Alur (Lur) Revised Orthography

¹⁸ Kum ang’eyo tic migi ku pidoic migi: nindo bino, m’abicoko ie thek ceke ku leb ceke; e gibibino, man gibineno dwong’ para.

Isaya 66:18 ပူးပေါင်းရင်းမြစ်များ

Kitabu Pa Yob 42:2

Ang’eyo nia icopo timo gin ceke, Man nia jucopo cero lembakeca peri moko ngo.

Zaburi 139:2

Ing’eyo bedopiny para ku aimalu para; Man ing’eyo pidoic para ku bor.

Zaburi 67:2

Kara yo peri ng’eire wi ng’om, Both peri kind thek ceke.

Zaburi 72:11

Eyo, ju m’ubimo ceke bipodho piny i wang’e; Thek ceke bitimo ire.

Zaburi 72:17

Nyinge bibedo mi nja; Nyinge bibedo cil ma ceng’ nuti: Man dhanu binwang’u mugisa ni kume; Thek ceke bilwong’e jamutoro.

Zaburi 82:8

Ai, E Mungu, pok lembe mi ng’om; Kum thek ceke bibedo ni aba iri.

Zaburi 86:9

Thek ceke m’itimo bibino man gibirwo i weng’i, E Rwoth; Man gibiyungo nyingi.

Zaburi 94:11

Yehova ng’eyo pidoic mi dhanu, Nia gi mananu.

Zaburi 97:6

Polo yero pi bedopwe pare, Kodhidhanu ceke gineno dwong’ pare.

Isaya 11:9

Gibitimo rac kadi nyotho de ngo kum got para ma leng’ ceke; kum ng’om bibedo pong’ ku ng’eyong’ec pa Yehova, calu pi umo ng’om.

Isaya 2:2

Man ebitimbre i nindo ma cen, nia got mi ot pa Yehova bicungo wi usimbru gudi, man jubidode wi ungulu gudi; e thek ceke bicidho i bang’e.

Isaya 37:28

Ento ang’eyo bedopiny peri, ku wok woko peri, ku mondo peri, man kwinyo peri mi kuma.

Isaya 40:5

E dwong’ pa Yehova binyuthre, man weg kum ceke binene karacelo; kum dhu Yehova yero maeni.

Isaya 45:22

Wunen bang’a, man wubothi, wu tung’ ng’om ceke; kum an a Mungu, man ng’atu mange mbe.

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Isaya 55:8

Kum pidoic para en e pidoic mu ngo, kadok yo mu de en e yo para ngo, Yehova wacu.

Isaya 56:8

Rwoth Yehova, m’ucoko ju ma jubayu mir Israel, uwacu kumae, Fodi abicoko jumange i bang’e, medo jupare ma dhe ma jucoko.

Isaya 57:12

Abiyero pi bedopwe peri; man pi tic peri, gibikelo kuloka iri ngo.

Isaya 59:7

Tiendgi ringo ba lem ma rac, man gitimo pio kara gicwir rimo m’umbe dubo: pidoic migi en e pidoic mi kier; uvuru man nyoth ni i yo migi.

Isaya 65:2

Athang’u cinga ceng’ du ni dhanu ma juco, m’uwotho i yo ma ber ungo, tok pidoic migi ma dhe;

Isaya 66:10

Anyong’a negwu karacelo ku Yerusalem, man anyong’a negwu pire, wun ceke ma wumare: anyong’a negwu ku mutoro karacelo kude, wun ceke ma wuywage;

Yeremia 16:17

Kum wang’a ni wi yo migi ceke; gibedo apana ni wang’a ngo, kadok kier migi de bedo apana ngo ni wang’a.

Yeremia 3:17

I nindo maeca gibilwong’o Yerusalem komker pa Yehova; man thek ceke bicokre i bang’e, ba nying’ Yehova, i Yerusalem: kadok gibiwotho kendo de ngo tok udhuko mir adundegi ma rac.

Ezekiel 38:10

Rwoth Yehova wacu kumae: Ebitimbre i ceng’ maeca, nia gin moko biwok i pidoii, man ibiporo lembapora ma rac:

Ezekiel 39:21

Man abiketho dwong’ para i kind thek; man thek ceke bineno lembapoka para m’atimo, man cinga m’aketho i kumgi.

Yoel 3:2

abicoko thek ceke, man abikelogi piny i poga pa Yehocafat; man abipoko lembe i wigi keca pi dhanu para man pi camupacu para Israel, ma gilalu i kind thek; man gipoko ng’om para,

Amos 5:12

Kum ang’eyo maram gondri mu dit ko, man maram dubo mu tek ko, wun ma wusendo ju ma pwe, ma wugamu jamng’om, ma wuroco jacanpiny i dhugang’.

Zekaria 14:16

Man ebitimbre, nia ku ba dhanu nzu m’udong’ mi thek ceke m’ubino kum Yerusalem gibiidho malu ku ba rundi ku ba rundi nirwo ni Ubimo, Yehova mir udul, man nikwiro agba mi otbak.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Matayo 12:25

E en m’eng’eyo lembe ma igi bepido ewacu igi kumae, Ku ba ker ceke ma tek upokre gire enyothre; ku bang’ adhura ceke de kadi ot de m’upokre gire ebicungo ngo:

Matayo 9:4

E Yesu m’ung’eyo pidoic migi ewacu kumae, Adundewu bepido gin ma rac nedi?

Luka 5:22

Ento Yesu m’ung’eyo porolembe migi, edwoko lembe igi ewacu kumae, Wuporo lembe i adundewu nedi?

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Yohana 5:42

Ento ang’eyo wu ya wumbe ku mer pa Mungu i iwu giwu.

Jurumi 16:26

ento kawono enyuthre, man ni kum lembagora pa Mungu mi jubila, calku lembang’ola pa Mungu ma nja, juketho eng’eire cil ni thek ni woro mi yioyic:

1 Jukorinto 3:20

man kendo, Rwoth ung’eyo lembapida mi jurieko, ya gi mananu.

Poi Mi Cik 31:21

E ebitimbre, kinde ma lem ma rac dupa ku can uwok i wigi, nia wer maeni bituco lembe i wang’gi calu jamulembe; kum ebirwinyo ngo ku dhu nyikwaigi: kum ang’eyo lembapora migi ma giporo tin, ma fodi akelogi ngo i ng’om m’akwong’o.

Juebrania 4:12

Kum lembe pa Mungu e kwo, man etimo, man e bith ma sagu palamularu moko ma lake kun ku kun, m’ecobo ko cil ku poko ng’eyong’ec ku tipo, man ujonj ku mio ma yor i ie bende, man e yot kum ng’io pidoic ku lembapora mir adunde.

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 2:13

Ang’eyo ka m’ibedo i ie, en e ka ma komker pa Jok ni ie; man imaku nyinga ki, man ikwero yioyic para ngo, cil i ceng’ pa Antipa ma jamulembe para, ng’atu mandha para, ma junego i kindwu, ka ma Jok bedo i ie.

Lembanyutha 2:2

Ang’eyo tic peri, ku tic m’imuli kudo man twiocwiny peri, man nia bedo ku dhanu ma rac copre iri ngo, man imulo i ju ma gilwongri gigi jukwenda, enke gi kumeno ngo, man inwang’u nia gi jundra;

Lembanyutha 2:9

Ang’eyo masendi peri, ku canpiny m’unegi (ento ilony), ku lembacidi mi ju m’uwacu ya gi Juyahudi, man gi kumeno ngo, endre gi cokri pa Jok.