Isaya 66:14 - The Holy Bible In Alur (Lur) Revised Orthography

¹⁴ E wubineno maeni, man anyong’a binego adundewu, cogowu de biloth calu lum ma numu: man cing’ Yehova bing’eire yo ba jutic pare; man kwinyo binege kum judegine.

Isaya 66:14 ပူးပေါင်းရင်းမြစ်များ

Ezra 7:9

Kum i ceng’ ma kwong’ane mi dwi ma kwong’ane emaku idho malu kud i Babeli; man i ceng’ ma kwong’ane mi dwi mir abije ewok Yerusalem, calku cing’ ma ber pa Mungu pare ma ni i wie.

Ezra 8:18

Man calku cing’ ma ber pa Mungu mwa ma ni i wiwa gikelo iwa ng’atu ma riek, mi wot Mali, ma wod Lawi, ma wod Israel; man Cerebia, ku wote man utumin, apar wi abora;

Ezra 8:22

Kum lewic unega nipenjo ubimo pir udul asikari ku weg riuni ma gikonywa ni jukwor i gengi, kum wadaru yero ni ubimo, wawacu kumae, Cing’ Mungu mwa ni wi dhanu ceke m’uyenye, mi bero; ento tego pare ku kwinyo pare ni kum dhanu ceke m’uweke.

Ezra 8:31

Walund waweko kulo Ahava i ceng’ apar wi arionde mi dwi ma kwong’ane, kara wacidh Yerusalem: e cing’ Mungu mwa ni wiwa, man ebodhowa ni cing’ jukwor ku jakanadhi dhu yo.

Zaburi 107:42

Ju m’atira binene, man anyong’a binegogi; Man kier ceke bimio dhoge.

Lembrieko 17:22

Adunde mi mutoro en e yath ma ber; Ento cwiny m’utur talu cogo.

Lembrieko 3:8

Ebibedo kwo ni ii, Man mio ni cogoni.

Isaya 10:5

E Jaascuri, in i uluth mi ng’ecwiny para, in i dul ma kwinyo para ni i cingi!

Isaya 13:5

Giai kud i ng’om ma bor, kud i ng’et polo ma wi tung’, en e Yehova, man jambali mi kwinyo pare, kara enyoth ng’om ngung’.

Isaya 26:19

Avu peri bibedo kwo; avu para gibicer. Wuceu man wuwer wer, wu ju m’ubedo i utur; kum thoi peri en e calu thoi mir uboko, e ng’om biwodho avu.

Isaya 26:20

Wubin, dhanu para mond i kusika peri, man icik dhugola peri i wii: pond i nindo ma nyagwil, maram ng’ecwiny ukadh ko.

Isaya 30:27

Nen, nying’ Yehova ai ku bor, m’ebewang’ ku ng’ecwiny pare, man i yiro ma pek m’uwinjre malu: dendhoge pong’ ku kwinyo, man lebe calu mac m’ucamu;

Isaya 33:20

Nen wi Sayuni, adhura mir agba mwa ma juketho: weng’i bineno Yerusalem kabedo ma yo, hema ma jubidaku ngo, ma gutene jubifudho ki ngo, kadok thondhe moko de jubicodo ngo.

Isaya 34:2

Kum ng’ecwiny unego Yehova kum thek ceke, man kwinyo kum udul migi ceke: enyothogi kot, emiogi mi nek.

Isaya 35:2

Ebithiwo dit, man anyong’a binege cil ku mutoro man wer; jubimio ire dwong’ mi Lebanon, dwong’ mi Karmel ku Caron: gibineno dwong’ pa Yehova, dwong’ pa Mungu mwa.

Isaya 41:20

kara ginen, man ging’ei, igi pid de, man ging’ei thelembe karacelo, nia cing’ Yehova timo maeni, man Ng’atu Maleng’ mir Israel ucwio maeni.

Isaya 42:13

Yehova biwok woko calu jarukara; ebithubo ngiri pare calu won ali: ebiywak, eyo, ebikok ma tek; ebitimo ku kero kum judegi pare.

Isaya 58:11

e Yehova bitelo wii thiri thiri, man ebikwio ng’eyong’ec peri i ka m’uthwo, man ebidwoko cogoni tek; e ibibedo calu podho ma jukwoyo pi i wie, man calu kulo mi pi, ma pige dwono ngo.

Isaya 59:18

Calku giratima migi, ebiculo kumeca, kwinyo ni jusendne, cul nijudegine; ebidwoko cul ni cula.

Isaya 66:5

Winj lembe pa Yehova, wun ma kumwu miel kum lembe pare: Utumegwu m’udaguwu, m’ubayuwu ni kum nyinga, giwacu kumae, Wek juyung Yehova, kara wanen mutoro mu; ento en e gin e ma jubinyayu lewic i wigi.

Zekaria 10:7

E Efraim bibedo calu jakero man anyong’a binego adundegi calu ku pigulok; eyo, nyithindho migi bineno maeni, man anyong’a binegogi; anyong’a binego adundegi ni kum Yehova.

Malaki 3:18

Wubilund dwogo man wubing’io kind weg bedopwe ku judubo, man ju m’utimo ni Mungu ku ju m’utimo ire ngo.

Yohana 16:22

Kumeno wun bende kawono can unegowu: ento abinenowu kendo, kan anyong’a binego adundewu, anyong’a mu de ng’atu moko mbe ma kabu kud i beng’wu.

Juebrania 10:27

ento kuro pokolembe ma ku lworo, man kwinyo mi mac ma bicamu jupiem.