Isaya 66:12 - The Holy Bible In Alur (Lur) Revised Orthography

¹² Kum Yehova wacu kumae, Nen, abicoro kwiocwiny i bang’e calu kulo ma dit, man dwong’ mi thek calu kulo m’upong’: e wubidhodho kume; jubiting’owu wi dir, man jubithorowu wi cong.

Isaya 66:12 ပူးပေါင်းရင်းမြစ်များ

Isaya 14:2

E kodhidhanu biting’ogi man gibidwokogi i kakagi; e ot mir Israel bibedo kugi i ng’om pa Yehova ni jutic man ni bong’: man gibidwokogi ni ng’eca ma naka gin e ma gi ng’eca migi; man gibibimo wi jusend migi.

Isaya 26:3

Ibigwoko ng’atu ma pidoie moko i kumi i kwiocwiny ma ndhu cu; kum egeni.

Isaya 33:21

Ento Yehova bibedo karacelo kudwa i dwong’ kuca, en e ka mi kulo ma lac man kulo ma nok, ka ma yei mi jukol bicidho i ie ngo kud upol, kadok combo de bikadhu kud i kume ngo.

Isaya 45:14

Yehova wacu kumae, Tic mi muli mi Misiri, man kuloka mir Ethiopia, ku dhanu mi Seba, dhanu ma boco, gibikadhu i beng’i, e gibibedo peri: gibilubo ng’ei; gibibino atwia ku nyoro; man gibipodho piny i beng’i, gibikwayu kwac i beng’i, gibiwacu kumae, Andha Mungu ni kudi; man ng’atu moko mbe, Mungu moko mbe.

Isaya 48:18

A tek iwinjo lembang’ola para mire! kuno di kwiocwiny peri bedo calu kulo ma dit, man kuno di bedopwe peri bedo calu mukura mi nam:

Isaya 54:13

Man Yehova biponjo nyithindho peri ceke; man kwiocwiny mi nyithindho peri bibedo dit.

Isaya 54:3

Kum ibimoiri mba yo ku cing’ ma yor acwic man ma yor acam; man kodhini bimwonyo thek, man gibiketho adhura m’uvuru bedo ku dhanu.

Isaya 59:19

Kum kumeno gibilworo nying’ Yehova gambre yo reto, man dwong’ pare gambre i wokceng’. Ka jadegi bino calu kulo m’utuk, Tipo pa Yehova biketho eringo.

Isaya 60:16

Ibidhodho cak mi thek bende, man ibidhodho thuno mi ju m’ubimo; man ibing’eyo nia an, an a Yehova, an a Jalarni, man Jawarni, ma Ng’atu Matek pa Yakobo.

Isaya 61:6

Ento jubilwong’owu julam pa Yehova; dhanu bilwong’owu jutim pa Mungu mwa: wubicamu lonyo mi thek, man wubilulu giwu ni kum dwong’ migi.

Isaya 66:11

kara wudhoth man wuyeng’ ku thuno mi juk pare; kara wung’iedh, man anyong’a negwu kum dit mi dwong’ pare.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 33:6

Nen, abikelo leng’kum man cang i bang’e, e abicangugi; man abinyutho igi dit mi kwiocwiny ku lemandha.

Hagai 2:9

Dwong’ ma cen mi ot maeni bisagu ma kwong’a, Yehova mir udul uwacu; man i ka maeni abimio kwiocwiny, Yehova mir udul uwacu.