Isaya 66:1 - The Holy Bible In Alur (Lur) Revised Orthography

¹ Yehova wacu kumae, Polo en e komker para, man ng’om en e dundpiny mi tienda: ot ma nedi ma wubigomo ira? man ka ma nedi ma bibedo kayom para?

Isaya 66:1 ပူးပေါင်းရင်းမြစ်များ

1 Ubimo 8:27

Ento Mungu bibedo wi ng’om andha? nen, polo man polo m’i polo copo romi ngo; e ka ot maeni m’agomo biromi nenedi!

I Lemkei 28:2

Daudi m’ubimo lund ucungo wi tiende, man ewacu kumae, Wuwinja, utumira, man dhanu para: an gira, nwang’u eni i adundena ya agom ot mi yom ni sanduk mi lembariba pa Yehova, man mi kom mi tiend Mungu mwa; e adaru yiko jamgom.

2 Lemkei 2:5

Man ot m’agomo e dit; kum Mungu mwa e dit ma sagu mungu ceke.

2 Lemkei 6:18

Ento Mungu bibedo karacelo ku dhanu mi ng’om andha? nen, polo ku polo m’i polo copo romi ngo; e ka ot m’agomo ke biromi kani!

Zaburi 11:4

Yehova ni i hekalu pare ma leng’; Yehova, komker pare ni i polo; Wang’e neno, biendwang’e mulo, nyithindho mi dhanu.

Zaburi 132:7

Wabimondo i hema pare; Wabirwo ng’et kom mi tiende.

Zaburi 99:9

Wudod Yehova Mungu mwa, Man wurwo kum got pare ma leng’ Kum Yehova Mungu mwa e leng’.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 60:13

Dwong’ mi Lebanon bibino i beng’i, sipre, ku sipre ma ithe boco, ku yen ma dundo karacelo, kara ulony ka mi kamaleng’ para; man abidwoko ka mi tienda ni ka dwong’.

Yeremia 23:24

Ng’atu moko copo pondo i kapondo moko ma nia anene ngo? Yehova wacu. Apong’o polo ku ng’om ungo? Yehova wacu.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Matayo 12:6

Ento awacu iwu, nia acel nuti keni ma sagu hekalu.

Matayo 24:2

Ento eloko lembe ewacu igi kumae, Wuneno gin maeni ceke ngo? andha awacu iwu kumae, Jubiweko kidi acel de ngo keni wi wagi ma jukubibolo piny ungo.

Tic Mi Jukwenda 17:24

Mungu m’ucwio ng’om ku gin ceke ma ni i ie de, en, m’e Rwoth mi polo ku ng’om de, ebedo i hekalu ma jugomo ku cing’ ungo;