Isaya 61:8 - The Holy Bible In Alur (Lur) Revised Orthography

⁸ Kum an, an a Yehova, amaru pokolembe, adagu ayeki ku kier; man abimio cul migi igi i lemandha, man abitimo lembariba mi nja kugi.

Isaya 61:8 ပူးပေါင်းရင်းမြစ်များ

Thangambere 17:7

Man abiketho lembariba para m’i kindwa wakudi ucungi man ku kodhini yo ng’eii cil kum dhanum’utuk migi ni lembariba mi nja, kara abed ni Mungu iri man ni kodhini yo ng’eii.

2 Samwil 23:5

Andha ot para bedo kumeno ngo ku Mungu; Ento etimo kuda lembariba mi nja, Ayika i lembe ceke, man andha: Kum en e both para ceke, man yeny ceke ma ia yenyo, Kadok eketho edongo ngo,

Zaburi 105:10

Man edwoko lembene tek ni Yakobo ni cik, Ni Israel ni lembariba mi nja,

Zaburi 11:7

Kum Yehova en e pwe; emaru bedopwe: Ju m’atira bineno wang’e.

Zaburi 32:8

Abidwoki riek man abiponji ku yo m’ibiwotho i ie: Abimio iri rieko lembe ku wang’a ma ni i wii.

Zaburi 33:5

Emaru bedopwe ku pokolembe: Ng’om upong’ ku mer mi bero pa Yehova.

Zaburi 37:28

Kum Yehova maru bedopwe, Man ekuno jumaleng’ pare ngo; Gibedo agwoka mi nja: Ento jubikabu kodhi mi judubo woko.

Zaburi 45:7

Imaru bedopwe, man idagu dubo: Ka kumeno Mungu, Mungu peri, uwiri Ku mo mi mutoro ma sagu juwedu.

Zaburi 50:5

Cok jumaleng’ para karacelo i bang’a, Ju ma watimo lembariba wakugi ku lam.

Zaburi 62:10

Kud wugen rop, Man kud wudok jukuhaya kud ayeki: Tek lonyo nyai, kud wuketh adundewu i kume.

Zaburi 99:4

Tego mir ubimo bende maru poko lembe; Iketho lembatira cungo; Itimo pokolembe ku bedopwe ni Yakobo.

Lembrieko 3:6

Ng’eye i yo peri ceke, Man ebinyutho yo peri.

Lembrieko 8:20

Awotho i yo mi bedopwe, I die yo mi pokolembe;

Isaya 28:17

Man abiketho pokolembe ni thol, man bedopwe ni jamtir; man pei biyweyo kapondo mi ndra cen, e pi bimwonyo kapondo.

Isaya 30:18

E ka kumeno Yehova bikuro, kara ebed ku bero i kumi; e ka kumeno ebidodre, kara kisa nege i kumi: kum Yehova en e Mungu mi pokolembe; mugisa kwany dhanu ceke m’ukure.

Isaya 5:16

ento Yehova mir udul judodo i pokolembe, man Mungu ma Ng’atu Maleng’ udwokre leng’ i bedopwe.

Isaya 54:10

Kum gudi copo ai, man jucopo kabu ungulu gudi; ento mer mi bero para biai kud i beng’i ngo, kadok lembariba para mi kwiocwiny de jubikabu ngo, Yehova ma kisa nege i kumi wacu.

Isaya 55:3

Wucik ithwu, man wubin i bang’a; wuwinji, e ng’eyong’ec mu bibedo kwo: man abitimo lembariba mi nja kudu, en e kisa mandha pa Daudi.

Isaya 56:1

Yehova wacu kumae, Wugwok pokolembe, man wutim bedopwe; kum both para ni ceng’ni bino, man judhingo nyutho bedopwe para.

Isaya 66:22

Kum calu polo ma nyen ku ng’om ma nyen, m’abicwio, bidong’ i wang’a, Yehova wacu, e kodhiwu man nyingwu bidong’ kumeca.

Yeremia 32:40

man abitimo lembariba mi nja kugi, nia abilokra cen ungo ku lubogi, m’atim kogi ber; man abiketho lworo para i adundegi, kara ku giweka.

Yeremia 9:24

ento wek ng’atu m’ulule elule kum maeni nia, ng’eyothelembe ni kude, man eng’eyo an, nia an a Yehova m’atimo mer mi bero, ku pokolembe, man bedopwe, i ng’om: kum anyong’a nega kum gin maeni, Yehova wacu.

Ezekiel 16:60

Ento abipoi kum lembariba para ma kudi i nindo mir aradu peri, man abiketho lembariba mi nja cungo iri.

Ezekiel 34:25

Man abitimo lembariba mi kwiocwiny kugi man abiketho yedi ma kwiny ujik kud i ng’om; e gibibedo museme i langa, man gibinindo i luli.

Malaki 1:13

Wuwacu bende kumae, Nen, gin maeni olojo kumeni! man wucwaku umwu i kume, Yehova mir udul uwacu; man wukelo gin ma jugamu ku rop, ku gin m’abala mi tielo ni i kume, ku gin ma kume ju tho; wukelo girathiera kumeno: maku ajol maeni kud i cingwu? Yehova wacu.

Matayo 23:13

Ento can i wiwu, jugorcik ku Jufarisayo, weg ambili! kum wuciko dhu ker m’i polo i wang’ dhanu: kum wun giwu wumondo ngo, kadok ju m’ubemondo de wuyio ngo ya gimondi.

2 Jutesaloniki 3:5

Dong’ Rwoth utel adundewu i mer pa Mungu, man i twiocwiny pa Kristu.