Isaya 61:10 - The Holy Bible In Alur (Lur) Revised Orthography

¹⁰ Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 61:10 ပူးပေါင်းရင်းမြစ်များ

Thangambere 24:53

Man jaticne wodho ruko mi mola ma tar, man ruko mi mola ma kwar, ku kendi, man emiogi ni Rebeka: emio gin ma pire tek ni umin bende man ni min.

2 Lemkei 6:41

Ka kumeno kawono ai, E Yehova Mungu, mond i kayom peri, in, man sanduk mi tego peri: wek julam peri, E Yehova Mungu, ubed aronya ku both, man wek ju ma leng’ peri anyong’a neggi i bero.

Nehemia 8:10

Elund ewacu igi kumae, Wucidh i yo mu, wucam gin ma mio, man wumadh gin ma jom, e wuor ng’et piny ba ng’atu ma juyiko gin moko ire ngo; kum tin en e ceng’ ma leng’ ni Rwoth mwa: kadi can de kud unegwu; kum anyong’a pa Yehova en e tego mu.

Kitabu Pa Yob 29:14

Aronyo bedopwe, e euma: Pokolembe para en e calu kanzu man giratwia mi wie.

Zaburi 132:16

Abironyo julam pare ku both; Man jumaleng’ pare bikok ma tek ku mutoro.

Zaburi 132:9

Wek julam peri gironjri ku bedopwe; Man wek jumaleng’ peri kok ni mutoro.

Zaburi 28:7

Yehova en e tego para man ban para; Adundena geno en, man anwang’u kony: Ka kumeno anyong’a nego adundena dit; Man abipake ku wer para.

Zaburi 35:9

Man anyong’a binego ng’eyong’ec para ni kum Yehova: Anyong’a binege ni kum both pare.

Wer Pa Suleman 1:10

Limbi ber ku yukwii m’akieda, Ng’uti ku thondh jambruko.

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 17:10

Kum wii wil kum Mungu mi both peri, man ii pido ngo pi cana mi tego peri; ka kumeno ipidho girapidha ma ber, man ikethe karacelo ku jange ma tung’.

Isaya 25:1

Yehova, in i Mungu para; abidodi, abipaku nyingi; kum itimo gin ma wang’u ijo, cil lembapora ma con, ibedo mandha i lemandha de.

Isaya 25:9

E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

Isaya 35:10

e ju ma juwaru pa Yehova bidwogo, man gibibino ku wer ba Sayuni; man mutoro mi nja bibedo i wigi: e gibinwang’u mutoro kud anyong’a, e can ku gamucwiny bipiei woko.

Isaya 41:16

Ibiyekogi, man yamu biduny kugi cen, atido de bikethogi; man anyong’a binegi ni kum Yehova, ibiyungri ni kum Ng’atu Maleng’ mir Israel.

Isaya 48:18

A tek iwinjo lembang’ola para mire! kuno di kwiocwiny peri bedo calu kulo ma dit, man kuno di bedopwe peri bedo calu mukura mi nam:

Isaya 49:18

Ting’ weng’i gbur, man inen: maeni ceke cokri gigi karacelo, man gibino i beng’i. Calu abedo kwo, Yehova wacu, ibironjri andha kugi ceke calu ku jambruko, man ibitwiri kugi, calu mugole.

Isaya 49:4

Ento awacu kumae, Amula ku tic mananu, alalu tego para pi gin moko ngo ku gin ma ie nanu; ento pokolembe m’umaka ni ku Yehova andha, man sukulia para ni ku Mungu para.

Isaya 51:11

Man ju ma juwaru pa Yehova gibidwogo, man gibibino ku wer i Sayuni; man anyong’a mi nja bibedo i wigi: gibinwang’u mutoro kud anyong’a; e can ku gamucwiny biringo.

Isaya 51:3

Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 52:1

Ceu, ceu, rony tegoni, E Sayuni; rony kendi peri ma ber, E Yerusalem: adhura ma leng’; kum ugambre kawono ju ma yaa mbe kugi man m’ucido bimondo ii kendo ngo.

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Isaya 58:14

ibilund ketho anyong’a negi ni kum Yehova; man abiketho iwotho ku ka ma malu m’i ng’om; man abikeki kud aba pa Yakobo ma kwaru: kum dhu Yehova yero maeni.

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Isaya 65:18

Ento mutoro kud anyong’a negwu thiri thiri i gin m’acwio; kum, nen, acwio Yerusalem ni anyong’a, man dhanu pare ni mutoro.

Yeremia 2:32

Nyaku ma sumba wie copo wil kum jambruko pare, kadi mugole de kum kendi pare? ento dhanu para wigi wil pira ma wel nindone mbe.

Ezekiel 42:14

Kinde ma julam gimondo, gibilund wok woko kud i kamaleng’ i lelagang’ ma yo woko ngo, ento gibiketho kendi migi ma gironyo ka gitimo giratima kuca: kum gi leng’: man gibironyo kendi mange, man gibibino ba gin ma mi dhanu.

Habakuk 3:18

Ento anyong’a binega ni kum Yehova, Mutoro de binega ni kum Mungu mi both para.

Zekaria 10:7

E Efraim bibedo calu jakero man anyong’a binego adundegi calu ku pigulok; eyo, nyithindho migi bineno maeni, man anyong’a binegogi; anyong’a binego adundegi ni kum Yehova.

Zekaria 3:5

Man awacu kumae, Dong’ giketh jambwic ma leng’ i wie. Ka kumeni giketho jambwic ma leng’ i wie, man gironye ku kendi; e malaika pa Yehova cungo i vu te.

Luka 15:22

Ento won uwacu ni jumiru pare kumae, Wuwodh kendi ma sagu wagi pio, wurony i kume; wuroi lagith de i lwete, ku wara de i tiende:

Jurumi 13:14

Ento dong’ wurony Rwoth Yesu Kristu, man kud wuyik kaka ni kum, ni awanyane ma rac.

Jurumi 14:17

kum ker pa Mungu en e camu giracama man madhu giramadha de ngo, endre bedopwe man kwiocwiny kud anyong’a i Tipo Maleng’.

Jurumi 3:22

en e bedopwe pa Mungu ma ni kum yioyic i Yesu Kristu ni dhanu ceke ma giyio; kum tung’ tung’ umbe;

Jurumi 5:11

man kumeni kende ngo, ento anyong’a negowa bende i Mungu ni kum Rwoth mwa Yesu Kristu, ma ni kume wajolo kawono pot ma cwinyjo poto ko.

Jugalatia 3:27

Kum wun ceke ma jumio baputisi iwu i Kristu wuronyo Kristu.

Jufilipi 3:9

man junwang’a i ie, m’abedo ku bedopwe para an ungo, cil maeno ma mi cik, ento maeno ma en e mi yioyic pa Kristu re, bedopwe m’uai ba Mungu ni kum yioyic:

Jufilipi 4:4

Anyong’a negwu thiri thiri i Rwoth: awacu kendo, Anyong’a negwu.

1 Petro 1:8

ma wumare, ma fodi wukunene ngo; ma kadok wunene ngo kawono, ento ma wuyie, anyong’a negowu dit kud anyong’a ma wecre ngo m’upong’ ku dwong’ de;

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 21:9

Man acel ma kind malaika abiro ma gi weg tabu abiro, ma ginur ku masendi abiro macen ubino; man eweco kuda, ewacu kumae, Bin kue, abinyutho iri mugole, ma dhaku pa Nyathi Rombo.

Lembanyutha 4:4

E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

1 Samwil 2:1

Man Hana rwo, ewacu kumae: Adundena ufoire i Yehova; Judodo tunga i Yehova; Dhoga medre wi judegi para; Kum anyong’a nega i both peri.