Isaya 60:9 - The Holy Bible In Alur (Lur) Revised Orthography

⁹ Andha cula bikura, man combo mi Tarcic ma kwong’ane, kara gikel woti ku bor, mola ma tar migi ku mola ma kwar migi karacelo kugi, pi nying’ Yehova Mungu peri, man pi Ng’atu Maleng’ mir Israel, kum eyungi.

Isaya 60:9 ပူးပေါင်းရင်းမြစ်များ

Thangambere 9:27

Mungu med Yafeth, Man wek ebed i hema pa Cem; Man wek Kanan ubed jatic pare.

1 Ubimo 10:1

Man kinde m’ubimo ma dhaku mi Ceba winjo rwonglembe pa Suiej man pi nying’ Yehova, ebino kara emule; ku penji ma tek.

1 Ubimo 10:22

Kum ubimo bedo kud udul combo mi Tarcic i nam karacelo kud udul combo pa Hiram: wang’ acel i rundi adek udul combo mi Tarcic ubino, m’ekelo ko mola ma kwar, man mola ma tar, ku lakliec, ku wai, man weli.

1 Ubimo 22:48

Yehocafat utimo combo mi Tarcic kara ucidh Ofir pi mola ma kwar: ento gicidho ngo; kum combone tur i Ezion-geber.

1 Ubimo 8:41

Mange ke pi jawirok, ma en e mi dhanu peri Israel ungo, kinde m’ebiai kud i ng’om ma bor pi nyingi

Zaburi 48:7

Ituro combo mi Tarcic, Ku yamu ma yo nyangu.

Zaburi 72:10

Ju m’ubimo mi Tarcic man mi songa gibikelo ajok: Ju m’ubimo mi Ceba ku Seba gibithiero girathiera.

Zaburi 97:1

Yehova bimo; wek anyong’a neg ng’om; Wek anyong’a neg udul cula.

Ai 33:19

Man ewacu kumae, Abiketho bero para ceke kadhu i weng’i, man abiyero nying’ Yehova i weng’i; man ngisi binega kum ng’atu ma ngisi nega i kume, man abinyutho kisa ni ng’atu m’abinyutho kisa ire.

Lembrieko 18:20

Jubiyeng’o dhanu ku nying’ lembe m’i dhoge; Ebiyeng’ ku nyai mi dendhoge.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 2:16

man wi combo mi Tarcic ceke, man wi gin ceke ma juketho cwiny i kume.

Isaya 24:15

Kum kumeno yung Yehova yo nyangu, cil nying’ Yehova, Mungu mir Israel, i cula mi nam.

Isaya 42:10

Wuwer wer ma nyen ni Yehova, man pak pare ugambre i tung’ ng’om; wun ma wuloro piny ba nam, ku gin ceke ma ni i ie, cula, ku ju m’ubedo i ie de.

Isaya 42:4

Ebijik ungo, kadi cwinye de biai ungo, maram ebiketho ko pokolembe i ng’om; man cula bikuro cik pare.

Isaya 43:4

Kum in i gin ma pire tek i wang’a, man mi yung, man ameri; ka kumeno abimio dhanu kakeri, man kodhidhanu ka kwo peri.

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 46:13

akelo bedopwe para ceng’ni, ebibedo bor ungo, man both para bigalu ngo; man abiketho both i Sayuni ni Israel ma dwong’ para.

Isaya 49:1

Wuwinja, E cula; man wucik ithwu, wu kodhidhanu, ku bor: Yehova goyo wia kud i ic; elwong’o nyinga kud i ma:

Isaya 49:22

Rwoth Yehova wacu kumae, Nen, abiting’o cinga ba thek, man abiting’o abera para ni kodhidhanu; e gibikelo woti i korgi, man gibiyeyo nyigi wi gokgi.

Isaya 51:5

Bedopwe para ni ceng’ni, both para wok woko, man bota bipoko lembe mi kodhidhanu; cula bikura, e gibigeno bota.

Isaya 55:5

Nen, ibilwong’o thek m’ing’eyo ngo; man thek m’ung’ei ngo biringo i beng’i, ni kum Yehova Mungu peri, man ni kum Ng’atu Maleng’ mir Israel; kum eyungi.

Isaya 57:17

Kum kwinyo nega kum kier mi ketho cwiny hai kum piny pare, e agoye; apanu wang’a man kwinyo nega; man ecikucidho ku corocen i yo mir adundene.

Isaya 60:4

Ting’ weng’i gbur, man inen: kagi ceke gicokri karacelo, gibino i beng’i; woti biai ku bor, man jubiyeyo nyigi ku bot.

Isaya 60:6

Udul mi ngamia biumi, ngamia m’aradu mi Midian man Efa; gin ceke m’uai i Ceba bibino; gibikelo mola ma kwar kud udok ma ng’wice ng’ar, man gibiyero pi pak pa Yehova.

Isaya 66:12

Kum Yehova wacu kumae, Nen, abicoro kwiocwiny i bang’e calu kulo ma dit, man dwong’ mi thek calu kulo m’upong’: e wubidhodho kume; jubiting’owu wi dir, man jubithorowu wi cong.

Yeremia 3:17

I nindo maeca gibilwong’o Yerusalem komker pa Yehova; man thek ceke bicokre i bang’e, ba nying’ Yehova, i Yerusalem: kadok gibiwotho kendo de ngo tok udhuko mir adundegi ma rac.

Yeremia 30:19

Man foyofoc biai i bang’gi ku dwand ju m’utimo mutoro: e abimedogi, man gibibedo nok ungo; abiyungogi bende, e gibibedo nweng’ ungo.

Ezekiel 39:7

Man abiketho nyinga ma leng’ ung’eire i kind dhanu para Israel; kadi abiyio jucido nyinga ma leng’ kendo ngo: thek bing’eyo nia an a Yehova, Ng’atu Maleng’ mir Israel.

Mika 4:13

Ai man ifodi, E nya Sayuni; kum abidwoko tung peri ni nyunyu, man abidwoko utweng tiendi ni mola; man ibigoyo kodhidhanu dupa nziki nziki: e abikoyo kuloka migi ni Yehova, man piny migi ni Rwoth mi ng’om ngung’.

Mika 7:12

I ceng’ maeca gibibino i beng’i kud i Ascur man kud i adhura mi Misiri, man kud i Misiri cil kum Kulo ma dit, man ugambre ba nam utundo kum nam, man ugambre kum got cil kum got.

Zefania 2:11

Yehova bibedo ni ng’oyondiri igi; kum ebimogo mungu ceke m’i ng’om; man dhanu birwo ire, ku ba dhanu ku ba dhanu ng’atuman i kakare, cil dhu wath ceke mi thek.

Zekaria 14:14

Man Yuda bende bikiedo i Yerusalem; man lonyo mi thek ceke mi ng’ete gbur jubicoko karacelo, mola ma kwar, ku mola ma tar, man kendi, m’usagre.

Luka 2:32

En e der mi nyuthonyuth ni Thekdha numange, Man dwong’ mi dhanu peri Israel.

Yohana 17:26

man aketho ging’ei nyingi, man abiketho eng’eire: kara mer m’imara ko bed i igi, an de i igi.

Tic Mi Jukwenda 9:15

Ento Rwoth uwacu ire kumae, Cidh miri: kum en e agulu m’agoyo wie ira, ya eter nyinga i wang’ Thekdhanumange ku ju m’ubimo ku nyithi Israeli bende:

Jugalatia 3:26

Kum wun ceke wu wot Mungu, ni kum yioyic, i Kristu Yesu.

Jugalatia 4:26

Ento Yerusalem ma malu bedo agonya, ma en e megwa.

Yocuwa 9:9

Man giwacu ire kumae, Jutic peri giai kud i ng’om ma bor ngbir kum nying’ Yehova Mungu peri: kum wawinjo rwonglembe pare, ku gin ceke m’etimo i Misiri,