Isaya 6:9 - The Holy Bible In Alur (Lur) Revised Orthography

⁹ Man ewacu kumae, Cidhi, man iyer ni dhanu maeni kumae, Wuwinj andha, ento kud wung’ei; wunen andha, ento kud wunen.

Isaya 6:9 ပူးပေါင်းရင်းမြစ်များ

Lembrieko 28:5

Dhanu ma rac ng’eyo lembapoka ngo; Ento ju m’uyenyo Yehova ging’eyo gin ceke.

Isaya 28:13

Ka kumeno lembe pa Yehova bibedo igi lemponji wi lemponji, lemponji wi lemponji; wang’lembe wi wang’lembe, wang’lembe wi wang’lembe; keni nyanok, keca nyanok; kara gicidhi, man gipodh ataru, man gitur, jumakgi de, man juyakgi.

Isaya 29:10

Kum Yehova konjo tipo mi nindo ma pek i kumwu, man eumo weng’wu, wu jubila; man eumo wiwu, wu jueulembe.

Isaya 29:13

E Rwoth uwacu kumae, Kum dhanu maeni eoro ceng’ni i vuta man giyunga ku dhoggi man ku dendhoggi, ento gicoro adundegi bor kuda, man lworo migi ma gilwora ko en e lembang’ola mi dhanu ma juponjogi ko;

Isaya 29:14

ka kumeno, nen, abibetimo tic ma wang’uijo i kind dhanu maeni, en e tic ma wang’uijo ku musana; e rieko mi jurieko migi birwinyo, man ng’eyong’ec mi dhanu migi ma riu bipandre.

Isaya 42:20

Ineno gin dupa, ento iketho cwinyi i kume ngo; ithe bedo ayaba, ento ewinjo ngo.

Isaya 43:8

Wuwodh ju m’abinga ma wang’gi nuti, ku ju m’udhing’ ma ithgi nuti.

Yeremia 5:21

Kawono wuwinj maeni, E wu dhanu ma jukusegu, man ma ng’eyong’ec umbe kudu; ma wubedo ku wang’, e wuneno ngo; ma wubedo ku ith, e wuwinjo ngo:

Ezekiel 12:2

Wod dhanu, ibedo i kind ot mi jai, ma gibedo ku wang’ mi neno, man gineno ngo, ma gibedo ku ith mi winjo, man giwinjo ngo; kum gi ot mi jai.

Hoseya 1:9

E Yehova wacu kumae, Lwong’ nyinge Lo-ami; i kum wun wu dhanu para ngo, man abibedo Mungu mu ngo.

Marko 4:12

kara anena gicopo neno, endre ging’ei ngo; awinja de gicopo winjo, endre ging’ei ngo; kara ku gilokri kendo, man ku juwek dubo migi woko.

Luka 8:10

Ewacu kumae, Emire iwu ya wung’ei giramung’a mi ker pa Mungu: ento ni dong’ dhanu ku lembabola; kara kadok gineno ku ginen, kadok giwinjo de ku ging’ei.

Yohana 12:40

Ecido wang’gi, edwoko adundegi nwang’; Kara ku ginen ku wang’gi, ku ging’ei kud adundegi, Ku gilokri de, an de kud acanggi.

Jurumi 11:8

calu egore kumae, Mungu mio igi tipo mi rip rip, wang’ kara ku ginen, man ith kara ku giwinji, cil i ceng’ maeni nini.

Poi Mi Cik 29:4

ento Yehova mio iwu adunde ngo mi ng’eyo, ku wang’ mi neno, man ith mi winjo, cil tin.