Isaya 6:4 - The Holy Bible In Alur (Lur) Revised Orthography

⁴ E the riu mi dhugola yengre kum dwand ng’atu m’ulwong’o, e ot upong’ ku yiro.

Isaya 6:4 ပူးပေါင်းရင်းမြစ်များ

2 Lemkei 5:13

etimbre, kinde ma jukudhagwara man juwer gibedo calu acel, kara giketh badwal acel uwinjre kum paku ku foyo Yehova; man kinde ma giting’o dwandgi malu karacelo kud agwara man umbukulumbu ku jambwer mi badwal, man gipaku Yehova, giwacu kumae, Kum en e ber; kum mer mi bero pare bedo mi nja; nia ot ulund upong’ kud afuru, en e ot pa Yehova,

Zaburi 18:8

Yiro idho malu kud i odiume, Man mac uwang’ kud i dhoge: Cukmac uopo kude.

Ai 40:34

Afuru lund uumo hema mi cokri, man dwong’ pa Yehova pong’o hema.

Ezekiel 1:24

Man kinde ma gicidho, awinjo badwand bombgi calu badwand pi ma dit, calu dwand Ng’atu ma Jategokpo, badwal mi yakni calu badwal mir udul: kinde ma gicungo, gikonjo bombgi piny.

Ezekiel 10:5

Man badwand bomb kerubi winjre cil ba lelagang’ ma yo woko, calu dwand Mungu ma Jategokpo kinde m’eweco.

Ezekiel 41:16

riu, man wang’ot m’ubedo acika, man pondot ma ku malu gbur wi ot ma malune adek, yo kum riune, ma jumwono ku yen gbur, man ugambre i ng’om cil kum wang’ot ma malu (nie wang’otne bedo auma),

Ezekiel 44:4

Elund etera ba yo mi dhugang’ ma yor ariwa ma malu i wang’ ode; man aneno, man nen, dwong’ pa Yehova pong’o ot pa Yehova’: man apodho arieba wang’a.

Amos 9:1

Aneno Rwoth ucungo ng’et pemblam: man ewacu kumae, Goi lak akara, kara kamondo yengre; man iturgi nziki nziki i wigi kagi ceke; e abinego donge m’udong’ ku palamularu: ng’atu moko mbe mi kindgi ma bipiei, man ng’atu moko mbe mi kindgi ma biboth.

Lembanyutha 11:19

Man juyabu hekalu pa Mungu ma ni i polo; man juneno sanduk mi lembariba pare i hekalu pare; man m’ulubo maeno lukoth, man dwal, ku morpolo, man digidi, ku pei ma dit.

Lembanyutha 15:8

Man hekalu pong’ ku yiro m’uai ba dwong’ pa Mungu, man ba tego pare; man ng’atu moko mbe ma copo mondo i hekalu, ma fodi masendi abiro mi malaika abiro ku thum ungo.