Isaya 6:3 - The Holy Bible In Alur (Lur) Revised Orthography

³ Man acel ulwong’o ba wadi, man ewacu kumae, Yehova mir udul leng’, leng’, leng’: ng’om ngung’ upong’ ku dwong’ pare.

Isaya 6:3 ပူးပေါင်းရင်းမြစ်များ

Ezra 3:11

E giwero wer ng’atuman ni wadi man ni wadi i pakupak man i foyofoc ni Yehova, giwacu kumae, Kum en e ber, kum mer mi bero pare bedo nja yo bang’ Israel. Man dhanune ceke gikok ku kok ma dit, ka gipaku Yehova, kum juguro the ot pa Yehova.

Zaburi 57:11

Bed dwong’, E Mungu, malu ma sagu polo; Wek dwong’ peri bed malu ma sagu ng’om ngung’.

Zaburi 66:2

Wuwer pi dwong’ mi nyinge: Wuketh pak pare bed mi yung.

Zaburi 72:19

Man mugisa mak nyinge mi dwong’ mi nja; Man wek ng’om ngung’ upong’ ku dwong’ pare. Amen, man Amen.

Zaburi 8:2

Iguro the tego ku dhu mukere man nyithindho ma nok, Kum jusend peri, Kara ijuk jadegi ku jaculkwor.

Zaburi 90:16

Wek tic peri nyuthre ni jutic peri, Man dwong’ peri wi nyithindho migi.

Zaburi 97:6

Polo yero pi bedopwe pare, Kodhidhanu ceke gineno dwong’ pare.

Zaburi 99:3

Wek gipak nyingi ma dwong’ ma ng’oyo ndiri de: E leng’.

Zaburi 99:9

Wudod Yehova Mungu mwa, Man wurwo kum got pare ma leng’ Kum Yehova Mungu mwa e leng’.

Ai 15:11

Ng’a ma calu in i kind mungu, E Yehova? Ng’a ma calu in, ma dwong’ i leng’ne, Ma janyai ndiri i pak, m’ibetimo musana?

Isaya 24:16

Ugambre i ng’et ng’om ma wi tung’ w a winjo wer kumae; Dwong’ ni weg bedopwe. Ento awacu kumae, An a jacan, an a jacan, can i wia mire! weg abombi gitimo kud abombi; eyo, weg abombi gitimo kud abombi ma dit.

Isaya 40:5

E dwong’ pa Yehova binyuthre, man weg kum ceke binene karacelo; kum dhu Yehova yero maeni.

Isaya 54:5

Kum Jacwic peri en e nico peri; nyinge Yehova mir udul: man Ng’atu Maleng’ mir Israel en e Jawarni; jubilwong’e Mungu mi ng’om ngung’.

Ezekiel 43:2

Man nen, dwong’ pa Mungu mir Israel uai yo nyangu: man badwande calu badwal mi pi dupa; man ng’om urieny ku dwong’ pare.

Ezekiel 44:4

Elund etera ba yo mi dhugang’ ma yor ariwa ma malu i wang’ ode; man aneno, man nen, dwong’ pa Yehova pong’o ot pa Yehova’: man apodho arieba wang’a.

Habakuk 2:14

Kum ng’om bipong’ ku ng’eyong’ec mi dwong’ pa Yehova, calu pi umo nam.

Zekaria 14:9

Man Yehova bibedo Ubimo wi ng’om yu: i ceng’ maeca Yehova bibedo acel, nyinge de acel.

Kitabu Mir Ang’wende Pa Musa Wel 14:21

ento andha, calu abedo kwo, man calu ng’om yu bipong’ ku dwpng’ pa Yehova;

Juefeso 1:18

ma wang’ mir adunde mu bedo ma der ucare, kara wung’ei karamb genogen mi lwong’o pare, karamb lonyo mi dwong’ mi camupacu pare i jumaleng’,