Isaya 6:2 - The Holy Bible In Alur (Lur) Revised Orthography

² Juserafi cungo malu i wie: kubang’gi kubang’gi bombgi abusiel abusiel; eumo wang’e ku bombe ario, eumo tiende ku bombe ario de, man eringo ku bombe ario.

Isaya 6:2 ပူးပေါင်းရင်းမြစ်များ

Thangambere 17:3

Man Abram upodho arieba wang’e: e Mungu weco kude, ewacu kumae,

1 Ubimo 19:13

Man ebedo kumeno, kinde ma Elia winjo maeno, nia eumo wang’e ku kanzu pare, man ewok woko, ecimgo de i kamondo mi odng’om. Man, nen, dwal uwok i bang’e, man ewacu kumae, Itimo ang’o keni, Elia?

1 Ubimo 22:19

Man Mikaya wacu kumae, Ka kumeno winj lembe pa Yehova: Aneno Yehova bedo wi komker pare, man udul m’i polo ceke gicungo i ng’ete yo ku cinge ma yor acwic ku ma yor acam de.

1 Ubimo 6:24

Bomb kerubi acel bot abic, man bomb kerubi mucelo de bot abic: ugambre kum lwith bombe acel cil kum lwith bombe mucelo de en e bot apar.

1 Ubimo 6:27

Man eketho kerubine i ot ma yor i ie; man bomb kerubine rieire, ketho nia bomb kerubi acel umulo kor ode acel, man bomb kerubi mucelo de mulo kor ode mucelo; man bombgi gudo wadi i die ot.

1 Ubimo 8:7

Kum kerubi giyaru bombgi wi kaka sanduk, man kerubi giumo sanduk ku yende ku malu.

Nehemia 9:6

In i Yehova, in i kendi; itimo polo, polo m’i polo, kud udul migi ceke, ng’om de ku gin ceke ma ni i wie, ku nam man gin ceke ma ni i igi, e igwokogi ceke; man udul m’i polo berwo iri.

Kitabu Pa Yob 1:6

Nie etimbre i ceng’ ma wot Mungu cidho nithieri gigi ni wang’ Yehova, nia ma Jok bende bino kindgi

Kitabu Pa Yob 15:15

Nen, eketho genogen ungo kum jumaleng’ pare; Eyo, polo de leng’ ungo i wang’e:

Kitabu Pa Yob 4:18

Nen, eketho genogen ungo kum jutic pare; Man eketho lembe wi malaika pare;

Zaburi 103:20

Wumi mugisa ni Yehova, wu malaika pare, Wun ma wu tek i tego, ma wutimo lembe pare kakare, Ma wubewinjo badwal mi lembe pare.

Zaburi 104:4

M’etimo yamu ni jukwenda pare; Lebmac ni jutim pare;

Zaburi 18:10

Man ewotho ku wi kerubi, man eringo; Eyo, eringo ku wi bomb yamu.

Zaburi 89:7

Mungu ma jang’oindiri ma dit i dilo mi jumaleng’, Ma maku julwore ma sagu dhanu ceke m’utieke gburi?

Ai 25:20

Man kerubi birieyo bombgi malu, ma gium ko kabedomikisa ku bombgi, ku wang’gi ma acel ni yo ba wadi acel ni yo ba wadi; ma wang’ kerubi ni yo ba kabedomikisa.

Ai 3:6

Man ke ewacu kumae, An a Mungu pa wuru, Mungu pa Ibrahim, Mungu pa Isak, man Mungu pa Yakobo. E Musa panu wang’e; kum lworo neno Mungu nege.

Ai 37:9

E kerubi girieyo bombgi ku malu, ma giumo ko kabedomikisa ku bombgi, wang’ acel ni yo ba wadi wang’ mucelo de ni yo ba wadi; wang’ kerubi ni yo ba kabedomikisa.

Isaya 6:6

Serafi acel ulund uringo i bang’a ku bombe, m’ebedo ku cukmac i cinge, m’egamu ku makasi ku wi pemblam:

Ezekiel 1:11

Man wang’gi ku bombgi tung’ tung’ ku malu; bombgi ario kubang’gi kubang’gi uribri kum wadi, man ario umo kumgi.

Ezekiel 1:24

Man kinde ma gicidho, awinjo badwand bombgi calu badwand pi ma dit, calu dwand Ng’atu ma Jategokpo, badwal mi yakni calu badwal mir udul: kinde ma gicungo, gikonjo bombgi piny.

Ezekiel 1:4

Man aneno, man, nen, yamu ma wavuvu ai yor ariwa ma malu, afuru ma dit, ku mac ra’uwinjre gire i ie, man rieny m’utieke gbur, man umbu m’urieny ni i kinde, kud i die mac.

Ezekiel 1:6

man kubang’gi kubang’gi wang’gi ang’wen ang’wen, man kubang’gi kubang’gi bombgi ang’wen ang’wen.

Ezekiel 1:9

bombgi ribre kum wadi; gilokri ngo kinde ma gicidho; kubang’gi kubang’gi man ucidho atira i wang’e.

Ezekiel 10:16

Man kinde ma kerubi cidho, ukobrene cidho i ng’etgi; man kinde ma kerubi ting’o bombgi kara giidh malu kud i ng’om, ukobrene bende lokre ngo kud i ng’etgi.

Ezekiel 10:21

Kubang’gi kubang’gi man ubedo ku wang’ ang’wen, man kubang’gi kubang’gi man ubedo ku bomb ang’wen; man ayi cing’ dhanu ni the bombgi.

Daniel 7:10

Kulo mi mac ukadhu uai i wang’e: rubanga mi rubanga gitimo ire, man rubanga apar bang’ rubanga apar gicungo i wang’e: e juketho pokolembe, man juyabu kitabu.

Daniel 9:21

eyo, kinde m’abeweco i rwo, ng’atu ma Gabriel, m’aneno ku kwong’a i ginmawokiwang’, ma juketho eringo pio, emulo kuma calu nindo mi lam mir uthieno.

Zekaria 3:4

Man eloko lembe eyero ni ju m’ucungo i wang’e, ewacu kumae, Wuwodh kendi m’ucido kud i kume. Man ewacu ire kumae, Nen, akabu dubo peri kud i bertg’i man abironyi ku kendi ma ber.

Luka 1:10

Udul ceke mi dhanu berwo woko i saa mir udok ma ng’wice ng’ar.

Juebrania 1:7

Man pi malaika ewacu kumae, M’etimo malaika pare gidoko yamu, Man jutim pare ni lebmac;

Lembanyutha 14:6

Man aneno malaika mange m’uberingo i kor polo, m’e won lembanyong’a ma nja m’eyero ni ju m’ubedo wi ng’om, man ni thek ceke ku suru ku dhok man dhanu;

Lembanyutha 4:8

E yedi ang’wen ma kwone, ma bombgi abusiel abusiel kubang’gi nzu, wang’gi romo kumgi ceke ku yor i ie de: man kayom umbe igi dieceng’ ku diewor, ma giwacu ko kumae, Leng’, leng’, leng’, Rwoth Mungu, ma Jategokpo, ma yang’ enuti man enuti m’ebibino de.

Lembanyutha 7:11

Man malaika ceke gicungo gitieko komker gbur, ku judongo man yedi ma kwo ang’wen man gipodho arieba wang’gi nyim komker, man girwo ni Mungu,

Lembanyutha 8:13

E aneno, man awinjo acur acel, m’eberingo i kor polo, m’ebewacu ku dwal ma dit kumae, Can, can, can, ni ju m’ubedo wi ng’om, kum dwal mange mir agwara mi malaika adek, ma gibikudho agwara macen.