Isaya 59:8 - The Holy Bible In Alur (Lur) Revised Orthography

⁸ Yo mi kwiocwiny ging’eyo ngo; man pokolembe mbe i woth migi: gitimo igi yo m’ugondre; ng’atu ma tek uwotho i ie ng’eyo kwiocwiny ungo.

Isaya 59:8 ပူးပေါင်းရင်းမြစ်များ

Zaburi 125:5

Ento ni wadi ju m’ulokri cen ba yo migi mi gondri, Yehova bitelo wigi karacelo ku jutimkier. Kwiocwiny ubed wi Israel.

Lembrieko 2:13

M’uweko yo m’atira, Kara giwoth i yo mi mudho;

Lembrieko 2:15

M’ugondre i yo migi, M’ukier de i yo migi:

Lembrieko 21:8

Yo pa ng’atu m’unur ku dubo gondre apila, Ento pi ng’atu ma leng’, tic pare atira.

Lembrieko 28:18

Ng’atu ma tek uwotho atira biboth; Ento ng’atu ma kite mbe i yo pare bipodho pio.

Lembrieko 3:17

Yo pare yo mi bero, Man yo pare ceke kwiocwiny.

Isaya 48:22

Yehova wacu kumae, Kwiocwiny umbe ni judubo.

Isaya 5:7

Kum podho mir ulok pa Yehova mir udul en e ot mir Israel, man dhanu mi Yuda gi yen m’apidha pare ma ber: man egeno pokolembe, ento, nen, dim; egeno bedopwe, ento, nen, ywak.

Isaya 59:11

Kawa ceke warundo calu wai, man wacur acura calu akuru: wakio pokolembe, ento moko mbe; wakio both, ento eni bor kudwa.

Isaya 59:9

Ka kumeno pokolembe ni bor kudwa, kadok bedopwe de rubowa ngo: wakio der, ento, nen, mudho; wakio rienypiny, ento wawotho i piny ma col.

Isaya 65:2

Athang’u cinga ceng’ du ni dhanu ma juco, m’uwotho i yo ma ber ungo, tok pidoic migi ma dhe;

Yeremia 5:1

Wuring kun ku kun kud i gengi mi Yerusalem, man wunen kawono, wung’ei de, man wuyeny i ka ma lacne, tek wucopo nwang’u dhanu, tek ng’atu moko nuti ma timo pwe, m’uyenyo lemandha; e abiweko ire woko.

Matayo 23:23

Can i wiwu, jugorcik ku Jufarisayo, weg ambili! kum wumio apaje mir ukuju, ku thoki, man atingli, man wuweko gin ma pek mi cik, ku pokolembe ma pwe, man kisa, ku yioyic: ento emaku wutim gin maeni, man kud wuwek timo gin maeni de.

Luka 1:79

Nirieny wi ju m’ubedo i mudho ku tipo mi tho; Niketho tiendwa woth i yo mi kwiocwiny.

Jurumi 3:17

Man yo mi kwiocwiny fodi gikung’eyo ngo: