Isaya 57:7 - The Holy Bible In Alur (Lur) Revised Orthography

⁷ Iketho kavuto peri wi got ma wiu m’utingre de; iidho kuca bende kara ilam lam.

Isaya 57:7 ပူးပေါင်းရင်းမြစ်များ

Isaya 57:3

Ento wucor ceng’ni keni, wu wot dhaku ma ajoga, wu kodhi ng’atu ma dubre swa ku won asara.

Isaya 65:7

kier mu giwu, man kier mi kwaruwu karacelo, Yehova wacu, ma wuwang’u udok ma ng’wice ng’ar wi gudi, ma wucida wi ungulu gudi de: ka kumeno abilar poro tic migi i korgi.

Yeremia 2:20

Kum ugambre con aturo mberembere peri, man acodo twic peri; e iwacu kumae, Abitimo ngo; kum igung’ giri wi ungulu gudi ma wiu kubang’e kubang’e man the yen m’udinyo kubang’e kubang’e, m’ibetimo ko asara.

Yeremia 3:2

Ng’ai weng’i malu i ka m’utingre ma lelele, man inen; kani ma jukuvuto kudi i ie ngo? Ibedo pigi dhu yo, calu Jaarabi i langa; man icido ng’om kud asara peri man ku dubo peri.

Yeremia 3:6

Man ke Yehova wacu ira kumae i nindo pa Yosia m’ubimo, Ineno gin ma Israel m’ucoro cen utimo? eidho malu wi gudi ma wiu kubang’e kubang’e man the yen m’udinyo kubang’e kubang’e, man etimo tarwang’ keca.

Ezekiel 16:16

Man igamu kum kendi peri, man itimo iri ka ma malu ma juruko ku kit piny ma tung’ tung’, man itimo tarwang’ i kumgi: wadi gin maeni bibino ngo, kadok ebibedo kumeni de ngo.

Ezekiel 16:24

nia igomo iri ka m’utingre, man itimo iri ka ma wiu i gengi kubang’e kubang’e.

Ezekiel 16:25

Iguro ka ma wiu peri i wi yo kubang’e kubang’e man idwoko leng’kumi ni ginmajudagu, man iyabu tiendi ni dhanu ceke kubang’gi kubang’gi ma gikadhu akadha, man imedo asara peri.

Ezekiel 23:17

Man Jubabeli gibino i bang’e i kavuto mi mer, e gicide kud asara migi, man ecidre kugi, man ng’eyong’ec pare koc kugi.

Ezekiel 23:41

man ijany wi kavuto mi dwong’, ku mesa m’ubedo ayika i wang’e, m’iketho udok ma ng’wice ng’ar para ku mo para i wie.

Ezekiel 6:13

Man wubing’eyo nia an a Yehova, kinde ma dhanu migi ma junego ubedo i kind mungu m’araga migi i vut pemblam migi gbur, wi ungulu gudi ma wiu kubang’e kubang’e, wi usimbru gudi ceke, man the en m’uluk kubang’e kubang’e, man the ongu m’uluk kubang’e kubang’e, en e ka ma githiero ie ng’wic mido ma ng’ar ni mungu m’araga migi ceke.