Isaya 57:6 - The Holy Bible In Alur (Lur) Revised Orthography

⁶ Makapiny peri en e kind kidi ma foth mi poga; gin, gi gagi peri; ikonjo lam m’akonja igi, ithiero girathiera. Abijukra kum gin maeni?

Isaya 57:6 ပူးပေါင်းရင်းမြစ်များ

Isaya 65:11

Ento wun ma wuweko Yehova, ma wiwu wil pi got para ma leng’, ma wuyiko mesa ni mierolembe, man ma wupong’o pigulok m’ajeba ni mungu m’araga;

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Yeremia 19:13

man udi mi Yerusalem, ku udi mi ju m’ubimo mi Yuda, ma jucido, bibedo calu ka mi Tofeth, en e udi ceke ma giwang’u udok ma ng’wice ng’ar i wie ni udul ceke m’i polo, man ma gikonjo giramadha ni mungu mange i wie.

Yeremia 3:9

Man etimbre ni kum yot mir asara pare, ya ng’om ucido, man edubre swa ku kidi man ku dundyen.

Yeremia 32:29

man Jukaldayo, m’ukiedo kum adhura maeni, gibibino man gibicwinyo adhura maeni ku mac, man gibiwang’e, karacelo ku udi ma githiero udok ma ng’wice ng’ar ni Bal i wie, man ma gikonjo lam m’amadha ni mungu mange i wie, kara unyai ng’ecwiny i ia.

Yeremia 5:29

E abiliewo ngo pi gin maeni? Yehova wacu; jubiculo ni ng’eyong’ec para ngo kum wadi thek ma calu maeni?

Yeremia 5:9

Abiliewo ngo kum gin maeni? Yehova wacu; man jubiculo ng’eyong’ec para ngo kum wadi thek ma calu maeni?

Yeremia 7:18

Nyithindho coko yen, e wego cwinyo mac, man mon umieno kwen, kara gitim kwen m’apada ni ubimo ma dhaku m’i polo, man kara gikonj lam m’amadha ni mungu mange, kara ginyai ng’ecwiny i ia.

Yeremia 9:9

Abiliewogi ngo kum gin maeni? Yehova wacu; jubiculo kwor ni ng’eyong’ec para ngo kum wadi thek ma calu maeni?

Ezekiel 20:39

Piwu, E ot mir Israel, Rwoth Yehova wacu kumae; Wucidhi, wutim kubeng’wu kubeng’wu ng’atuman ni mungu m’araga pare, man yo ku ng’ei maeni bende, tek wubiwinjo dwanda ngo; ento kud wucid nyinga ma leng’ kendo ku giramia mu, man ku mungu m’araga mu.

Habakuk 2:19

Can wi ng’atu m’uwacu ni yen kumae, Ceu: ni kidi ma weco ngo de kumae, Ai malu! Maeni biponjo? Nen, jumwone ku mola ma kwar man ku mola ma tar, e yuyo moko mbe i ie tak de.