Isaya 57:16 - The Holy Bible In Alur (Lur) Revised Orthography

¹⁶ Kum abi-ii mi nja ngo, kadok kwinyo de binega thiri thiri ngo; kum tipo maru voc i wang’a, ku ng’eyong’ec m’atimo.

Isaya 57:16 ပူးပေါင်းရင်းမြစ်များ

Thangambere 6:3

Man Yehova wacu kumae, Tipona bipiembre ku dhanu nja ngo, kum en bende en e kum: ento ceng’ pare bibedo rundi dak acel ku pier ario.

2 Samwil 24:16

Man kinde ma malaika rieyo cinge yo ba Yerusalem kara enyothe, Yehova lokre gire kum lem ma rac, man ewacu ni malaika m’unyotho dhanu kumae, Eromo; kawono dol cingi. Man malaika pa Yehova ni i ng’ei lelacam pa Arauna ma Jayebusi.

Kitabu Pa Yob 12:10

Ma ng’eyong’ec mi gin ma kwo kubang’e kubang’e ni i cinge, Man yuyo mi nyithi dhanu ceke?

Zaburi 85:5

Ng’ecwiny binegi i kumwa mi nja? Ibitelo ng’ecwiny peri ni dhanum’utuk ceke?

Eklizia 12:7

man utur udok ba ng’om calu ekoebedo, man tipo dok ba Mungu m’umie.

Isaya 27:8

I mukero, kinde m’iorogi cen, wupiemo wukugi; ekabugi ku yamu pare ma tek i ceng’ mi yamu ma yo nyangu.

Isaya 30:18

E ka kumeno Yehova bikuro, kara ebed ku bero i kumi; e ka kumeno ebidodre, kara kisa nege i kumi: kum Yehova en e Mungu mi pokolembe; mugisa kwany dhanu ceke m’ukure.

Isaya 42:5

Mungu Yehova, ng’atu m’ucwio polo, m’urieyogi de kpee uwacu kumeni; ng’atu m’upedho ng’om kpee ku gin m’uai i ie; ng’atu m’umio yuyo ni dhanu m’i wie, man tipo ni ju m’uwotho i wie:

Isaya 64:8

Ento kawono, E Yehova, in i Wegwa; wan wan ulobo, man in i jacwi agulu mwa; man kawa ceke wa tic m’i cingi.

Yeremia 10:24

E Yehova, ponja, ento ku mukero; ku ng’ecwiny peri re ngo, imaru dwoka mananu.

Yeremia 3:5

Ebicero ng’ecwiny pare mi nja? ebigwoke cil i kajikne? Nen, iyero man itimo gin ma rac, man itimo yeny ma ii yenyo.

Yeremia 38:16

Kum kumeno Zedekia m’ubimo kwong’o kwong’ ling’ ling’ ni Yeremia, ewacu kumae, Calu Yehova bedo kwo, m’utimo iwa ng’eyong’ec maeni, abinegi ngo, kadi abimii i cing’ dhanu maeni m’uyenyo kwo peri e de ngo.

Ezekiel 18:4

Nen, ng’eyong’ec ceke gi para, calu ng’eyong’ec pa wego, e ng’eyong’ec mi wodo bende e para: ng’eyong’ec m’udubo, ebitho.

Amos 1:11

Yehova wacu kumae; Mi gondri adek mir Edom, eyo, mir ang’wen, abiloko masendine cen ungo; kum eriemo umin ku palamularu, man ebayu ngisi ceke cen, man ng’ecwiny pare yeco thiri thiri, ekanu kwinyo pare de mi nja.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Zekaria 12:1

Ewolembe mi lembe pa Yehova pir Israel. Yehova, m’urieyo polo, m’uketho the ng’om, man m’ucwio tipo dhanu i ie, wacu kumae:

Kitabu Mir Ang’wende Pa Musa Wel 16:22

E gipodho arieba wang’gi, giwacu kumae, E Mungu, Mungu mi tipo mi kum ceke, tek ng’atu acel udubo, e iyenyo kwinyo negi kum udul ceke?

Juebrania 12:9

Mange ke wabedo ku wegwa ma ku kum ma ponjo wa, man wajwigra igi: esagu ngo ya wabed wor ni Won tipo, man wabed kwo?