Isaya 57:13 - The Holy Bible In Alur (Lur) Revised Orthography

¹³ Kinde m’iywak, wek ju m’icoko gibodhi; ento yamu biting’ogi, yuyo biterogi ceke cen: ento ng’atu m’upondo i ia bimwonyo ng’om, man ebigamu got para ma leng’ ni aba.

Isaya 57:13 ပူးပေါင်းရင်းမြစ်များ

2 Ubimo 3:13

E Elica uwacu ni ubimo mir Israel kumae, Wabedo ku lembang’o wakudi? cidh ba jubila pa wuru man ba jubila pa meru. Man ubimo mir Israel uwacu ire kumae, Ungo; kum Yehova lwong’o ubimo adek maeni karacelo kara emigi i cing’ Moab.

Kitabu Pa Yob 21:18

Ma nia gi calu soka i wang’ yamu, Man calu cung’ ma wavuvu leko woko?

Zaburi 1:4

Judubo bedo kumeno ngo, Ento gi calu cung’ ma yamu duny ko.

Zaburi 118:8

Pondo ba Yehova e ber Sagu geno dhanu.

Zaburi 125:1

Ju ma gigeno Yehova Gi calu got Sayuni, ma ai ungo, ento ebedo mi nja.

Zaburi 37:11

Ento ju ma mol gibicamu ng’om ni aba, Man gibinyayu mutoro i igi gigi kum dit mi kwiocwiny.

Zaburi 37:22

Kum wadi ju m’emio mugisa igi gibicamu ng’om ni aba; Man ju m’ekwong’ogi jubikabugi woko.

Zaburi 37:29

Won bedopwe bicamu ng’om ni aba, Man ebibedo i ie mi nja.

Zaburi 37:3

Gen Yehova, man itim ber; Ka kumeno ibibedo i ng’om, man ibicamu m’ibedo agwoka.

Zaburi 37:34

Kur Yehova, man imok kum yo pare; Man ebiyungi kara icam ng’om ni aba: Kinde ma jukabu judubo, ibineno maeni.

Zaburi 37:9

Kum jubikabu jutim rac woko; Ento ju m’ukuro Yehova, gibicamu ng’om ni aba.

Zaburi 58:9

Ma fodi agulu mu mulo mac mir ukudho ngo, Ebikabugi woko kud atido, ma numu ku m’uwang’ cal acel.

Zaburi 84:12

E Yehova mir udul, Mugisa ni ng’atu m’ugeni.

Lembrieko 28:25

Ng’atu ma en e won ketho cwiny ma dit kum piny nyayu piem; Ento ng’atu ma ketho genogen pare ba Yehova jubiketho ecwe.

Isaya 11:9

Gibitimo rac kadi nyotho de ngo kum got para ma leng’ ceke; kum ng’om bibedo pong’ ku ng’eyong’ec pa Yehova, calu pi umo ng’om.

Isaya 14:32

Jubilund loko lembang’o ni jukwenda mi theki? Nia Yehova guro the Sayuni, man ju ma jusendo mi dhanu pare bipondo i ie.

Isaya 25:4

Kum ibedo ka ma tek ni jucan, ka ma tek ni jucanpiny i can pare, kavogo ni wavuvu, tipopiny ni lietho, kinde ma atido mi ju mi ndiri bedo calu wavuvu kum gang’kidi.

Isaya 40:24

Eyo, jupidhogi ngo; eyo, jucoyogi ngo; eyo, dundyen migi guro ulage i ng’om ungo: man ke ekudho wigi, e giner, man atido terogi cen calu soka.

Isaya 41:16

Ibiyekogi, man yamu biduny kugi cen, atido de bikethogi; man anyong’a binegi ni kum Yehova, ibiyungri ni kum Ng’atu Maleng’ mir Israel.

Isaya 45:20

Wucokru giwu man wubin; wucor ceng’ni karacelo, wun ma wuboth i kind thek: ng’eyong’ec migi mbe gi ju ma giyeyo yen mir ayi gin m’acwia migi m’ang’ika, ma girwo de ni mungu ma copo bodho ngo.

Isaya 49:8

Yehova wacu kumae, I nindo m’uyire aloko iri lembe, man i ceng’ mi both akonyi; man abigwoki, man abimii ni lembariba ni dhanu, kara iting’ ng’om malu, kara iketh gimak aba m’udong’ ni uvuru;

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Isaya 60:21

Dhanu peri bende bibedo pwe ceke; gibicamu ng’om ni aba mi nja, en e jangpiny m’apidho an, ma tic m’i cinga, kara juyunga.

Isaya 65:11

Ento wun ma wuweko Yehova, ma wiwu wil pi got para ma leng’, ma wuyiko mesa ni mierolembe, man ma wupong’o pigulok m’ajeba ni mungu m’araga;

Isaya 65:25

Urudi ku nyathi rombo bicamu karacelo, man umvor bicamu soka calu koni dhiang’; e utur bibedo cemo mi thwol. Gibitimo rac ungo kadi nyotho de ngo wi got ma leng’ para ceke, Yehova wacu.

Isaya 65:9

Man abiwodho kodhi kud i Yakobo, man jacam gudi para ni aba kud i Yuda; e ng’atu m’afoyo bimake ni aba, man jutic para bibedo keca.

Isaya 66:20

E gibikelo utumegwu ceke kud i thek ceke ni girathiera ni Yehova, wi riuni, man i magali, man i Icipoi, man wi kana, man wi ngamia, ba got para ma leng’ Yerusalem. Yehova wacu, calu nyithindho mir Israel ukelo girathiera migi i agulu ma leng’ i ot pa Yehova.

Yeremia 2:28

Ento mungu peri m’itimo ire ni kani? wek giai, tek gicopo bodhi i nindo mi can peri; kum wel mungu peri calku wel mir adhura peri, E Yuda.

Yeremia 22:20

Idh malu ba Lebanon, man ikok; man iting’ dwendi i Bacan, man ikok ku i Abarim; kum junyotho jumer peri ceke.

Yeremia 22:22

Yamu bikaku jukwac peri ceke ku cam, man jumer peri bicidho i ng’eca: andha lewic bilund meki man cwinyi bing’abre andha kum dubo peri ceke.

Yeremia 30:14

Jumer peri ceke wigi wil i kumi; giyenyi ngo: kum atong’o lero i kumi ku lero pa jadegi, ku ponji pa ng’atu ma kisa mbe kude, kum dit mi kier peri, kum dubo peri nyai.

Ezekiel 20:40

Kum i got para ma leng’, i got mi tingri mir Israel, Rwoth Yehova wacu, ot mir Israel ceke, kagi ceke, gibitimo ira keca i ng’ombuca: abijologi keca, man abilwong’o lam mu keca, man mwoka mi girathiera mu, ku gin ma leng’ mu ceke.

Hoseya 13:3

Ka kumeno gibibedo calu afuru mi kugweno, man calu thoi ma oi pir kugweno, calu cung’ ma duny kud atido ku wi lela mi fodo cam, man calu yiro ku dhu kendo.

Yoel 3:17

Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

Zekaria 7:13

Man etimbre, kan elwong’o, man gikwero winjo, e gibilwong’o kumeca, man abiwinjo ngo, Yehova mir udul uwacu;

Jupoklembe 10:14

Wucidh wulwong’ mungu ma wufoyo: wek gibodhwu i nindo mi can mu.