Isaya 57:11 - The Holy Bible In Alur (Lur) Revised Orthography

¹¹ Man lworo ku bebe negi kum ng’a, ma nia icwai ndra, man ipoi pira ngo, kadi can de nego cwinyi ngo? abedo ling’ hai ungo, man ilwora ngo?

Isaya 57:11 ပူးပေါင်းရင်းမြစ်များ

Zaburi 50:21

Itimo maeni, man abedo ling’; Iwacu nyo a calu wadi in nini: Ento abijuki, man abikethogi kubang’e kubang’e i weng’i.

Zaburi 78:36

Ento giyero lembe ire mit mananu ku dhoggi, Man gicwayu ire lembe ku lebgi.

Lembrieko 29:25

Lworo mi dhanu kelo uwic; Ento ng’atu m’uketho genogen pare kum Yehova bibedo museme.

Eklizia 8:11

Kum juketho lembapoka timbre pio kum lem ma rac ungo, ka kumeno adunde wot dhanu doko tek i igi mi timo dubo.

Isaya 26:10

Wek junyuth bero ni jadubo, ento ebiponjo ng’eyo bedopwe ngo; ebitimo kier i ng’om m’atira, man ebineno dwong’ pa Yehova ngo.

Isaya 30:9

Kum en e dhanu mi jai, nyithindho mi cwayu ndra, nyithindho ma biwinjo cik pa Yehova ngo;

Isaya 42:14

Abedo ling’ nindo dupa; abedo ling’, man acera gira: kawono abiywak calu dhaku ma moc ugoye; abigamu cwinya man abiyuyo karacelo.

Isaya 44:20

Ecamu vuru; adunde ma jubombo loke cen; e ecopo bodho ng’eyong’ec pare ngo, kadi wacu kumae, Ndra ni i cinga ma yor acwic ungo?

Isaya 47:7

Man iwacu kumae, Abibedo mugole nja; ketho nia iketho cwinyi ngo kum gin maeni kadok kajik ma cenne de ipoi pire ngo.

Yeremia 2:32

Nyaku ma sumba wie copo wil kum jambruko pare, kadi mugole de kum kendi pare? ento dhanu para wigi wil pira ma wel nindone mbe.

Yeremia 3:21

Juwinjo dwal wi ka m’utingre ma lelele, en e ywak ku kwayukwac mi nyithindho mir Israel; kum gigondo yo migi, wigi wil kum Yehova Mungu migi.

Yeremia 38:19

E Zedekia m’ubimo wacu ni Yeremia kumae, Lworo nega kum Juyahudi m’upodho cen ba Jukaldayo, gimaru mia i cing’gi, man gicaya.

Yeremia 41:18

ni kum Jukaldayo; kum gilworogi, kum Icmael ma wod Nethania nego Gedalia ma wod Ahikam, m’ubimo mi Babeli ketho ni jabim wi ng’ombe.

Yeremia 42:20

Kum wutimo kud abombi kum ng’eyong’ec mu giwu; kum wuora ba Yehova Mungu mu, wuwacu kumae, Kwai Yehova Mungu mwa piwa; man calku gin ceke ma Yehova Mungu mwa biyero, yer iwa kumeca, e wabitime.

Ezekiel 13:22

Kum ku ndra wunyayu can i adunde ju ma pwe, m’aketho can uneggi ngo, man wumio tego ni cing’ jadubo, kara kud edwog kud i yo pare ma rac, man kud eboth ma kwo;

Hoseya 11:12

Efraim utieka ku lemndra, man ot mir Israel kud abombi; ento Yuda fodi ubimo karacelo ku Mungu, man ebedo mandha karacelo ku Ng’atu Maleng’.

Matayo 25:25

e lworo maka, acidho de akanu talanto peri i ng’om: nen, piny peri ni giri.

Tic Mi Jukwenda 5:3

Ento Petro wacu kumae, Anania, Jok upong’o adunden inedi m’icwayu ko ndra ni Tipo Maleng’, m’ikanu ko kum welpiny mi ng’omi?

2 Jutesaloniki 2:9

en e ng’atuca, ma bino pare en e calku tim pa Jok ku tego ceke man giranyutha ku musana mi ndra,

1 Timoteo 4:2

ni kum dhanu ma gi weg ambili m’uyero lemndra, ma calu ya junyelo pidocwinygi gigi ku nyunyu ma lieth:

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.