Isaya 57:1 - The Holy Bible In Alur (Lur) Revised Orthography

¹ Weg bedopwe rwinyo, e ng’atu moko mbe ma paru pire; man jukabu jukisa woko, man ng’atu moko mbe ma paru nia jukabu weg bedopwe ni gin ma rac ma bibino.

Isaya 57:1 ပူးပေါင်းရင်းမြစ်များ

1 Ubimo 14:13

Man Israel ceke biywage, man gibiyike; kum en e kende m’e pa Yeroboam m’ebicidho i liel, kum junwang’u gin moko ma ber i ie i ot pa Yeroboam yo ba Yehova, Mungu mir Israel.

2 Ubimo 22:20

Ka kumeno, nen, abicoki ba kwaru peri, man jubicoki ba liel peri, ma cwinyi kwio, kadok weng’i de bineno lembe ma rac ceke m’abikelo wi ka maeni ngo. E gikelo lembe bang’ ubimo kendo.

2 Lemkei 32:33

E Hezekia nindo ku kwaru pare, man giyike i kaidho mi odliel mi wot Daudi: e Yuda ceke ku ju m’ubedo i Yerusalem giyunge i tho pare. Man Manase ma wode camu ker kakare.

2 Lemkei 34:28

Nen, abicoki ba kwaru peri, man jubicoki ba liel peri ku kwiocwiny, kadok weng’i de bineno lem ma rac m’abikelo wi ka maeni ceke ngo, man wi ju m’ubedo kakeni. E gidwoko lembe bang’ ubimo.

2 Lemkei 35:24

Kum kumeno jutic pare gitere cen kud i magali, man gikethe i magali mir arionde m’ebedo ko, e gikele i Yerusalem; e etho, man juyike i odliel pa kwaru pare. Man Yuda ceke ku Yerusalem giywagu Yosia.

Zaburi 12:1

Kony, Yehova; kum ng’atu ma ayi Mungu ni i kume mbe kendo; Kum ju mandha girem kud i kind nyithindho mi dhanu.

Zaburi 37:37

Nen ng’atu ma cu, man ng’i ng’atu m’atira; Kum kajik pa ng’atu ma won kwiocwiny e ber.

Isaya 42:25

Ka kumeno ekonjo lak ng’ecwiny pare i kume, man tego mir ali; man ecwinye gbur ku mac, ento eng’eyo ngo; man ewang’e, ento eketho cwinye i kume ngo.

Isaya 47:11

Ka kumeno lem ma rac biwok i kumi; ibing’eyo rupinje ngo: man lem ma rac bipodho i wii; ibicopo core cen ungo: e nyoth bibino i wii pio pio, m’ing’eyo ngo.

Isaya 47:7

Man iwacu kumae, Abibedo mugole nja; ketho nia iketho cwinyi ngo kum gin maeni kadok kajik ma cenne de ipoi pire ngo.

Isaya 57:11

Man lworo ku bebe negi kum ng’a, ma nia icwai ndra, man ipoi pira ngo, kadi can de nego cwinyi ngo? abedo ling’ hai ungo, man ilwora ngo?

Yeremia 18:11

Ka kumeno kawono, yer ni dhanu mi Yuda, man ni ju m’ubedo i Yerusalem, wac kumae, Yehova wacu kumae: Nen, atheko lem ma rac i kumwu, man aporo lembapora i kumwu: wudwog kawono kubeng’wu kubeng’wu ng’atuman kud i yo pare ma rac, man wuyik yo mu ku giratima mu.

Yeremia 22:10

Kud wuywak pi ng’atu m’utho, kadi kud wuywage; ento wuywak hai pi ng’atu m’ucidho cen; kum ebidwogo kendo ngo, kadi ebineno ng’om ma thugi de ngo.

Ezekiel 21:3

man iwac ni ng’om mir Israel kumae, Yehova wacu kumae: Nen, an a jadhogi, man abiwodho palamularu para ku i ukorone, man abikabu ju ma pwe ku judubo cen kud i kumi.

Mika 7:2

Dhanu ma ayi Mungu ni i kume rwinyo woko kud i ng’om, e ng’atu moko m’atira mbe i kind dhanu: kagi ceke gikanu adhi mi rimo; ku ba dhanu ku ba dhanu ng’atuman dwaru umin ku voi.

Malaki 2:2

Tek wubiwinjo ngo, man tek wubiketho cwinywu i kume ngo, kara wumi yung ni nyinga, Yehova mir udul uwacu, abilund oro kwong’ i wiwu, man abikwong’o mugisa mu; eyo, adaru kwong’ogi, kum wuketho cwinywu i kume ngo.

Kitabu Mir Ang’wende Pa Musa Wel 23:10

Ng’a ma copo kwanu utur pa Yakobo, Kadi turo wel mi ng’et Israel mir ang’wende? Wek atho tho pa jabero, Man wek kajikna bed calu pare!