Isaya 55:3 - The Holy Bible In Alur (Lur) Revised Orthography

³ Wucik ithwu, man wubin i bang’a; wuwinji, e ng’eyong’ec mu bibedo kwo: man abitimo lembariba mi nja kudu, en e kisa mandha pa Daudi.

Isaya 55:3 ပူးပေါင်းရင်းမြစ်များ

Thangambere 17:7

Man abiketho lembariba para m’i kindwa wakudi ucungi man ku kodhini yo ng’eii cil kum dhanum’utuk migi ni lembariba mi nja, kara abed ni Mungu iri man ni kodhini yo ng’eii.

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

2 Samwil 23:5

Andha ot para bedo kumeno ngo ku Mungu; Ento etimo kuda lembariba mi nja, Ayika i lembe ceke, man andha: Kum en e both para ceke, man yeny ceke ma ia yenyo, Kadok eketho edongo ngo,

2 Samwil 7:29

ka kumeno kawono wek enyai mutoro ii nia imi mugisa wi ot pa jatic peri, kara ebed mi nja i weng’i; kum in, E Rwoth Yehova, iyero maeni: man ku mugisa peri wek ot pa jatic peri unwang’ mugisa mi nja.

2 Lemkei 6:42

E Yehova Mungu, kud ilok weng’i woko ku ba ju m’iwiro: poi kum mer mi bero peri ma ba Daudi ma jatic peri.

Zaburi 119:112

Aketho adundena kum timo cik peri Mi nja, cil kum kajikne.

Zaburi 119:175

Wek ng’eyong’ec para bed kwo, man ebipeki; Man wek lembapoka peri konya.

Zaburi 78:1

Wucik ithwu kum cik para, E dhanu para: Wuleng’ ithwu ba lembe mi dhoga.

Zaburi 89:28

Abigwoko mer mi bero para ire mi nja; Man lembariba para bicungo ki kude.

Zaburi 89:29

Kodhi pare bende abiketho bedo mi nja, Man komker pare calu ceng’ m i polo.

Ai 15:26

man ewacu kumae, Tek ibiwinjo dwand Yehova Mungu peri cu, man ibitimo gin m’atira i wang’e man ibieiko ithi kum lembang’ola pare, e ibiworo cik pare de ceke, abiketho tho moko i kumi ngo m’aketho i kum Jumisiri: kum an a Yehova m’ukeyo kumi.

Lembrieko 4:20

Woda, keth cwinyi kum lembe para; Leng’ ithi ni wec para.

Lembrieko 7:2

Wor lembang’ola para man ikwo; Man ponji para calu nying weng’i.

Isaya 51:4

Wuwinja, E dhanu para; man wucik ithwu ira, E thek para: kum cik biai kud i bang’a, man abiketho bedopwe para ni der ni kodhidhanu.

Isaya 54:10

Kum gudi copo ai, man jucopo kabu ungulu gudi; ento mer mi bero para biai kud i beng’i ngo, kadok lembariba para mi kwiocwiny de jubikabu ngo, Yehova ma kisa nege i kumi wacu.

Isaya 54:8

I kwinyo ma nok apanu wang’a iri i nindo ma nyathigi; ento kisa binega i kumi ku mer mi bero mi nja, Yehova ma Jawarni wacu.

Isaya 61:8

Kum an, an a Yehova, amaru pokolembe, adagu ayeki ku kier; man abimio cul migi igi i lemandha, man abitimo lembariba mi nja kugi.

Yeremia 30:9

ento gibitimo ni Yehova Mungu migi, man ni Daudi m’ubimo migi, m’abiting’o malu igi.

Yeremia 32:40

man abitimo lembariba mi nja kugi, nia abilokra cen ungo ku lubogi, m’atim kogi ber; man abiketho lworo para i adundegi, kara ku giweka.

Yeremia 33:26

e abibayu kodhi Yakobo, man pa Daudi ma jatic para bende, ketho nia abigamu kodhine ngo ubed ni ubimo wi kodhi Ibrahim, kud Isak, man Yakobo: kum abiketho ng’eca migi dwogo, man kisa binega i kumgi.

Yeremia 38:20

Ento Yeremia wacu kumae, Gibimii ngo. Akwei, wor dwand Yehova, i maeno m’ayero iri: e ebibedo ber iri, man ng’eyong’ec peri bikwo.

Yeremia 50:5

Gibipenjo pi Sayuni ku wang’gi ma yor i bang’e kumae, Wubin, man wuribru giwu kum Yehova i lembariba mi nja ma wijo biwil ungo pire.

Ezekiel 16:60

Ento abipoi kum lembariba para ma kudi i nindo mir aradu peri, man abiketho lembariba mi nja cungo iri.

Ezekiel 34:24

E an, an a Yehova, abibedo Mungu migi, man jatic para Daudi bibedo jaditmawijo i kindgi; an, an a Yehova, ayero maeni.

Ezekiel 34:25

Man abitimo lembariba mi kwiocwiny kugi man abiketho yedi ma kwiny ujik kud i ng’om; e gibibedo museme i langa, man gibinindo i luli.

Ezekiel 37:26

Mange ke abitimo lembariba mi kwiocwiny kugi: ebibedo lembariba mi nja kugi; man abikethogi, abimedogi de, man abiketho kamaleng’ para i kindgi mi nja.

Lembe Mi Julawi 18:5

Ka kumeno wugwok cik para, ku lembapoka para; ma tek dhanu timo, ebibedo kwo ni kumgi: an a Yehova.

Amos 5:4

Kum Yehova wacu kumae ni ot mir Israel, Wuyenya, e wuibedo kwo;

Amos 5:6

Wuyeny Yehova, e wubibedo kwo: emaru moc calu mac i ot pa Yusuf, man ewang’ piny, e ng’atu moko mbe ma binege i Beth-el.

Matayo 11:28

Wubin i bang’a, kewu ceke ma wumulu ku tic ma ter ma pek unurowu, man abimio iwu yom.

Matayo 13:16

Ento mugisa ni weng’wu, kum gineno; ni ithwu de, kum giwinjo.

Matayo 17:5

Kinde m’ebeweco, nen, afuru m’urieny uketho tipo i wigi: man nen, dwal uwacu ku i afuru kumae, Meni Woda ma jamerna, ma anyong’a nega i kume; wuwinje.

Yohana 10:27

Rombe para winjo dwanda, man ang’eyogi, gilubo ng’eya de:

Yohana 6:37

Ceke ma Wego mio ira gibibino i bang’a: ng’atu m’ubino i bang’a de abibaye woko ki ngo.

Yohana 7:37

Nie i kajikceng’, ma en e ceng’ ma dwong’ mir agba Yesu cungo ekok akoka, ewacu kumae, Tek rieu nego ng’atu moko, dong’ ebin i bang’a emadhi.

Yohana 8:47

Ng’atu ma en e pa Mungu ewinjo lembe pa Mungu: kum lembe nini wuwinjo ngo, kum wu pa Mungu ngo.

Tic Mi Jukwenda 13:34

Man pi lembe m’eketho ecer ko ku kind ju m’utho, ma kawono dong’ edwogo kendo ngo ba top, eyero kumae, Abimio iri mugisa pa Daudi ma leng’ mandha de.

Jurumi 10:5

Kum Musa goro ya ng’atu m’utimo bedopwe ma en e mi cik ebibedo ni kum maeno.

Juebrania 13:20

Nie Mungu mi kwiocwiny, m’ekelo jakwac ma dit mi rombe kendo m’ecer ku kind ju m’utho ni kum rimo mi lembariba mi nja, en e Rwoth mwa ma Yesu,