Isaya 54:8 - The Holy Bible In Alur (Lur) Revised Orthography

⁸ I kwinyo ma nok apanu wang’a iri i nindo ma nyathigi; ento kisa binega i kumi ku mer mi bero mi nja, Yehova ma Jawarni wacu.

Isaya 54:8 ပူးပေါင်းရင်းမြစ်များ

Zaburi 103:17

Ento mer mi bero pa Yehova gambre rondo ku rondo cil rondo ku rondo kum ju m’ulwore, Man bedopwe pare kum nyithindho mi nyithindho;

Zaburi 103:4

M’ewaru ko kwo peri kud i nyoth; M’eroyo ko jamkermiwic mi mer mi bero ku kisa ma ng’ic i wii;

Zaburi 13:1

Rokani, E Yehova? wii biwil pira mi nja? Ibipanu weng’i ira rokani?

Zaburi 27:9

Kud ipan weng’i ira; Kud icor jatic peri cen ku ng’ecwiny: Idaru bedo jakonyna; Kud ibaya cen, kadok akuna de kud ikuna, E Mungu mi both para.

Zaburi 30:5

Kum ng’ecwiny pare en e mi nindo ma nyanok; Kwo ni i bero pare: Ywak copo bedo ku diewor, Ento anyong’a bino kugweno.

Isaya 14:1

Kum kisa binego Yehova kum i Yakobo, e ebifoyo Israel kendo, man ebikethogi i ng’om migi ma dhe: e umondo biribre gire kugi, man gibimoko kum ot pa Yakobo.

Isaya 26:20

Wubin, dhanu para mond i kusika peri, man icik dhugola peri i wii: pond i nindo ma nyagwil, maram ng’ecwiny ukadh ko.

Isaya 40:27

Iwacu nenedi, E Yakobo, man iyero nenedi, E Israel, kumae, Yo para bedo apana ni Yehova, man pokolembe ma ira kadhu woko ku ba Mungu para?

Isaya 45:15

Andha in i Mungu m’ipondo giri, E Mungu mir Israel ma Jalar.

Isaya 47:6

Kwinyo nega kum dhanu para, acido aba para, man amiogi i cingi: kisa negi ngo i kumgi; iketho mberembere peri pek hai wi ju m’uti.

Isaya 48:17

Yehova, Jawarni, Ng’atu Maleng’ mir Israel uwacu kumae: An a Yehova Mungu peri, m’aponji ni kuloka, m’atelo wii kud i yo ma maku iwoth i ie.

Isaya 49:10

Kec kadi rieu de binegogi ngo; kadok lietho kadi ceng’ de bigoyogi ngo: kum ng’atu ma kisa nege i kumgi bitelo wigi, ebitelo wigi cil ba kulo mi pi.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 49:26

Man abimio cam ni ju m’usendi ku ring’gi gigi; e gibimer ku ring’gi gigi, calku pigulok ma lim lim: e weg kum ceke bing’eyo nia an, Yehova, an a Jalarni, man Jawarai, Ng’atu ma Jatego pa Yakobo.

Isaya 54:10

Kum gudi copo ai, man jucopo kabu ungulu gudi; ento mer mi bero para biai kud i beng’i ngo, kadok lembariba para mi kwiocwiny de jubikabu ngo, Yehova ma kisa nege i kumi wacu.

Isaya 54:5

Kum Jacwic peri en e nico peri; nyinge Yehova mir udul: man Ng’atu Maleng’ mir Israel en e Jawarni; jubilwong’e Mungu mi ng’om ngung’.

Isaya 55:3

Wucik ithwu, man wubin i bang’a; wuwinji, e ng’eyong’ec mu bibedo kwo: man abitimo lembariba mi nja kudu, en e kisa mandha pa Daudi.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Isaya 60:10

Man juwirok bigomo gang’kidi peri, man ju m’ubimo migi bitimo iri: kum agoi i kwinyo para, ento kisa nega i kumi i bero para.

Isaya 63:7

Abiweco pi mer mi bero pa Yehova ku pak pa Yehova, calku gin ceke ma Yehova mio iwa, man bero ma dit yo ba ot mir Israel, m’emio igi calku kisa pare, man calkud udul mer mi bero pare.

Isaya 64:7

E ng’atu moko mbe m’ulwong’o nyingi, m’uting’o cwinye kara emeki; kum ipanu weng’i iwa, man idaruwa ni kum kier mwa.

Isaya 8:17

E abikuro Yehova, m’upanu wang’e ni ot pa Yakobo, e abikie.

Yeremia 31:3

Yehova wok i bang’a con, ewacu kumae, Eyo, ameri ku mer mi nja: ka kumeno apei ku mer mi bero.

Yeremia 33:26

e abibayu kodhi Yakobo, man pa Daudi ma jatic para bende, ketho nia abigamu kodhine ngo ubed ni ubimo wi kodhi Ibrahim, kud Isak, man Yakobo: kum abiketho ng’eca migi dwogo, man kisa binega i kumgi.

Yeremia 51:5

Kum Israel uwekre ngo, kadi Yuda, ni Mungu pare, ni Yehova mir udul; kadok ng’om migi pong’ ku dubo kum Ng’atu Maleng’ mir Israel.

Ezekiel 39:29

kadi abipanu wang’a kendo ngo igi; kum akonjo Tipo para wi ot mir Israel, Rwoth Yehova wacu.

Habakuk 3:2

E Yehova, awinjo rwongi, man lworo nega: E Yehova, yep tic peri i die rundi; I die rundi keth eng’eire: I kwinyo poi kum kisa.

Zekaria 1:15

Man adhunjo dit ni thek ma gibedo abeda kum naka adhunjo nyanok, man ginyayu masendi.

Zekaria 1:16

Ka kumeno Yehova wacu kumae: Adwogo Yerusalem ku kisa; ot para bigombre i ie, Yehova mir udul uwacu, man jubitelo thol wi Yerusalem.

Zekaria 10:6

E abimio tego ni ot mi Yuda, man abibodho ot pa Yusuf, e abidwokogi; kum kisa nega i kumgi; man gibibedo calu abayugi ngo: kum an a Yehova Mungu migi, man abiwinjogi.

2 Jutesaloniki 2:16

Nie Rwoth mwa ma Yesu Kristu en, man Mungu ma Wegwa m’emaruwa m’emio iwa juk mi nja ku genogen ma ber ni kum bero,

1 Timoteo 1:16

endre kum lembe maeni anwang’u kisa, kara Yesu Kristu nyuth mwonyolembe pare ceke m’emwonyo hai i kuma, ma an a jaditne, ni lembapora ni ju ma bidong’ yie cen, cil i kwo ma rondo ku rondo.