Isaya 54:7 - The Holy Bible In Alur (Lur) Revised Orthography

⁷ Kum aweki mi nindo ma nyanok; ento abicoki ku kisa ma dit.

Isaya 54:7 ပူးပေါင်းရင်းမြစ်များ

Zaburi 106:47

Bodhwa, E Yehova Mungu mwa, Man icokwa kud i kind thek, Kara wafoi nyingi ma leng’, Man kara wasag kum pak peri.

Zaburi 107:3

Man m’ecoko kud i ng’om, Ku yo nyangu man ku yo reto, Ku yor ariwa ma malu man ku yor ariwa ma piny.

Zaburi 30:5

Kum ng’ecwiny pare en e mi nindo ma nyanok; Kwo ni i bero pare: Ywak copo bedo ku diewor, Ento anyong’a bino kugweno.

Zaburi 30:6

An, awacu kinde ma lembe bedo miero ira kumae, Cwinya biringo ki ngo.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 11:12

Man ebiting’o abera ni thek, e ebicoko ju ma juriemo mir Israel, man ebicoko ju ma julalugi mi Yuda kud i tung’ ng’om ang’wen.

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 14:1

Kum kisa binego Yehova kum i Yakobo, e ebifoyo Israel kendo, man ebikethogi i ng’om migi ma dhe: e umondo biribre gire kugi, man gibimoko kum ot pa Yakobo.

Isaya 26:20

Wubin, dhanu para mond i kusika peri, man icik dhugola peri i wii: pond i nindo ma nyagwil, maram ng’ecwiny ukadh ko.

Isaya 27:12

Man ebitimbre i ceng’ maeca, nia Yehova biteng’o nyinge ugambre i cori mi Kulo, cil kum kulo mi Misiri; e jubicokowu acel acel, E wu nyithindho mir Israel.

Isaya 27:8

I mukero, kinde m’iorogi cen, wupiemo wukugi; ekabugi ku yamu pare ma tek i ceng’ mi yamu ma yo nyangu.

Isaya 40:11

Ebikwayu udul rombe pare calu jakwac, ebicoko nyithi rombe i bote, man ebiting’ogi i kore, man ebipeyo ju ma nyithindhgi nuti yo.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 49:18

Ting’ weng’i gbur, man inen: maeni ceke cokri gigi karacelo, man gibino i beng’i. Calu abedo kwo, Yehova wacu, ibironjri andha kugi ceke calu ku jambruko, man ibitwiri kugi, calu mugole.

Isaya 49:21

Ibilund wacu i adundeni kumae, Ng’a in’unyolo ira maeni, kum nyithindho para tho, man abedo a kenda, ng’atu ma judaku, m’abegondra kun ku kuni? man ng’a m’utungo maeni? Nen juweka a kenda; maeni, naka gini kani?

Isaya 50:1

Yehova wacu kumae, Waraga mi riem pa meru ni kani, m’arieme kudo? kadi ang’iewowuba jami banja para ma kani? Nen, jung’iewowu kum kier mu, man juriemo meru kum gondri mu.

Isaya 56:8

Rwoth Yehova, m’ucoko ju ma jubayu mir Israel, uwacu kumae, Fodi abicoko jumange i bang’e, medo jupare ma dhe ma jucoko.

Isaya 60:10

Man juwirok bigomo gang’kidi peri, man ju m’ubimo migi bitimo iri: kum agoi i kwinyo para, ento kisa nega i kumi i bero para.

Isaya 60:4

Ting’ weng’i gbur, man inen: kagi ceke gicokri karacelo, gibino i beng’i; woti biai ku bor, man jubiyeyo nyigi ku bot.

Isaya 62:4

Jubilwong’i Udhuru kendo ngo; kadok ng’om peri de jubilwong’o Uvuru kendo ngo: ento jubilwong’i Hefziba, man ng’om peri Beyula; kum anyong’a nego Yehova i kumi, man ng’om peri bigambre.

Isaya 63:7

Abiweco pi mer mi bero pa Yehova ku pak pa Yehova, calku gin ceke ma Yehova mio iwa, man bero ma dit yo ba ot mir Israel, m’emio igi calku kisa pare, man calkud udul mer mi bero pare.

Isaya 66:18

Kum ang’eyo tic migi ku pidoic migi: nindo bino, m’abicoko ie thek ceke ku leb ceke; e gibibino, man gibineno dwong’ para.

Yeremia 51:5

Kum Israel uwekre ngo, kadi Yuda, ni Mungu pare, ni Yehova mir udul; kadok ng’om migi pong’ ku dubo kum Ng’atu Maleng’ mir Israel.

Ywak 3:31

Kum Rwoth bibayu mi nja ngo.

Ywak 3:32

Kadok ekelo can, ento ngisi binege calkud udul mer mi bero pare.

Ezekiel 36:24

Kum abikabuwu kud i kind thek, man abicokowu kud i ng’om ceke, man abikelowu i ng’om mu ma dhe.

Mika 4:6

I ceng’ maeca, Yehova wacu, abicoko m’abala ni i kume, man abicoko ju ma juriemogi, ku ju m’asendo;

Matayo 23:37

E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo!

2 Jukorinto 4:17

Kum can mwa ma yot, ma nyagwil, etimo iwa ter mi dwong’ ma nja ku nja ma sagu dit apila;

Juefeso 1:10

kara i nindo mi pong’ mi rundi, ecok kwai giki ceke i Kristu, giki m’i polo, ku giki ma wi ng’om bende; i ie, awacu,

Poi Mi Cik 30:3

nia Yehova Mungu peri bilund loko ng’eca peri, man ngisi binege i kumi, man ebidwogo ebicoki ku ba kodhidhanu ceke, ka ma Yehova Mungu peri leli i ie.

Yakobo 4:6

Ento emedo bero mange. Kum kumeno lembagora pa Mungu wacu kumae, Mungu gut kum jukuhaya, ento emio bero ni ju ma mol.

2 Petro 3:8

Ento, jumer, wiwu kud uwil kum lembe acel maeni, nia ku ba Rwoth ceng’ acel calu rundi rubanga, man rundi rubanga calu ceng’ acel.