Isaya 54:4 - The Holy Bible In Alur (Lur) Revised Orthography

⁴ Lworo kud unegi; kum lewic binegi ngo: kadok cwinyi de kud ung’abre; kum jubinyayu lewic i wii ngo: kum wii biwil kum lewic mir aradu peri; man ibipoi kendo ngo pi cac mi bedo mbe co peri.

Isaya 54:4 ပူးပေါင်းရင်းမြစ်များ

Kitabu Pa Yob 11:16

Kum wii biwil kum ndiba peri; Ibipoi pire calu pi m’umol.

Isaya 25:8

Emwonyo tho mi nja; e Rwoth Yehova biyweyo piwang’ kud i wang’ ceke; man ebikabu cac mi dhanu pare woko kud i ng’om ngung’: kum Yehova yero maeni.

Isaya 29:22

Ka kumeno Yehova wacu kumae, m’uwaru Ibrahim, pi ot pa Yakobo: Kawono lewic binego Yakobo ngo, kadok wang’e de bilokre kawono ngo.

Isaya 4:1

Man mon abiro gibimaku nico acel i ceng’ maeca, gibiwacu kumae, Wabicamu kwen mwa giwa, man wabikendo kendi mwa giwa: ndhu wek julwong’wa ku nyingi; kab lewic mwa cen.

Isaya 41:10

lworo kud unegi, kum wanuti wakudi; cwinyi kud ung’abre, kum an a Mungu peri; abimio iri tego; eyo, abikonyi; eyo, abijengi ku cing’ ma yor acwic mi bedopwe para.

Isaya 41:14

Lworo kud unegwu, in i ukoko ma Yakobo, man wun wu dhanu mir Israel; abikonyi, Yehova wacu, man Jawarni en e Ng’atu Maleng’ mir Israel.

Isaya 50:7

Kum Rwoth Yehova bikonya; ka kumeno cwinya ng’abre ngo: ka kumeno aketho wang’a calu kidi ma tek, e ang’eyo nia jubinyayu lewic i wia ngo.

Isaya 51:7

Wuwinja, wun ma wung’eyo bedopwe, wu dhanu ma cik para ni i adundewu; kud wulwor cac mi dhanu, kadi cwinywu kud ung’abre kum cac migi.

Isaya 54:14

Jubiketho icungo i bedopwe: ibibedo bor ku masendi, kum lworo binegi ngo; man ni ndiri, kum ebibino ceng’ni i vuti ngo.

Isaya 61:7

Wubibedo ku piny wang’ ario ka lewic mu; man anyong’a binegogi ni kum makapiny migi ka cac: ka kumeno gibibedo ku piny wang’ ario i ng’om migi; mutoro mi nja bibedo igi.

Isaya 65:16

ketho nia ng’atu m’umio mugisa ire gire i ng’om bimio mugisa ire gire ni kum Mungu mi lemandha; man ng’atu m’ukwong’o kwong’ i ng’om bikwong’o kwong’ ni kum Mungu mi lemandha; kum wijo wil kum can ma kwong’a, man kum gibedo apana ni wang’a.

Yeremia 31:19

Andha yo ng’ei lok ma juloka ko, aloko cwinya; man yo ng’ei ponji ma juponja ko, agoyo bamba; lewic unega, eyo, cwinya ng’abre, kum ayeyo cac mir aradu para.

Ywak 1:1

E adhura bedo kende, ma naka pong’ ku dhanu mire! Edoko calu dhaku ma cware tho, ma naka bedo dwong’ i kind thek mire! En ma naka e nyar ubimo i kind ng’etker edoko jami ajok mire!

Ezekiel 16:22

Man i ginmajudagu peri ceke kud asara peri ipoi kum nindo mir aradu peri ngo, kinde m’ibedo muneru man mananu, man m’ibesendri i rimo peri.

Ezekiel 16:43

Kum ipoi ungo kum nindo mir aradu peri, ento ikethri i kuma kum gin maeni ceke; ka kumeno, nen, an bende abikelo yo peri i wii, Rwoth Yehova wacu: man ibitimo lem ma rac maeni ku ginmajudagu peri ceke ngo.

Ezekiel 36:15

kadi abiweko iwinj lewic mi thek kendo ngo, kadi ibiyeyo cac mi kodhidhanu kendo ngo, kadi ibiketho thek peri kier kendo ngo, Rwoth Yehova wacu.

Yoel 2:21

Lworo kud unegi, E ng’om, anyong’a negi man ibed ku mutoro; kum Yehova timo gin ma dit.

Zefania 3:11

I ceng’ maeca jubiketho lewic i wii ngo kum tic peri ceke m’idubo ie ira; kum i nindo maeca abikabu dhanu peri m’uyungre kud i kindi, man ibibedo jakuhaya kendo ngo i got para ma leng’.

Zekaria 10:6

E abimio tego ni ot mi Yuda, man abibodho ot pa Yusuf, e abidwokogi; kum kisa nega i kumgi; man gibibedo calu abayugi ngo: kum an a Yehova Mungu migi, man abiwinjogi.

1 Petro 2:6

Kum maeni ni i lembagora pa Mungu kumae, Nen, aketho i Sayuni kidi ma dit ma wi gui, ma jugoyo wie, ma pire tek: E ng’atu m’uyio ire jubiketho lewic nege ngo.