Isaya 54:3 - The Holy Bible In Alur (Lur) Revised Orthography

³ Kum ibimoiri mba yo ku cing’ ma yor acwic man ma yor acam; man kodhini bimwonyo thek, man gibiketho adhura m’uvuru bedo ku dhanu.

Isaya 54:3 ပူးပေါင်းရင်းမြစ်များ

Thangambere 26:22

Man eai ku keca, e etong’o kulo m’atong’a mange; e gipiemo ngo pi maeca: man elwong’o nyinge Rehoboth; man ewacu kumae, Kum kawono Yehova timo kabedo iwa, e wabicego nyingwa i ng’om.

Thangambere 28:14

man kodhini bibedo calu utur m’i ng’om, e ibimoiri foo yo reto, man yo nyangu, yor ariwa ma malu de, man yor ariwa ma piny: man wat ceke m’i ng’om binwang’u mugisa ni kumi ni kum kodhini de.

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

Isaya 14:1

Kum kisa binego Yehova kum i Yakobo, e ebifoyo Israel kendo, man ebikethogi i ng’om migi ma dhe: e umondo biribre gire kugi, man gibimoko kum ot pa Yakobo.

Isaya 14:2

E kodhidhanu biting’ogi man gibidwokogi i kakagi; e ot mir Israel bibedo kugi i ng’om pa Yehova ni jutic man ni bong’: man gibidwokogi ni ng’eca ma naka gin e ma gi ng’eca migi; man gibibimo wi jusend migi.

Isaya 26:15

Imedo thek, E Yehova, imedo thek; juyungi; imedo kieu ceke m’i ng’om.

Isaya 45:14

Yehova wacu kumae, Tic mi muli mi Misiri, man kuloka mir Ethiopia, ku dhanu mi Seba, dhanu ma boco, gibikadhu i beng’i, e gibibedo peri: gibilubo ng’ei; gibibino atwia ku nyoro; man gibipodho piny i beng’i, gibikwayu kwac i beng’i, gibiwacu kumae, Andha Mungu ni kudi; man ng’atu moko mbe, Mungu moko mbe.

Isaya 48:19

kuno di kodhini de bedo calu kwio, nyikwei m’i ii bedo calu nying’ kwione: kuno di nyinge kabre woko ngo kadi unyothre de i wang’a.

Isaya 49:12

Nen, maeni biai ku bor; man, nen, maeni biai yor ariwa ma malu ku yo reto; man maeni biai kud i ng’om Sinim.

Isaya 49:8

Yehova wacu kumae, I nindo m’uyire aloko iri lembe, man i ceng’ mi both akonyi; man abigwoki, man abimii ni lembariba ni dhanu, kara iting’ ng’om malu, kara iketh gimak aba m’udong’ ni uvuru;

Isaya 52:9

Wumoj wer mi mutoro, wuwer karacelo, wu kar uvuru mi Yerusalem; kum Yehova juko dhanu pare, ewaru Yerusalem.

Isaya 53:10

Ento ebedo ber ni Yehova ya enyai rem i kume; enyayu can i kume: kinde m’ibidwoko ng’eyong’ec pare ni lam mi dubo, ebineno kodhi pare, ebimedo nindo pare, man gin ma nyayu mutoro i Yehova bibedo miero i cinge.

Isaya 55:5

Nen, ibilwong’o thek m’ing’eyo ngo; man thek m’ung’ei ngo biringo i beng’i, ni kum Yehova Mungu peri, man ni kum Ng’atu Maleng’ mir Israel; kum eyungi.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Jurumi 10:18

Ento awacu kumae, Giwinjo ngo? Eyo, andha, Dwandgi meny i ng’om ceke, Lembe migi de tundo cil i kajik mi ng’om.

Jurumi 11:12

Nie tek podho migi en e lonyo mi ng’om, man ruvwa migi de lonyo ni Thekdhanumange; pong’ migi sagu dit ungo?

Jukolosai 1:23

tek ebedo kumeno ya wubed i yioyic, ma ulegwu nyang’ ucungo tek de, ma wukucoro cen ungo kum genogen mi lembanyong’a ma juboth ko ma wuwinjo, ma juyero i giracwia pa Mungu ceke the polo; ma an a Paolo judwpka ni jatije.