Isaya 54:1 - The Holy Bible In Alur (Lur) Revised Orthography

¹ Wer, E mugumba, in m’inyol ungo; moc ku wer, man ikok ma tek, in m’isendri ngo ku nyodo: kum nyithindho pa ng’atu ma kende gi dupa ma sagu nyithindho pa dhaku ma jugamu, Yehova wacu.

Isaya 54:1 ပူးပေါင်းရင်းမြစ်များ

Thangambere 21:6

Man Sara wacu kumae, Mungu ketho ang’iero; dhanu ceke kubang’gi kubang’gi m’uwinjo wabing’iero wakugi.

Zaburi 113:9

Eketho dhaku ma jamugumba ni jagwokot, Man ni meg nyithindho ma anyong’a nege. Wupak Yehova.

Wer Pa Suleman 8:8

Wabedo ku nyamegwa ma nok, Man thunone mbe: Wabitimo ang’o pi nyamegwa I nindo ma jubilwong’e i ie?

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 24:14

Joni biting’o dwandgi malu, gibikok; kum dwong’ pa Yehova gikok ma tek kud i nam.

Isaya 44:23

Wuwer, E polo, kum Yehova timo maeni; wukoki, wu ng’et ng’om ma yo piny; wu moj wer, wu gudi, E luli, man yen kubang’e kubang’e ma ni i ie: kum Yehova waru Yakobo, man ebinwang’u dwong’ ire gire ni kum Israel.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 49:19

Kum, pi kar uvuru peti man pi ka ma lic peri, ku ng’om peri ma junyotho, andha kawono ibibedo dirty hai ni ju m’ubedo ii, e ju m’umwonyi gibibedo bor.

Isaya 49:20

Nyithindho m’ibibedo ko, yo ng’ei iuwagi m’utho, gibiwacu kendo i ithi kumae, Kakeni diny hai ira; mi ira kaka kara abedi.

Isaya 62:4

Jubilwong’i Udhuru kendo ngo; kadok ng’om peri de jubilwong’o Uvuru kendo ngo: ento jubilwong’i Hefziba, man ng’om peri Beyula; kum anyong’a nego Yehova i kumi, man ng’om peri bigambre.

Isaya 66:7

Ma fok’esendre ngo, enyol; ma fodi remokum pare kuwok ungo, enyolo nyathin ma nico.

Zefania 3:14

Wer, E nya Sayuni; kok, E Israel; anyong’a negi man ifoi kud adunde ceke, E nya Yerusalem.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Jugalatia 4:27

Kum egore kumae, Anyong’a negi, in i jamugumba m’inyol ungo; Goi dhogi man ikok akoka, in m’isendri ngo ku nyolo nyodo: Kum nyithindho pa ng’atu m’ubedo kende sagu pa ng’atu ma ju cware.

1 Samwil 2:5

Man ju ma naka giyeng’ gimondo gigi i tic kara ginwang’ cemo; Man ju ma naka kec unegogi enegogi kendo ngo: Eyo, mugumba nyol abiro; Man ng’atu ma nyithindhe dupa jujwigo tego pare.