Isaya 53:5 - The Holy Bible In Alur (Lur) Revised Orthography

⁵ Ento jutong’o lero i kume pi gondri mwa, junyayu rem i kume kum kier mwa; ponji mi kwiocwiny mwa ni i wie; man wacangu ni kum goc pare.

Isaya 53:5 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

Kitabu Pa Yob 33:24

Mungu lund ubedo ku bero ire, man ewacu kumae, Bodhe kud elor piny i vur, Anwang’u war.

Zaburi 30:2

E Yehova Mungu para, Aywak i beng’i, man icanga.

Lembrieko 20:30

Goc mi lero lwoko dubo; Man goc tundo yor i ic.

Isaya 40:2

Wuyer lemjuk ni Yerusalem; wulwong’ i bang’e, nia ali pare thum, nia juweko kier pare, nia ejolo pi dubo pare wang’ ario kud i cing’ Yehova.

Isaya 57:18

Aneno yo pare, man abicange: abitelo wie bende, man abidwoko jamjuk ire man ni juywak pare.

Isaya 6:7

man emulo ko dhoga, e ewacu kumae, Nen, maeni mulo dendhogi; e kier peri kabre woko, man juweko dubo peri.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Matayo 20:28

cil calu Wod dhanu bino ya jutim ire ngo, ento kara etim, emi kwo pare de ni gony mi dhanu dupa.

Jurumi 4:25

ma juwodhe pi kier mwa, man juting’e pi gony mi lembe m’i wiwa.

1 Jukorinto 15:3

Kum alar amio iwu maeca ma an bende ajolo: ya Kristu tho kum dubo mwa calku lembagora pa Mungu:

2 Jukorinto 5:21

En m’eng’eyo dubo tak de ngo edwoke ni dubo piwa; kara wadok ni bedopwe pa Mungu ni kume.

Juefeso 5:2

man wuwoth i mer, cil calu Kristu bende maruwa, man emire gire piwa, ni giramia ku lam de ni Mungu ni ng’wic gin ma ng’wi ng’ar.

Poi Mi Cik 11:2

Man wung’ei tin: kum aweco ngo ku nyithindho mu m’ung’eyo ngo, man m’uneno ponji pa Yehova Mungu mu ngo, ku dwong’ pare, man cinge ma tek, ku bote m’arieya,

Juebrania 10:10

Ni kum yeny maeni m’eyenyo judwokowa leng’ ni kum wodh m’ewodho ko kum Yesu Kristu wang’ acel pii.

Juebrania 10:14

Kum ni kum lam acel edwokogi cu ma ndhu mi nja gi ju ma judwokogi leng’.

Juebrania 5:8

kadok en e Wod, ento egamu ng’eyo woro ni kum gin m’esendre kudo;

Juebrania 9:28

kumeno Kristu bende, ma juwodhe wang’ acel pii eyei dubo mi dhanu dupa, ebiwok wang’ arionde, nge ku dubo, ni ju m’ukure, ni both.

1 Petro 3:18

Kum Kristu bende sendre kum dubo wang’ acel pii, won bedopwe pi weg gondri, kara ekelwa ba Mungu; ma junege i kum, ento judwoke kwo i tipo;