Isaya 53:2 - The Holy Bible In Alur (Lur) Revised Orthography

² Kum edongo i wang’e calu girapidha ma ng’ic, man calu ulag piny kud i ng’om m’uthwo: kite kadi berone de mbe; man kinde ma wanene, bero moko mbe ma nia wayenye.

Isaya 53:2 ပူးပေါင်းရင်းမြစ်များ

Isaya 11:1

Man giralotha biloth ku kum dund Yese, man jange m’uai i ulage bicego nyinge.

Isaya 4:2

I ceng’ maeca jang Yehova bibedo leng’ man mi dwong’, man nying’ ng’om bibedo ber hai man mi bero ni ju ma giboth mir Israel.

Isaya 52:14

Calu i dhanu dupa wang’ lii i kumi (junyotho wang’e ma sagu dhanu mange ceke, man kite ma sagu wot dhanu),

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Yeremia 23:5

Nen, nindo bino, Yehova wacu, nia abiting’o Jang ma pwe ni Daudi, man ebicamu ker calu ubimo man ebitimo ku rieko, e ebitimo pokolembe ku bedopwe i ng’om.

Zekaria 3:8

Kawono winji, E Yocuwa ma jalam ma dit, in ku juwedu m’ubedo i weng’i; kum gi dhanu ma gibedo ni giranyutha: kum, nen, abiwodho jatic para ma Jang.

Zekaria 6:12

man iwac ire kumae, Yehova mir udul uwacu kumae, Nen, ng’atu ma nyinge Jang: man ebiloth ku i kakare; e ebigomo hekalu pa Yehova;

Marko 6:3

Maeni jabodho mi bau ngo, ma wod Mariamu, umin mire ke Yakobo, ku Yose, man Yuda, ku Simon de? nyimin mire bende gini i bang’wa ngo? E gikier ni kume.

Marko 9:12

Man ewacu igi kumae, Elia lar ubino andha, man edwoko gin ceke: pi Wod dhanu ke jugoro nenedi, nia ebisendre ku gin dupa jubidwoke doko mananu de?

Luka 2:7

Man enyolo wode ma kayu; eboye ku bongu mi mukere, man epiele i ka cemo mi dhiang’, kum kabedo mbe igi i odwelo.

Luka 9:58

Yesu wacu ire kumae, Kaki bedo ku odng’om, winyo m’i kor polo de bedo ku odgi; ento Wod dhanu bedo ku ka m’ejeng ie wie de ngo.

Yohana 18:40

Gilund gikok kendo, giwacu kumae, Ng’atuni ngo, ento Baraba. Nwang’u Barabane en e jayek.

Yohana 19:5

Yesu lund uwok woko, m’ekendo jamkermiwic mir ukudho ku kendi m’uluga. Pilato wacu igi kumae, Wunen ng’atuni!

Jurumi 8:3

Kum gin ma copre ngo ni cik, kum ebedo ng’ic ni kum kum, Mungu, m’eoro Wode ma dhe i ayi kum mi dubo man pi dubo, epoko lembe rac kum dubo i kum:

1 Petro 2:14

kadi ni jubim, calu m’eoro pi culokwor kum judubo man ni pak ni ju m’utimo dre.