Isaya 53:12 - The Holy Bible In Alur (Lur) Revised Orthography

¹² Ka kumeno abipoko ire makapiny karacelo ku ju ma dwong’, man ebipoko ayeki karacelo ku jurukara; kum ekonjo ng’eyong’ec pare ni tho, man jukwane karacelo ku weg gondri: ento eyeyo dubo mi dhanu dupa, man ekwayu kwac pi weg gondri.

Isaya 53:12 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

Kitabu Pa Yob 30:16

Man kawono ng’eyong’ec para konjre woko yor i ia; Nindo mi can umaka.

Zaburi 2:8

Penja, man abimio iri thek ni aba peri, Man ng’et ng’om ma wi tung’ ni piny peri.

Zaburi 22:14

Jukonja calu pi, Cogo para ceke lokre ku i ujonje: Adundena calu udok; Eleny yor i ia.

Ai 15:9

Jadegi wacu kumae, Abiriemo, abirubo, abipoko ayeki; Yeny ma ia yenyo biromo i kumgi: Abidhuyo palamularu para, cinga binyothogi.

Isaya 49:4

Ento awacu kumae, Amula ku tic mananu, alalu tego para pi gin moko ngo ku gin ma ie nanu; ento pokolembe m’umaka ni ku Yehova andha, man sukulia para ni ku Mungu para.

Isaya 52:13

Nen, jatic para bitimo ku rieko, jubidode man jubiting’e malu, man ebibedo malu hai.

Isaya 52:15

e ebipoyo thek dupa kumeca; ju m’ubimo bimio dhoggi i kume: kum gibineno gin ma fodi jukuyero igi ngo: man gin ma giwinjo ngo gibing’eyo.

Isaya 53:6

Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.

Isaya 53:8

Jukabe cen ni kum masendi ku pokolembe; man pi dhanum’utuk pare, ng’a m’i kindgi m’uparu nia jukabe woko kud i ng’om mi ju ma kwo pi gondri mi dhanu para ma maku goc upodh i kumgi?

Daniel 2:45

Kum calu ineno ya kidi tongre kud i got ma ku cing’ ungo, man nia eturo nyunyu nziki nziki, man mola, kud ulobo, ku mola ma tar, man mola ma kwar; Mungu ma dwong’ uketho ubimo ng’ei gin ma bitimbre ma cen: man lekne en e andha, man tuco there de andha.

Matayo 26:42

Ecidho cen kendo mir arionde, erwo de, ewacu kumae, Vwa tek maeni copo kadhu woko ngo, tek amadhe ngo, dong’ etimbre kacwinyi.

Marko 15:27

Man jugure karacelo ku weg ayeki ario; acel i cinge ma yor acwic, acel ke yor acam.

Marko 15:28

Man lembagora pa Mungu timbre kakare, m’uwacu kumae, Man jukwane karacelo ku judubo.

Luka 22:37

Kum awacu iwu, nia maeni m’ugore bikotimbre kakare i kuma be kumae, E jukwane ku judubo: kum maeno ma pira timbre kakare.

Luka 23:25

Man egonyo ng’atu ma jubole i odkol kum athube ku nek, en e ng’atu ma gikwaye; ento Yesu emie ni yeny migi.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Jurumi 8:34

ng’a ma poko lembe raci? en e Kristu Yesu m’utho, eyo ma sagu, ma juting’e ku kind ju m’utho, m’eni yo ku cing’ Mungu ma yor acwic, m’ekwayu bende piwa.

2 Jukorinto 5:21

En m’eng’eyo dubo tak de ngo edwoke ni dubo piwa; kara wadok ni bedopwe pa Mungu ni kume.

Jufilipi 2:17

Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke:

Jukolosai 2:15

nwang’u enyotho ker ku tego de, eketho gibedo giranena ma ngbeng’, m’eloyogi ma gwei i ie.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 12:2

ma wabeneno ko ba Yesu ma en e jathek ku jadar mi yioyic mwa, ma pi mutoro ma juketho i wang’e eciro yen m’athara, m’ecayu ko lewicne acaya man ejany yo ku cing’ ma yor acwic mi komker pa Mungu.

Juebrania 7:25

Kum kumeno bende ecopo bodho ju ma gicoro ceng’ni Mungu ndhu ma gwei ni kume, kum ebedo mi nja kara ekwai pigi.

Juebrania 9:24

Kum Kristu kumondo i kamaleng’ ma jutimo ku cing’ ungo, ma calu ayi mi mandha; endre i polo gire, kara ewok kawono i wang’ Mungu piwa:

Juebrania 9:26

tek ebedo kumeni ngo kuno di esendre wang’ udul m’ugambre i thek ma ng’om uthekre ko: ento kawono enyuthre wang’ acel pii i kajik rundi m’eketho ko dubo cen ni kum lam ma en gire.

Juebrania 9:28

kumeno Kristu bende, ma juwodhe wang’ acel pii eyei dubo mi dhanu dupa, ebiwok wang’ arionde, nge ku dubo, ni ju m’ukure, ni both.

1 Yohana 2:1

Nyithindho para ma thindho, agoro iwu lembe maeni kara kud wudubi. Man tek ng’atu moko dubo, wabedo ku Jakwai ba Wego, Yesu Kristu ma won bedopwe:

1 Yohana 2:12

Agoro iwu, nyithindho para ma thindho, kum dubo mu wekre iwu kum nyinge.