Isaya 53:10 - The Holy Bible In Alur (Lur) Revised Orthography

¹⁰ Ento ebedo ber ni Yehova ya enyai rem i kume; enyayu can i kume: kinde m’ibidwoko ng’eyong’ec pare ni lam mi dubo, ebineno kodhi pare, ebimedo nindo pare, man gin ma nyayu mutoro i Yehova bibedo miero i cinge.

Isaya 53:10 ပူးပေါင်းရင်းမြစ်များ

Zaburi 110:3

Dhanu peri gimiri gigi ku berocwiny I ceng’ mi tego peri, ku bero mi leng’; Kud i ic mi kugweno Ibedo ku thoi mir aradu peri.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Zaburi 149:4

Kum anyong’a nego Yehova kum dhanu pare: Ebiruko ju ma mol ku both.

Zaburi 21:4

Epenjo kwo i beng’i, imie ire, En e ceng’ dupa ma rondo ku rondo.

Zaburi 22:30

Kodhidhanu bitimo ire; Jubikwane ni rwoth ni dhanum’utuk pare.

Zaburi 22:31

Gibibino ma gibiyero pi bedopwe pare Ni dhanu ma jubinyolo, nia etime.

Zaburi 69:26

Kum gisendo ng’atu m’igoye; Man giyero pi remokum mi ju m’itong’o lero i kumgi.

Zaburi 72:17

Nyinge bibedo mi nja; Nyinge bibedo cil ma ceng’ nuti: Man dhanu binwang’u mugisa ni kume; Thek ceke bilwong’e jamutoro.

Zaburi 72:7

Lembe bibedo miero ni ng’atu ma pwe i nindo pare, Man kwiocwiny ma dit, cil ma dwi bithum ko.

Zaburi 89:29

Kodhi pare bende abiketho bedo mi nja, Man komker pare calu ceng’ m i polo.

Zaburi 89:36

Kodhine bibedo mi nja, Man komker pare calu ceng’ i wang’a.

Isaya 42:1

Nen, jatic para, m’ajengo; ng’atu m’afoya para, ma anyong’a nego cwinya i kume: aketho Tipo para i wie; ebikelo pokolembe ba Thekdhanumange.

Isaya 46:10

m’ubeyero kajik ugambre i thekri, man ugambre i nindo ma con gin ma fod’utimbre ngo; m’awacu kumae, Lembapora para bicungo, man abitimo gin m’amaru ceke;

Isaya 49:4

Ento awacu kumae, Amula ku tic mananu, alalu tego para pi gin moko ngo ku gin ma ie nanu; ento pokolembe m’umaka ni ku Yehova andha, man sukulia para ni ku Mungu para.

Isaya 53:12

Ka kumeno abipoko ire makapiny karacelo ku ju ma dwong’, man ebipoko ayeki karacelo ku jurukara; kum ekonjo ng’eyong’ec pare ni tho, man jukwane karacelo ku weg gondri: ento eyeyo dubo mi dhanu dupa, man ekwayu kwac pi weg gondri.

Isaya 54:3

Kum ibimoiri mba yo ku cing’ ma yor acwic man ma yor acam; man kodhini bimwonyo thek, man gibiketho adhura m’uvuru bedo ku dhanu.

Isaya 61:9

Man jubing’eyo kodhigi i kind thek, man nyikwaigi i kind kodhidhanu: dhanu ceke m’unenogi bing’eyogi, nia gi kodhi ma Yehova mio mugisa igi.

Isaya 66:22

Kum calu polo ma nyen ku ng’om ma nyen, m’abicwio, bidong’ i wang’a, Yehova wacu, e kodhiwu man nyingwu bidong’ kumeca.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 32:41

Eyo, anyong’a binega i kumgi ya atimgi ber, e abipidhogi i ng’om maeni kud adundena ceke man ku ng’eyong’ec para ceke.

Ezekiel 33:11

Wac igi kumae, Calu abedo kwo, Rwoth Yehova wacu, anyong’a nega ngo kum tho pa jadubo; ento ya jadubo lokre kud i yo pare man ebed kwo: wulokru, wulokru kud i yo mu ma rac; kum wubitho nedi, E ot mir Israeli?

Ezekiel 37:25

Man gibibedo i ng’om m’amio ni Yakobo ma jatic para, ka ma kwaruwu bedo i ie; e gibibedo i ie, gin, ku nyithindho migi, man nyithindho mi nyithindho migi, mi nja: man Daudi ma jatic para bibedo jaditmawijo migi mi nja.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Zefania 3:17

Yehova Mungu peri ni i kindi, ng’atu ma tek ma bibodho; anyong’a binege i kumi ku mutoro; ebiyom i mer pare; anyong’a binege i kumi ku wer.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Kitabu Mir Ang’wende Pa Musa Wel 7:15

thwon dhiang’ acel ma ful ful man nyog rombo acel, ku nyathi nyog rombo ma rundine acel, ni lam m’awang’a;

Matayo 17:5

Kinde m’ebeweco, nen, afuru m’urieny uketho tipo i wigi: man nen, dwal uwacu ku i afuru kumae, Meni Woda ma jamerna, ma anyong’a nega i kume; wuwinje.

Matayo 3:17

man nen, dwal uai i polo, uwacu kumae, Meni Woda ma jamerna, ma mutoro nega i kume.

Luka 1:33

Man ebicamu ker wi ot pa Yakobo mi nja; kajik mi ker pare de bibedo umbe.

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 12:24

Andhandha, ayero iwu, Tek nying’ nganu kupodho i ng’om ungo etho de ngo, ebedo e kende; ento tek etho, ecego nyinge dupa.

Yohana 13:32

man Mungu bidwoke dwong’ i ie gire, e ebidoko dwong’ de pio.

Jurumi 6:9

ma wang’eyo ko nia Kristu m’ucer ku kind ju m’utho etho kendo ngo; tho umbe ku kero kendo i wie.

Jurumi 8:32

Ng’atu ma kukwero ngo nimio Wode ma dhe, ento ewodhe piwa ceke, ebimio iwa gin ceke k’abamba bende karacelo kude ngo nedi?

Jurumi 8:8

man ju ma gini i kum gicopo nyayu mutoro i Mungu ngo.

2 Jukorinto 5:21

En m’eng’eyo dubo tak de ngo edwoke ni dubo piwa; kara wadok ni bedopwe pa Mungu ni kume.

Jugalatia 3:13

Kristu waruwa kud i kwong’ mi cik, en e m’edong’ ecopo dhu kwong’ kakawa; kum egore kumae, Kwong’ ni i wi dhanu kubang’gi kubang’gi ma julierogikoryen:

Juefeso 1:5

nwang’u elar eketho wa ni dwok ma judwoko kowa ni wote ire gire ni kum Yesu Kristu, calku mutoro mi yeny ma ie yenyo,

Juefeso 1:9

m’eketho wang’eyo giramung’a mi yeny m’eyenyo, calku mutoro ma ie wacu nik ebitimo i ie

Juefeso 5:2

man wuwoth i mer, cil calu Kristu bende maruwa, man emire gire piwa, ni giramia ku lam de ni Mungu ni ng’wic gin ma ng’wi ng’ar.

2 Jutesaloniki 1:11

Kum lembe nini wan bende warwo iwu thiri thiri, kara Mungu mwa kwan ya wuromo ku lwong’o mu, man eketh yeny ceke mi berocwiny, ku tic ceke mi yioyic de utimbre kakare, ku tego:

Juebrania 2:13

Man kendo, Abiketho genogen para i ie. Man kendo, Nen, an ku nyithindho ma Mungu mio ira.

Juebrania 7:27

can wodho lam ma ceng’ ku ceng’ unege ngo, calu julam ma dongo maeno, ma lar mio lam pi dubo pare gire, macen ke pi dubo mi dhanu: kum etimo maeni wang’ acel pii, kan ewodhre gire.

Juebrania 9:14

e rimb Kristu, m’ewodhre gire ma mulima mbe ni Mungu kum Tipo Maleng’ ma nja, bilwoko pidocwinywu ni tic m’utho kara wutim ni Mungu ma kwo sagu dit apila ngo?

1 Petro 2:24

ma en gire eyeyo dubo mwa i kume wi yen, kara wan, ma watho ni dubo, wabed kwo ni bedopwe; ku goc pare wun wucangu.

Lembanyutha 1:18

man ng’atu ma Kwo; an ma nwang’u atho, man nen, abedo kwo mi rondo ku rondo, man abedo ku kifungula mi tho man mi Hadeya.