Isaya 52:9 - The Holy Bible In Alur (Lur) Revised Orthography

⁹ Wumoj wer mi mutoro, wuwer karacelo, wu kar uvuru mi Yerusalem; kum Yehova juko dhanu pare, ewaru Yerusalem.

Isaya 52:9 ပူးပေါင်းရင်းမြစ်များ

Zaburi 102:22

Kinde ma kodhidhanu cokri karacelo, Man ker, kara gitim ni Yehova.

Zaburi 98:4

Wutim badwal mir anyong’a ni Yehova, wu ng’om ngung’: Wukoki man wuwer ni anyong’a, eyo, wuwer pak.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 14:7

Ng’om ngung’ uyom, man ekwio: gimojo wer.

Isaya 40:1

Wukwi cwiny, wukwi cwiny dhanu para, Mungu mu wacu.

Isaya 43:1

Ento kawono Yehova m’ucwii wacu kumae, E Yakobo, man ng’atu m’ung’ini, E Israel: Lworo kud unegi, kum aweri; alwong’i ku nyingi, in i para.

Isaya 44:22

Araco gondri peri woko, calu afuru ma ndhu, man dubo peri, calu afuru: dwog i bang’a; kum aweri.

Isaya 44:23

Wuwer, E polo, kum Yehova timo maeni; wukoki, wu ng’et ng’om ma yo piny; wu moj wer, wu gudi, E luli, man yen kubang’e kubang’e ma ni i ie: kum Yehova waru Yakobo, man ebinwang’u dwong’ ire gire ni kum Israel.

Isaya 44:26

m’adwoko lembe pa jatic pare tek, m’atimo lembapora mi jukwenda para de; m’awacu pi Yerusalem kumae, Jubibedo i ie; man pir adhura mi Yuda kumae, Jubigomogi, man abiting’o kar udhurune;

Isaya 48:20

Wuai kud i Babeli, wuring Jukaldayo; wuyer maeni ku dwal mi wer, wuwac maeni, wuyere cil kum kajik mi ng’om: wuwac kumae, Yehova waru jatic pare ma Yakobo.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 51:12

An, en c an, an a ng’atu in’ajukowu: in i ng’a, ma lworo nege kum dhanu ma bitho, man kum wod dhanu ma jubidwoko calu lum:

Isaya 51:3

Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 55:12

Kum wubiwok woko ku mutoro, man jubitelo wiwu ku kwiocwiny: gudi kud ungulu gudi bimoc ku wer i weng’wu; e yen ceke m’i thim biteng’o cing’gi.

Isaya 61:4

E gibigomo uvuru ma con, man gibiting’o ka m’unyothre ma kwong’a, man gibiyiko adhura m’umor, ka m’unyothre ni dhanum’utuk dupa.

Isaya 63:9

I masendi migi ceke esendre, man malaika mi wang’e bodhogi: ewarugi ni kum mer pare man kum ngisi pare; man eting’ogi, eyeyogi de i nindo ma con ceke.

Mika 4:10

Bed i remokum, man isendri kara inyol, E nya Sayuni, calu dhaku ma ceng’ni nyol; kum kawono ibicidho woko kud i adhura, man ibibedo i podho, e ibibino cil ba Babeli: jubibodhi kuca; Yehova biweri ku kuca kud i cing’ judegini.

Jugalatia 4:27

Kum egore kumae, Anyong’a negi, in i jamugumba m’inyol ungo; Goi dhogi man ikok akoka, in m’isendri ngo ku nyolo nyodo: Kum nyithindho pa ng’atu m’ubedo kende sagu pa ng’atu ma ju cware.