Isaya 52:8 - The Holy Bible In Alur (Lur) Revised Orthography

⁸ Dwand jukur peri mire! giting’o dwal, giwero wer karacelo; kum gibineno wang’ ku wang’, kinde ma Yehova dwogo i Sayuni.

Isaya 52:8 ပူးပေါင်းရင်းမြစ်များ

Zaburi 102:22

Kinde ma kodhidhanu cokri karacelo, Man ker, kara gitim ni Yehova.

Wer Pa Suleman 3:3

Jukipiny m’uwotho kind adhura ginwang’a; M’awacu igi kumae, Ineno ng’atu ma ia maru?

Wer Pa Suleman 5:7

Jukur m’utieko adhura gbur ginwang’a, Gigoya, gitong’o lero i kuma; Jugwok gang’kidi gimaya ku bongu mi wang’a.

Isaya 24:14

Joni biting’o dwandgi malu, gibikok; kum dwong’ pa Yehova gikok ma tek kud i nam.

Isaya 26:1

I ceng’ maeca jubiwero wer maeni i ng’om mi Yuda: Wabedo kud adhura ma tek; ebiketho both ni gang’kidi ku ot ma tek.

Isaya 27:2

I ceng’ maeca: Podho mir ulok mi pigulok, wuwer i bang’e.

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Isaya 35:10

e ju ma juwaru pa Yehova bidwogo, man gibibino ku wer ba Sayuni; man mutoro mi nja bibedo i wigi: e gibinwang’u mutoro kud anyong’a, e can ku gamucwiny bipiei woko.

Isaya 40:9

E in m’iyero rwonglembe ma ber ni Sayuni, idh malu wi got ma wiu; E in m’iyero rwonglembe ma ber ni Yerusalem, ting’ dwendi malu ku tego; ting’e malu, lworo kud unegi; wac ni adhura mi Yuda kumae, Nen, Mungu mu!

Isaya 48:20

Wuai kud i Babeli, wuring Jukaldayo; wuyer maeni ku dwal mi wer, wuwac maeni, wuyere cil kum kajik mi ng’om: wuwac kumae, Yehova waru jatic pare ma Yakobo.

Isaya 56:10

Jukur pare gin abinga, kagi ceke ng’eyong’ec umbe kugi; kagi ceke gi gwok m’ajuba, gicopo gbuyo ngo; ma gibeleko lek, givuto piny, gimaru nuro.

Isaya 58:1

Kok ma tek, kud ikwer, ting’ dwendi calu agwara, man iyer ni dhanu para pi gondri migi, man ni ot pa Yakobo pi dubo migi.

Isaya 62:6

Aketho jukur wi gang’kidi peri, E Yerusalem; gibibedo ling’ ungo ku dieceng’ kadi ku diewor: wun ma wu weg poi pa Yehova, kud wuyom,

Yeremia 31:12

E gibibino man gibiwero wer i ka m’utingre mi Sayuni, man gibimol ba bero pa Yehova, ba cam, man ba pigulok ma nyasa, man ba mo, man ba nyithindh udul rombe ku mi dhok: e ng’eyong’ec migi bibedo calu podho ma jukwoyo pi i wie; e can binegogi kendo ki ngo.

Yeremia 32:39

man abimio igi adunde acel ku yo acel, kara gilwora mi nja, ni bero igi, man ni nyithindhgi yo ng’eigi:

Yeremia 33:11

dwal mi mutoro ku dwal mir anyong’a biwinjre kendo, man dwand won ambadha ku dwand mugole, dwand ju m’uwacu kumae, Wumi foc ni Yehova mir udul, kum Yehova e ber, kum mer mi bero pare bedo mi nja; man mi ju m’ukelo lam mi foyofoc i ot pa Yehova. Kum abiketho ng’eca m’i ng’ombe dwogo calu ma kwong’a, Yehova wacu.

Yeremia 33:7

Man abiketho ng’eca mi Yuda ku ng’eca mir Israel udwogo, man abigomogi, calu ma kwong’a.

Yeremia 6:17

E aketho jukur i wiwu, m’uwacu kumae, Wuwinj badwand agwara; ento giwacu kumae, Wabiwinjo ngo.

Ezekiel 3:17

Wod dhanu, adwoki ni jakur mi ot mir Israel: ka kumeno winj lembe m’i dhoga, man ipoigi ira.

Ezekiel 33:7

Kum kumeno in, wod dhanu, akethi ni jakur mi ot mir Israel; ka kumeno winj lembe i dhoga, man ipoigi kud i bang’a.

Zefania 3:9

Kum i nindo maeca abiloko dhok ma leng’ ni kodhidhanu, kara gin ceke gilwong’ nying’ Yehova, kara gitim ire ku cwinygi acel.

Zekaria 12:8

I ceng’ maeca Yehova bicungo i kum ju m’ubedo i Yerusalem; man ng’atu m’ubedo ng’ic i kindgi i ceng’ maeca bibedo calu Daudi; man ot pa Daudi bibedo calu Mungu, calu malaika pa Yehova i wang’gi.

Tic Mi Jukwenda 2:1

E ka ceng’ mi Pentekote tundo, kagi ceke gibedo karacelo i ka acel.

Tic Mi Jukwenda 4:32

Man udul mi ju m’uyio adundegi ripo acel ku ng’eyong’ec de: ng’atu acel de mbe m’uwacu ya ng’et kum gin m’ebedo ko ya pare gire; ento giribo gin ceke karacelo.

1 Jukorinto 1:10

Nie abekwayuwu ma tek, umego, ku nying Rwoth mwa Yesu Kristu, ya kewu ceke wuwec lembe ma calacel, man ke pokri kud ubed i kindwu; endre wubed ma wuribru karacelo ku pidoic ma calacel man ku lembapoka ma calacel.

1 Jukorinto 13:12

Kum kawono wabeneno i kieu via via; ento macen wabinendra ku wang’wa: kawono ang’eyo kucel; ento macen abing’eyo cu cil calu an bende jung’eya cu.

Juebrania 13:17

Wuwor ju ma gibimo wiwu, wumond igi de: kum gikuro kum ng’eyong’ec mu calu ju ma biwodho wel; kara gitim maeni ku mutoro, ku can re ngo: kum maeni kuloka ngo iwu.

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

Lembanyutha 19:4

Man judongo pier ario wi ang’wen ku yedi ma kwo ang’wen girum man girwo ni Mungu m’ubedo wi komker, giwacu kumae, Amen; Haleluya.