Isaya 52:1 - The Holy Bible In Alur (Lur) Revised Orthography

¹ Ceu, ceu, rony tegoni, E Sayuni; rony kendi peri ma ber, E Yerusalem: adhura ma leng’; kum ugambre kawono ju ma yaa mbe kugi man m’ucido bimondo ii kendo ngo.

Isaya 52:1 ပူးပေါင်းရင်းမြစ်များ

I Lemkei 16:29

Wumi ni Yehova dwong’ m’uromo ku nyinge: Wukel lam, man wubin i wang’e; Wurwo ni Yehova ku bero mi leng’.

Nehemia 11:1

Man judongomawijo mi dhanu gibedo i Yerusalem: dong’ dhanu bende gigoyo gagi, kara gikel ng’atu acel ma kind juapar kara ubed i Yerusalem ma adhura ma leng’, man ng’ete abung’wen ke i adhura mange.

Zaburi 110:3

Dhanu peri gimiri gigi ku berocwiny I ceng’ mi tego peri, ku bero mi leng’; Kud i ic mi kugweno Ibedo ku thoi mir aradu peri.

Ai 28:2

Man itim kendi ma leng’ ni Harun m’umeru, mi dwong’ man mi bero.

Ai 28:40

Man itim kanzu ni wot Harun, man itim thondhpier igi, man itim igi jambwic, mi dwong’ man mi bero.

Isaya 1:21

Adhura mandha doko ni won asara mire ma! en ma naka epong’ ku pokolembe mire! naka bedopwe gonjo i ie, ento kawono junek.

Isaya 1:26

man abidwoko jupoklembe peri calu ma kwong’a, man juporlembe peri calu ma kwong’a: yo ku ng’eye jubilwong’i Adhura mi bedopwe, adhura mandha.

Isaya 26:2

Wuyab dhugang’, kara thek ma pwe ma gwoko yioyic umondi.

Isaya 35:8

Man gengi bibedo kuca, ku yo, man jubilwong’e kumae, Yo mi leng’cwiny; gin m’ucido bikadhu kud i wie ngo; ento ebibedo ni ju ma juwarugi: juwoth, eyo jukusegu, bikier i ie ngo.

Isaya 4:3

Man ebitimbre, nia ng’atu m’udong’ i Sayuni, ku ng’atu m’udong’ i Yerusalem, jubilwong’o leng’, en e ku ba dhanu ceke ma jukiewoi kind ju ma kwo i Yerusalem;

Isaya 48:2

(kum gilwongri gigi mir adhura ma leng’, man gijengri gigi kum Mungu mir Israel; nyinge Yehova mir udul):

Isaya 49:18

Ting’ weng’i gbur, man inen: maeni ceke cokri gigi karacelo, man gibino i beng’i. Calu abedo kwo, Yehova wacu, ibironjri andha kugi ceke calu ku jambruko, man ibitwiri kugi, calu mugole.

Isaya 51:17

Ceu, ceu, cungi, E Yerusalem, m’imadhu kikombe mi kwinyo pa Yehova kud i cinge; imadhu tabu mi kikombe mi mielkum, man idare.

Isaya 51:9

Ceu, ceu, rony tego, E bot Yehova; ceu, calu i nindo ma con, dhanum’utuk mi nindo ma con. En e in ungo m’itong’o Rahab nziki nziki, m’idhuyo ng’ec de?

Isaya 60:1

Ai, rieny; kum der peri bino, man der pa Yehova wok i wii.

Isaya 60:21

Dhanu peri bende bibedo pwe ceke; gibicamu ng’om ni aba mi nja, en e jangpiny m’apidho an, ma tic m’i cinga, kara juyunga.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Isaya 64:10

Adhura peri ma leng’ udoko ni langa, Sayuni doko ni langa, Yerusalem ni uvuru.

Yeremia 31:23

Yehova mir udul, Mungu mir Israel uwacu kumae, Gibiweco wec maeni i ng’om mi Yuda man i adhurane, kinde m’adwoko ng’eca migi kendo; Yehova mi mugisa iri, E kabedo mi bedopwe, E gudi mi leng’cwiny.

Ezekiel 44:9

Rwoth Yehova wacu kumae, Jawirok moko mbe, ma jutimo yaa i adundene ngo ma jutimo yaa i ring’kume de ngo, ma bimondo i kamaleng’ para, kind juwirok moko ma ni i kind nyithindho mir Israel.

Daniel 10:9

Ento awinjo dwal mi lembe pare; e kan awinjo dwal mi lembe pare, e nindo ma pek unura, wang’a de lokre yor i ng’om.

Yoel 3:17

Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

Nahum 1:15

Nen, wi gudi tiend ng’atu m’ukelo rwonglembe ma ber, m’urweyo pi kwiocwiny! Kwir agba peri. E Yuda tim lembang’ola peri; kum jadubo bikadhu kud i ii kendo ngo; ethumbre woko kot.

Hagai 2:4

Ento kawono wubed tek, E Zerubabel, Yehova wacu; man bed tek, E Yocuwa, ma wod Yehozadak, ma jalam ma dit; man wubed tek, wu dhanu ceke mi ng’om, Yehova wacu, man wutim tic: kum wanuti wakudu, Yehova mir udul uwacu,

Zekaria 3:4

Man eloko lembe eyero ni ju m’ucungo i wang’e, ewacu kumae, Wuwodh kendi m’ucido kud i kume. Man ewacu ire kumae, Nen, akabu dubo peri kud i bertg’i man abironyi ku kendi ma ber.

Matayo 4:5

Wonabali lund utere i adhura ma leng’; ekethe de wi usimbru hekalu,

Luka 15:22

Ento won uwacu ni jumiru pare kumae, Wuwodh kendi ma sagu wagi pio, wurony i kume; wuroi lagith de i lwete, ku wara de i tiende:

Jurumi 13:14

Ento dong’ wurony Rwoth Yesu Kristu, man kud wuyik kaka ni kum, ni awanyane ma rac.

Jurumi 3:22

en e bedopwe pa Mungu ma ni kum yioyic i Yesu Kristu ni dhanu ceke ma giyio; kum tung’ tung’ umbe;

Juefeso 4:24

man wurony ng’atu ma nyen ma calku koth Mungu eewire i bedopwe ku leng’cwiny mi lemandha.

Juefeso 5:14

Kum kumeno ewacu kumae, Dong’ iceu, in m’ibenindo, man iai i kind ju m’utho, man Kristu birieny i wii.

Juefeso 6:10

Aha a, wubed tek i Rwoth, man i tego mi tek pare.

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 19:14

Man njuru asikari m’i polo gilubo ng’eye ku wi riuni ma tar, ma gironjri ku bongru ma nwang’ ma nwe nwe, ma tar ma leng’ de.

Lembanyutha 19:8

Man emire ire nia eronjre gire ku bongu ma nwang’ ma nwe nwe, ma riang’ni, ma leng’ de: kum bongu ma nwang’ ma nwe nwe en e tic mi bedopwe mi jumaleng’.

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 21:27

man gin moko m’ucido, kadi ng’atu ma timo gin mir adegi ku ndra de, bimondo i ie ki ngo: ndhu ju ma jugorogi i kitabu mi kwo pa Nyathi Rombo kendgi.