Isaya 51:9 - The Holy Bible In Alur (Lur) Revised Orthography

⁹ Ceu, ceu, rony tego, E bot Yehova; ceu, calu i nindo ma con, dhanum’utuk mi nindo ma con. En e in ungo m’itong’o Rahab nziki nziki, m’idhuyo ng’ec de?

Isaya 51:9 ပူးပေါင်းရင်းမြစ်များ

Kitabu Pa Yob 26:12

Etugo mukura mi nam ku tego pare, Man ku ng’eyothelembe pare egoyo Rahab.

Kitabu Pa Yob 9:13

Mungu bikabu kwinyo pare ngo; Ju m’ukonyo Rahab gigung’ the tiende.

Zaburi 21:13

Bed dwong’, E Yehova, i tego peri: Kum kumeno wabiwero man wabipaku tego peri.

Zaburi 44:1

Wawinjo ku ithwa, E Mungu, Kwaruwa giweco iwa, Pi tic m’itimo i nindo migi, I nindo ma con.

Zaburi 44:2

Iriemo thek woko ku cingi; Ento gin re ipidhogi: Isendo kodhidhanu; Ento gin imoyogi mba mba.

Zaburi 44:23

Ceu, nedi inindo, E Rwothi? Ai, kud ibaiwa mi nja.

Zaburi 44:24

Ipanu weng’i nedi, Man wii wil kum ruvwa mwa ku masendi mwa?

Zaburi 59:4

Giringo man giyikri gigi ma lembe mbe i wia: Ceu kara ikonya, man inen.

Zaburi 7:6

Ai, E Yehova, i ng’ecwiny peri; Tingri malu wi rop mi jusend para, Man iceu pira: ing’olo lembapoka.

Zaburi 77:5

Ia pido pi nindo ma con, Rundi mi nindo ma con.

Zaburi 78:65

Rwoth ulund uceu calu ng’atu moko kud i wang’ nindo, Calu ng’atu ma tek m’ukok ni kum pigulok.

Zaburi 87:4

Abiyero pi Rahab man Babeli i kind ju ma ging’eya: Nen, Filistia, ku Turo, kud Ethiopia: Junyolo ng’atu maeni kuca.

Zaburi 89:10

Ituro Rahab nziki nziki, calu ng’atu ma junego; Iketho judegi peri ku bot mi tego peri.

Zaburi 89:11

Polo en e peri, ng’om bende en e peri: Ng’om ku gin m’i ie, iketho gicungo.

Zaburi 93:1

Yehova camu ker; ebedo aronya ku dwong’; Yehova bedo aronya ku tego; etwire gire kudo: Piny bende cungo, kara kud eyengre.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Isaya 27:1

I nindo raaeca Yehova bisendo nyang’ ma dit ma thwol ma ringo pio ku palamularu pare ma tek man ma dit ku ma nwang’ de, man nyang’ ma dit ma thwol ma gonda gonda; man ebinego ng’ec ma ni i nam.

Isaya 30:7

Kum Misiri konyo mananu, man ma kulokane mbe: ka kumeno alwong’e Rahab m’ubedo ling’.

Isaya 51:17

Ceu, ceu, cungi, E Yerusalem, m’imadhu kikombe mi kwinyo pa Yehova kud i cinge; imadhu tabu mi kikombe mi mielkum, man idare.

Isaya 51:5

Bedopwe para ni ceng’ni, both para wok woko, man bota bipoko lembe mi kodhidhanu; cula bikura, e gibigeno bota.

Isaya 52:1

Ceu, ceu, rony tegoni, E Sayuni; rony kendi peri ma ber, E Yerusalem: adhura ma leng’; kum ugambre kawono ju ma yaa mbe kugi man m’ucido bimondo ii kendo ngo.

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Isaya 53:1

Ng’a m’uyio rwonglembe mwa? man bot Yehova nyuthre ni ng’a?

Isaya 62:8

Yehova kwong’o ku cinge ma yor acwic, man ku bot mi tego pare kumae, Andha abimio cam peri ngo ni cemo ni judegini; man juwirok bimadhu pigulok peri ma nyasa ngo, m’imuli ku tic pire:

Ezekiel 29:3

yer, man iwac kumae, Rwoth Yehova wacu kumae: Nen, an a jadhogi, Farao m’ubimo mi Misiri, thwol ma dit m’uvuto i die kulo pare, m’uwacu kumae, Kulo para en e para gira, man atime ira gira.

Mika 7:15

Calu i nindo mi wokwoko peri kud i ng’om Misiri abinyutho igi gin ma wang’u ijo.

Habakuk 2:19

Can wi ng’atu m’uwacu ni yen kumae, Ceu: ni kidi ma weco ngo de kumae, Ai malu! Maeni biponjo? Nen, jumwone ku mola ma kwar man ku mola ma tar, e yuyo moko mbe i ie tak de.

Habakuk 3:13

Iwok ni both mi dhanu peri, Pi both pa ng’atu m’iwiro; Itong’o lero kud i ot pa jadubo, M’iyabu mbegi cil i ng’ut. Sela.

Zekaria 10:11

Man ebikadhu kud i nam mi masendi, man ebigoyo mukura mi nam, e kut ceke mi Nil bidwono; man kuhaya mir Ascur bijwik piny, man uluth mi ker mi Misiri biai.

Zekaria 2:13

Kum ceke, wubed ling’ i wang’ Yehova; kum eceu kud i kabedo pare ma leng’.

Luka 1:51

Enyutho tego ku bote; Elalu jukuhaya ku lembe ma igi pido ku i adundegi.

Yohana 12:38

kara lembe ma Isaya ma jabila yero utimbre kakare kumae, Rwoth, ng’a m’uyio rwongwa? Bot Rwoth de nyuthre ni ng’a?

Tic Mi Jukwenda 7:7

E Mungu wacu kumae, Abipoko lembe mi thek ma gibedo ng’eca igi: e yo ng’eye gibiai woko, man gibitimo ira kakeni.

Poi Mi Cik 4:34

Kadi Mu ngu ponjo cidho man egamu ire thek kud i die thek mange, ku lem ma tek, ku giranyutha, man ku musana, ku lwiny de, man ku cing’ ma tek, ku bot m’arieya de, man ku ng’oyondiri ma dit, calku gin ceke ma Yehova Mungu mu timo iwu i Misiri i weng’wu?

Lembanyutha 11:17

giwacu kumae, Wafoi, E Rwoth Mungu, ma Jategokpo, m’inuti man yang’ inuti; kum igamu tego peri ma dit, man ibimo bim.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Jupoklembe 6:13

Man Gideon uwacu ire kumae, Ei, rwoth para, tek Yehova ni kudwa, nedi gin maeni ceke wok i kumwa? man tic pare ceke ma wang’u ijo ma kwaruwa yero iwa pire ni kani, ma giwacu kumae, Yehova kelowa malu kud i Misiri ngo? ento kawono Yehova bayuwa woko, man ekethowa i cing’ Midian.