Isaya 51:7 - The Holy Bible In Alur (Lur) Revised Orthography

⁷ Wuwinja, wun ma wung’eyo bedopwe, wu dhanu ma cik para ni i adundewu; kud wulwor cac mi dhanu, kadi cwinywu kud ung’abre kum cac migi.

Isaya 51:7 ပူးပေါင်းရင်းမြစ်များ

Zaburi 37:31

Cik pa Mungu pare ni i adundene; Dakutielo pare moko mbe ma bikier.

Zaburi 40:8

Anyong’a nega kum timo yeny m’iyenyo, E Munguna; Eyo, cik peri ni yor i adundena.

Isaya 25:8

Emwonyo tho mi nja; e Rwoth Yehova biyweyo piwang’ kud i wang’ ceke; man ebikabu cac mi dhanu pare woko kud i ng’om ngung’: kum Yehova yero maeni.

Isaya 33:22

Kum Yehova en e japoklembe mwa, Yehova en e jamicik mwa, Yehova en e ubimo mwa; ebibodhowa.

Isaya 37:6

E Isaya wacu igi kumae, Wuwac kumae ni rwoth mu, Yehova wacu kumae, Lworo kud unegi kum lembe m’iwinjo, ma jutic p’ubimo mir Ascur ucida ko.

Isaya 51:1

Wuwinja, wu ju m’ulubo bedopwe, wu ju ma wuyenyo Yehova: wunen ba cana ma jupayuwu kud i ie, man ba vur mi odng’om ma juwodhowu kud i ie.

Isaya 54:4

Lworo kud unegi; kum lewic binegi ngo: kadok cwinyi de kud ung’abre; kum jubinyayu lewic i wii ngo: kum wii biwil kum lewic mir aradu peri; man ibipoi kendo ngo pi cac mi bedo mbe co peri.

Yeremia 1:17

Ka kumeno twi pieri, man iai, e iyer igi gin ceke m’ang’olo iri: cwinyi kud ung’abre i kumgi, amaru ketho cwinyi ng’abre i wang’gi.

Ezekiel 2:6

Man in, wod dhanu, lworo kud unegi i kumgi, kadi lworo kud unegi kum lembe migi, kadok ucok kud ukudho gini kudi, man ibedo i kind ith: lworo kud unegi kum lembe migi, kadi cwinyi de kud ung’abre kum nen migi, kadok gi ot mi jai.

Matayo 10:28

Man kud wulwor ju ma nego kum, ento ng’eyong’ec re negre igi ngo: ento ma sagu wulwor ng’atu ma copo nyotho ng’eyong’ec ku kum de i gehena.

Matayo 5:11

Mugisa iwu ka dhanu bicayuwu, man gibinyayu ragedo i kumwu, man gibiyero gin ma rac ma kwonde tung’ tung’ i kumwu ma en e ndra, ni kuma.

Luka 6:22

Mugisa iwu, ka dhanu bidaguwu, ka gibikoyowu kud i kindgi, gicayuwu de, man gibayu nyingwu woko calu gi rac, pi Wod dhanu.

Tic Mi Jukwenda 5:41

E ka kumeno giai kud i dilo, ma anyong’a negogi kum jukwanu ya giromo sendri mai jujwigo kogi kum Nying’ maeni.

2 Jukorinto 3:3

ma juketho enyuthre ya wun wu waraga pa Kristu, ni kum tim ma watimo, ma jukugoro ku vino ngo, endre ku Tipo pa Mungu ma kwo; ku ban mi kidi ngo, ento i ban ma adunde mi ring’kum.

Poi Mi Cik 6:6

E lembe maeni, m’ang’olo iri tin, bibedo wi adundeni;

Jufilipi 3:10

kara ang’eye, ku tego mi cer m’ecer ko, ku ripocwiny mi sendri pare, m’abedo ko ni ayi tho pare;

Jufilipi 3:8

Eyo andha, man akwanu gin ceke ni gin m’uoi mananu kum bero mi ng’eyong’ec pa Kristu Yesu ma Rwoth para: gin ceke oi mananu ira pire, man akwanugi ni usabu kende, kara anwang’ Kristu,

Juebrania 10:16

Maeni en e lembariba m’abitimo kugi Yo ng’ei ceng’ maeno, Rwoth uwacu: Abiketho cik para wi adundegi, Man abigorogi wi pidoic migi bende;

1 Petro 4:14

Tek jucayuwu kum nying’ Kristu, mugisa kwanyuwu; kum Tipo mi dwong’ ku Tipo pa Mungu ebedo i wiwu.

1 Petro 4:4

kum wukuringo wukugi ngo i thwo dubo ma calacel lembene wang’u igi lii, gidong’ giyero piwu rac: