Isaya 51:5 - The Holy Bible In Alur (Lur) Revised Orthography

⁵ Bedopwe para ni ceng’ni, both para wok woko, man bota bipoko lembe mi kodhidhanu; cula bikura, e gibigeno bota.

Isaya 51:5 ပူးပေါင်းရင်းမြစ်များ

Zaburi 110:6

Ebipoko lembe kind thek, Ebipong’o kakagi kud avu; Ebigoyo wie i ng’om dupa.

Zaburi 67:4

A wek anyong’a neg thek man giwer ni mutoro; Kum ibipoko lembe mi kodhidhanu atira, Man ibibimo thek wi ng’om. [Sela.

Zaburi 85:9

Andha both pare ni ceng’ni ju m’ulwore, Kara dwong’ ubed i ng’om mwa.

Zaburi 96:13

I wang’ Yehova; kum ebino, Ebino nipoko lembe mi ng’om; Ebipoko lembe mi ng’om ku bedopwe, Man kodhidhanu ku lemandha pare.

Zaburi 98:9

wang’ Yehova; kum ebino nipoko lembe mi ng’om. Ebipoko lembe mi piny ku bedopwe, Man kodhidhanu ku lem m’atira.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 24:15

Kum kumeno yung Yehova yo nyangu, cil nying’ Yehova, Mungu mir Israel, i cula mi nam.

Isaya 26:4

Wugen Yehova mi nja; kum ni kum Yehova, en e Yehova, cana mi nja nuti.

Isaya 33:2

E Yehova, bed ku bero i kumwa; wakuri: bed bot mwa ku ba rupiny ku ba rupiny, both mwa bende i nindo mir ang’abacwiny.

Isaya 33:22

Kum Yehova en e japoklembe mwa, Yehova en e jamicik mwa, Yehova en e ubimo mwa; ebibodhowa.

Isaya 40:10

Nen, Rwoth Yehova bibino calu jarukara, man bote bibimo pire: Nen, sukulia pare ni kude, man sukulia pare ni i wang’e.

Isaya 42:4

Ebijik ungo, kadi cwinye de biai ungo, maram ebiketho ko pokolembe i ng’om; man cula bikuro cik pare.

Isaya 46:13

akelo bedopwe para ceng’ni, ebibedo bor ungo, man both para bigalu ngo; man abiketho both i Sayuni ni Israel ma dwong’ para.

Isaya 49:1

Wuwinja, E cula; man wucik ithwu, wu kodhidhanu, ku bor: Yehova goyo wia kud i ic; elwong’o nyinga kud i ma:

Isaya 54:17

Jambali moko mbe ma jucwio i kumi ma bibedo miero; man ibigonjo leb ceke kubang’e kubang’e ma biai i kumi i pokolembe. Maeni en e aba mi jutic pa Yehova, man bedopwe migi m’uai i bang’a, Yehova wacu.

Isaya 56:1

Yehova wacu kumae, Wugwok pokolembe, man wutim bedopwe; kum both para ni ceng’ni bino, man judhingo nyutho bedopwe para.

Isaya 59:16

Man eneno nia ng’atu moko mbe, e ie wang’ lii kum jakindjo mbe: ka kumeno bote ma dhe kelo both ire; man bedopwe pare, ejenge.

Isaya 60:9

Andha cula bikura, man combo mi Tarcic ma kwong’ane, kara gikel woti ku bor, mola ma tar migi ku mola ma kwar migi karacelo kugi, pi nying’ Yehova Mungu peri, man pi Ng’atu Maleng’ mir Israel, kum eyungi.

Isaya 62:11

Nen, Yehova yero ni kajik mi ng’om kumae, Wuwac ni Nyasayuni kumae, Nen, both peri bino; nen, sukulia pare ni kude, man sukulia pare ni i wang’e.

Isaya 63:5

E aneno, man ng’atu moko mbe mi kony; e ia wang’ kum ng’atu moko mbe mi jeng: ka kumeno bota gira kelo both ira; man kwinyo para, ujenga.

Yoel 3:12

Wek thek giyauri gigi, man giidh ba poga Yehocafat; kum abijany keca nipoko lembe wi thek ceke m’utieko piny gbur.

Zefania 2:11

Yehova bibedo ni ng’oyondiri igi; kum ebimogo mungu ceke m’i ng’om; man dhanu birwo ire, ku ba dhanu ku ba dhanu ng’atuman i kakare, cil dhu wath ceke mi thek.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Matayo 3:2

Wulok cwinywu; kum ker mi polo ni ceng’ni.

Marko 16:15

Man ewacu igi kumae, Wucidh i ng’om yu, wuyer lembanyong’a ma juboth ko ni giracwia ceke.

Luka 24:47

man kara juyer pi lokocwiny ku rucodubo i nyinge ni thek ceke, ugambre Yerusalem.

Tic Mi Jukwenda 17:31

kum eketho ceng’ m’ebipoko ie lembe mi ng’om i bedopwe ku ng’atu m’eketho: kum maeni emio gin ma ketho kwiocwiny ni dhanu ceke, kum eketho ecer ku kind ju m’utho.

Jurumi 2:16

i ceng’ ma Mungu bipoko lembe wi lembamung’a mi dhanu, calku lembanyong’a para ma juboth ko, ni kum Yesu Kristu.

2 Jukorinto 5:10

Kum wan ceke wabikonyuthra be ngbeng’ i wang’ kom mi ng’olo lembe pa Kristu; kara dhanu ceke kubang’gi kubang’gi ng’atuman unwang’ gin m’utimbre i kum, rom ku gin m’etimo, kadok ebedo ber kadi rac.

Poi Mi Cik 30:14

Ento lembe ni ceng’ni i beng’i kpr, i dhogi, man i adundeni, kara itime.

1 Samwil 2:10

Ju m’upiembri ku Yehova bitur nziki nziki; Ebiwodho morpolo kud i polo i kumgi: Yehova bipoko lembe wi gund ng’om; Man ebimio tego ni ubimo pare; Man ebiyungo tung ng’atu m’ewiro.