Isaya 51:3 - The Holy Bible In Alur (Lur) Revised Orthography

³ Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 51:3 ပူးပေါင်းရင်းမြစ်များ

Thangambere 13:10

Man Lot uting’o wang’e malu, man eneno pambu mi Yor dan ceke, nia pi rome kun ku kun ceke, ma fodi Yehova kunyotho Sodom ku Gomora ngo, e calu podho pa Yehova, calu ng’om mi Misiri, kan icidho kum Zoar.

Zaburi 85:8

Abiwinjo gin ma Mungu Yehova biyero; Kum ebiyero lem kwiocwiny ni dhanu pare, man ni jumaleng’ pare: Ento ku gilokri kendo ba lembe ma kite mbe.

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 25:9

E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

Isaya 35:6

Jarabala bilund por malu calu thwon ruda, man leb ajuba biwero wer; kum pi bithwogre kud i langa, man kulo kud i ng’omngele.

Isaya 41:16

Ibiyekogi, man yamu biduny kugi cen, atido de bikethogi; man anyong’a binegi ni kum Yehova, ibiyungri ni kum Ng’atu Maleng’ mir Israel.

Isaya 43:19

Nen, abitimo gin ma nyen; kawono ebiloth; wubing’eye ngo? abitimo yo cil i yamba, man kulo ma dit i ng’omngele.

Isaya 44:26

m’adwoko lembe pa jatic pare tek, m’atimo lembapora mi jukwenda para de; m’awacu pi Yerusalem kumae, Jubibedo i ie; man pir adhura mi Yuda kumae, Jubigomogi, man abiting’o kar udhurune;

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 49:19

Kum, pi kar uvuru peti man pi ka ma lic peri, ku ng’om peri ma junyotho, andha kawono ibibedo dirty hai ni ju m’ubedo ii, e ju m’umwonyi gibibedo bor.

Isaya 49:8

Yehova wacu kumae, I nindo m’uyire aloko iri lembe, man i ceng’ mi both akonyi; man abigwoki, man abimii ni lembariba ni dhanu, kara iting’ ng’om malu, kara iketh gimak aba m’udong’ ni uvuru;

Isaya 51:12

An, en c an, an a ng’atu in’ajukowu: in i ng’a, ma lworo nege kum dhanu ma bitho, man kum wod dhanu ma jubidwoko calu lum:

Isaya 52:9

Wumoj wer mi mutoro, wuwer karacelo, wu kar uvuru mi Yerusalem; kum Yehova juko dhanu pare, ewaru Yerusalem.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 65:18

Ento mutoro kud anyong’a negwu thiri thiri i gin m’acwio; kum, nen, acwio Yerusalem ni anyong’a, man dhanu pare ni mutoro.

Yeremia 31:25

Kum ayeng’o ng’eyong’ec m’uol, man adwoko ng’eyong’ec mi can kubang’e kubang’e.

Ezekiel 28:13

Naka ini i Aden, podho pa Mungu; kidi ma pire tek kubang’e kubang’e ubedo ni girauma peri, en e kidi ma kwar ngbo, man kidi ma ie nen calu lum, man kidi ma ie nen ma rieny hai, man kidi ma col calu nam, man kidi ma tek ma kite tung’ tung’, man kidi ma ju kite ma pii pii, man kidi ma tek ma ie nen uluga, man kidi ma col calu lum, man kidi ma kwar calu mac, man mola ma kwar: man tic mir umbukulumbu peri kud adungu peri ni ii; juyikogi i ceng’ ma jucwii i ie.

Ezekiel 36:11

man abimedo dhanu ku lim i wiwu; gibinyai gibicego nying’gi de; man abiketho jubedo i wiwu calku bedo mu ma kwong’a, man abitimo ber i beng’wu ma sagu i thekri mu: e wubing’eyo nia an a Yehova.

Ezekiel 36:35

Man gibiwacu kumae, Ng’om maeni ma naka uvuru udoko calu podho mir Aden; man adhura m’unyothre ma ni uvuru ma juweko de judwoko tek jubedo i ie de.

Yoel 2:3

Mac uwang’ i wang’gi; man i ng’eigi lebmac uliel: ng’om ubedo calu podho mir Aden i wang’gi, man i ng’eigi langa mir uvuru; eyo, man ng’atu moko mbe m’uboth igi.

1 Petro 1:8

ma wumare, ma fodi wukunene ngo; ma kadok wunene ngo kawono, ento ma wuyie, anyong’a negowu dit kud anyong’a ma wecre ngo m’upong’ ku dwong’ de;