Isaya 51:12 - The Holy Bible In Alur (Lur) Revised Orthography

¹² An, en c an, an a ng’atu in’ajukowu: in i ng’a, ma lworo nege kum dhanu ma bitho, man kum wod dhanu ma jubidwoko calu lum:

Isaya 51:12 ပူးပေါင်းရင်းမြစ်များ

2 Ubimo 1:15

Man malaika pa Yehova wacu ni Elia kumae, Wulor piny wukude: lworo kud unegi i kume. E eai, man giloro piny gikude bang’ ubimo.

Zaburi 118:6

Yehova en e jabang’a; lworo binega ngo: Dhanu copo tima nedi?

Zaburi 146:4

Yuyo pare wok, man edok ba ng’om pare; I ceng’ maeni nini pidoic pare rwinyo.

Zaburi 92:7

Kinde ma dhanu ma rac gimeu calu lum, Man kinde ma lembe bedo miero ni jutic mi kier ceke; En e nia gibinyothri mi nja.

Lembrieko 29:26

Dhanu dupa yenyo bero pa jabim; Ento pokolembe mi dhanu ai ba Yehova.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 2:22

Wuwek dhanu, ma yuyo pare ni i odiume; kum jukwane ni gin moko ni kum ang’o?

Isaya 40:1

Wukwi cwiny, wukwi cwiny dhanu para, Mungu mu wacu.

Isaya 43:25

An, en e an, an a ng’atu m’uyweyo gondri peri woko pira gira; e abipoi kum dubo peri ngo.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 51:3

Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 52:9

Wumoj wer mi mutoro, wuwer karacelo, wu kar uvuru mi Yerusalem; kum Yehova juko dhanu pare, ewaru Yerusalem.

Isaya 57:11

Man lworo ku bebe negi kum ng’a, ma nia icwai ndra, man ipoi pira ngo, kadi can de nego cwinyi ngo? abedo ling’ hai ungo, man ilwora ngo?

Isaya 61:2

kara ayer pi rundi mi bero pa Yehova, man ceng’ mi culokwor pa Mungu mwa; kara ajuk dhanu ceke m’uywak;

Isaya 66:13

Calu ng’atu ma min juko, e abijukowu kumeca; e wubibedo ajuka i Yerusalem.

Isaya 8:12

Kud wuwac kumae, Rop, kum gin ceke ma dhanu maeni biwacu pire kumae, Rop; kadi kud wulwor lworo migi, kadi bebe de kud umakwu pire.

Yeremia 38:19

E Zedekia m’ubimo wacu ni Yeremia kumae, Lworo nega kum Juyahudi m’upodho cen ba Jukaldayo, gimaru mia i cing’gi, man gicaya.

Yeremia 41:18

ni kum Jukaldayo; kum gilworogi, kum Icmael ma wod Nethania nego Gedalia ma wod Ahikam, m’ubimo mi Babeli ketho ni jabim wi ng’ombe.

Ezekiel 2:6

Man in, wod dhanu, lworo kud unegi i kumgi, kadi lworo kud unegi kum lembe migi, kadok ucok kud ukudho gini kudi, man ibedo i kind ith: lworo kud unegi kum lembe migi, kadi cwinyi de kud ung’abre kum nen migi, kadok gi ot mi jai.

Matayo 10:28

Man kud wulwor ju ma nego kum, ento ng’eyong’ec re negre igi ngo: ento ma sagu wulwor ng’atu ma copo nyotho ng’eyong’ec ku kum de i gehena.

Yohana 14:18

Abiwekowu rwa ngo: abino i beng’wu.

Tic Mi Jukwenda 9:31

Ka kumeno kanisa m’i ng’om ceke mi Yahudi ku mi Galilaya man Samaria de gibedo ma cwinygi kwio, e giteng’ni; e ka gibewotho i lworo pa Rwoth man i jukojuk pa Tipo Maleng’, gimedri.

1 Petro 1:24

Kum, Kum ceke calu lum, Dwong’ne ceke de calu thiu lum. Lum ner, man thiwe de oi:

1 Samwil 15:24

Man Saul uwacu ni Samwil kumae, Adubo; kum akadhu ku wi lembang’ola pa Yehova, man lembe peri, kum alworo dhanu, man aworo dwandgi.

1 Samwil 17:11

Man kinde ma Saul kud Israel ceke giwinjo lembe maeno pa Jafilisti, ewinygi ng’abre, man lworo negogi dit.

1 Samwil 21:13

Man eloko bedo pare i wang’gi, man epale gire nia en e abelu i cing’gi, man egoro wi dlmgoia mi dhugang’, man eweko laudhoge cwir wi tike.